紋身記

今日陪Clarice巴西女同事去紋身

咁岩又係你果間

不過佢果個係guest客席紋身師，台灣女仔黎

咁佢搵我陪，我就同佢一齊去

而且又可以做translate

我地約左晌果度等

之後去食少少野

去左間cafe

不過Clarice緊張到食唔落

1點鐘appointment

入到去唸番起你果次即慶既紋身

哈哈

我唔可以落去，所以只有呆等

中途佢話想食甜野因為暈暈地

我就出左去M&S買糖比佢

等到4點終於紋完

我覺得手功唔錯

幾細幾幼

之後陪埋佢去左間西人飲茶晌SoHo隔離既

間野好古怪

周圍都係西人

佢地食點心

但d點心又怪怪地

同真正飲茶有d唔同味

咁都唔係太差

但見到佢地飲酒黎食點心真係覺得好怪哈哈

食完我去左SoHo一間戲院買定下星期睇Bladerunner 2049

好期待呀～！

買完番屋企唸住去寵物店攞貓糧

話說上星期dpd整唔見左我包裹我就好嬲

又驚無貓沙用

所以就晌第間訂左

但番星期一至五又送唔到貨

所以就要去取貨

貓沙好重，要攞架車去。。。

點知發現原來關左門，唔記得check

唉

最後番屋企

her左幾分鐘flatmate都番埋黎

佢話佢都買左飛睇Bladerunner但未睇過上集所以就睇

我都陪佢

佢睇左半個鐘就頂唔順話太慢

最後放棄左哈哈

睇果時Salim仲好冧咁訓哂晌佢大脾添

爛面

撞鬼唔知咩事

今日起身真係又紅又痛

嗚嗚嗚

唔知點解無啦啦會惡化左

應該都係食錯野多。。。。唉

點算呀～好唔開心。。。。

今日係有兩個主力last day

佢地走左，我同呀VU同事就要擔正黎做

不過VU同事最近好出力

仲好幫得手，好聰明

我地互補不足

成功學到哂九成既野

我真係覺得我地兩個超級勁

要比個叻自己！

做到6點番屋企

今日flatmate有街去所以屋企無人

好靜

餵左Jamal藥

然後就無聊上下網咁

11點就訓教咯

曾經的夢想

今日番工都中午時

打左去診所

話有驗尿報告喇終於

叫我6點去到診所

咁我就早左走

做到5點半準備

但搞搞都要5:45先離開到

去到診所大概6:30好在醫生仲晌度

咁其實都係果幾句

有菌，又話想照ultrasound

咁就會知道有無crystal

我唔理佢啦，反正都唔會晌佢果度照

但d藥就係上次比果d

所以佢都比多左10日藥

total 20日藥

應該會好番哂架喇～

Jamal日日都蝦食喇～

番到屋企 Ivan 就text我

本身約左聽晚

佢話想改今晚

我就拿拿聲餵野，整蝦再餵埋藥

然後再出門口

約左晌SoHo唐人街附近等

佢個樣無乜點變

仲係好細路

但性格變左，好似謙虛左哈哈

我地傾左好耐好耐好耐

由見面傾到12點

傾番以前好 friend 果段時間

回憶總係美好既。。。

果陣我地都好熱血

佢同 Jervis 一心都想做導演

我就想做剪片

成日傾夢想，好有大志

但到左大家都實現夢想時

就開始漸漸疏遠

真係多得果個八婆啦～

不過好開心見番面

仲傾到好多以前唔會傾既計

感覺好親切

好似番番去廿幾歲時

果段光陰好美好，好青春，係我好珍貴既回憶

食完飯行左好耐

行到12點上車番屋企

即沖涼訓教

今年應該會易過d，有好多朋友黎左～！

鄰居有包裹

postman好有心咁樣收埋

佢地竟然覺得係有用？

回復正常

起身Jamal又活潑番
感覺安慰
起身飲咖啡做早餐然後出門口

今日比較忙
有好多野做
做到6點收工
番屋企
7點半樓下果個人想上黎check d野
話聽到水聲
想睇下我地係咪漏水
點知check到原來係隔離屋
check果個人仲買左個針孔鏡頭放入去d管度
好鬼正
但望住個mon又好驚會見到老鼠屍體哈哈哈

食左個沙律
依排要食清d
因為日日出街食食到塊面爆哂蒼
我決定唔貪小便宜
雖然可claim lunch但都放棄了
日日出街食真係好唔健康

食完即肚屙
唔知係咪太耐無食菜哈哈
餵完佢地之後我就入房迎訓教喇
終於有正常日子過。。。

安心

食完藥Jamal好似正常番少少
但我都係擔心
早上就打左去另一間vet
但佢地話你已經開左個case
好難就咁轉
叫我打番去比佢地同佢講你好擔心

咁我就照打
佢地就話不如再睇睇佢
約左5:40pm
我番工番到4點提早走
5點去一去診所睇下有無報告點知佢地好忙
就叫我5:50再帶Jamal黎
咁我就照帶啦
Jamal中氣十足嗌得好慘
好似無咩事咁

去到醫生終於肯比佢打antibiotics
因為驗尿報告仲未有
就比佢食d general d既
遲d再轉藥

睇完，打左針，係好左好多
而且我拎埋個blood test
比左網友睇
佢每樣都解釋左比我知
佢話個報告唔算差
亦唔洗轉糧～！
我一早都知果個係黃綠醫生黎
佢咁亂講野真係害死貓囉

聽完網友講真係個心定番哂
又無腎衰竭
不過，我都覺得Jamal仔個腎唔好架喇
係遲早既事。。。

anyways今晚終於有教好訓～

一個好難食既齋餃飯
點解水餃係配飯？唔知，不過依度好興。。。

買左隻supplement佢食
係護bladder既～

flatmate送比我既飯

dpd終於搵番我個包裹
爛左，而且仲貼左 cannot fail must go
因為我足足屌左佢兩日。。。

珍貴的尿

今日無論如何都一定要得到Jamal既尿
因為已經好多人，一定要有尿sample
決定用番尋日好順利既方法
就係直接用碟裝～

尋晚10點已經收埋個廁所
希望佢第朝會急啦
7點鐘起身
今日佢地無再喵喵叫
Jamal好安然坐左晌度，個樣唔似急
仆街喇
捉佢入廁所
點知真係唔屙
行黎行去
心唸今次真大獲

過多半個鐘最後機會
因為我都要番工
迫佢飲水，再餵湯包
再抱佢入廁所
佢兜左兩個圈
似係屙啦～開心跳起Yea
我就即刻用個碟放入去
點知～！！！！太早放～！
佢一見我放就即刻彈番起身
Oh NOOOOOOOO
我果下好驚好緊張
又要用氹佢
佢終於再屙
我今次聽到水聲先用個碟裝
真係有尿啦
好珍貴既尿呀

然後我好小心好小心咁將佢pump入個test tube度
終於有喇～～～～～～～～感動到喊出黎呀真係
即換衫去診所
然後比左姑娘之後就番工喇

番工遲左不過都無辦法
做做做
做到6點就走人
即刻仆去診所點知又遇著地鐵壞左
等左好耐
最後我要跑去診所
點知唔知點解個背包原來係開左
仲趺哂d野出黎
條頸巾仲要拖左好耐地，真係oh my god呀～～～～
不過銀包果d無趺，好彩

跑到身水身汗好在趕到診所未關
問下有無result
點知只有一個晌診所做既簡單result
有菌有血
但又係唔比藥我
要test左咩菌先
真係激死我喇
而且佢竟然仲迫我買左包乾糧
係乾糧～！
佢話個驗血報告show到佢high protein
要減
我心唸你係咪醫生黎架？？？戅鳩架？
一隻有尿道炎屙尿有問題既貓你竟然推介食乾糧真係前所未聞
唉但宜家又等緊報告無辦法唔扮信佢
真係好嬲好嬲好嬲呀

番到屋企
因為我遲左餵止痛藥
Jamal情況非常惡劣
惡劣到一個地步係連flatmate都好擔心好驚
我地成晚陪住Jamal
佢一急就屙，周圍屙，係咁滴血
真係陰功，心痛死我啦

晌Facebook識到個網度，佢老公係London做vet
之後同佢傾左陣
佢話聽日有報告可以比佢睇，佢會解比我知
傾完訓教，越唸越驚
成晚都訓唔到。。。

散心

5點幾起身試下用碟裝尿
估唔到真係仲易過呃佢用水晶沙
完成實驗希望聽日早上都係咁順利啦～

搞完再訓，訓到10點
食左個三文魚bagel早餐就打掃
一邊打掃一邊等送貓沙黎
點知送貨果度出錯
結果要聽日先送真係麻煩

搞掂哂d野就唸住出去寵物店買貓沙
點知果間又無平時用開既
唯有番屋企咯

番到屋企見Jamal好似無乜野訓左教又食左d止痛藥
咁我都出去行下散下心
唉～
真係好唔開心

番到屋企整左個速食晚飯焗左個批
食下菜就開始睇 True Detective
都好似幾好，有少少驚咁哈哈
有d似 Mentalist哩

無心裝載

今日5點起身收起佢地個廁所
計劃就係1點先放番出黎希望Jamal可以屙到然後比d尿醫生
早上餵左野
不過無乜餵口
我就唸住將d藥放晌蝦到撈埋黎食
點知個衰仔又食得太急反而嘔番之前d早餐出黎
真係激死我

最後搵左flatmate捉住佢
然後一野隊d藥入佢個口度搞掂
但可惜最終佢都係唔肯晌水晶沙度屙
4點半我放棄後就放番佢平時d沙
佢就即屙
真係激死我囉～

同你skype又係激死
明明已經相隔幾千里
難得可以傾下計你又唔專心又敷衍
亦對我既野唔關心無興趣
同你講過既野你又唔記得
之前同你推介既一套戲
講左好多次
之後你一句「無聽過喎，唔識喎。」
然後到我睇完套戲
連個blog都係寫果套戲
仲要果日我一路行去戲院係同你wechat緊
仲話之得睇遲一場可以番屋企同你skype等等
（詳情請參照http://siumak.blogspot.co.uk/2017/07/baby-driver.html)
你竟然可以講得出一句
「乜你有睇咩依套戲？」
果下我真係唔知點比反應你好
究竟係你已經唔會再留心聽我講既野
定係完全無興趣知我晌依度發生既野哩
我睇完一個好期待既演唱會
你亦問都唔問我好無睇
其實有時都唔知同你講乜好
你要我買既野
我幾多個鐘都會排
係因為我晌依度已經無乜可以為你做既野
我只係期待每一次skype可以傾下計
但都得唔到想要既回應
咁其實傾黎又有乜用哩？

本身Jamal病我已經好擔心又無人幫
flatmate又唔會幫
你又咁樣
真係搞到好唔開心亦唔想同你講野
反正你都唔會問架啦哈哈

診所臨收工問下醫生點算
佢就叫我試多一日
之後行左去攞包裹
攞完就番屋企
同flatmate煮左d打邊爐食靜既野
食飽左我就hea
觀察下Jamal
希望聽日可以實習一下收尿
星期一唔洗捉佢去啦～

處女睇vet記

今日終於都睇左英國第一次vet喇
晨早book定架的士
來回每程£7，其實只係5分鐘車程
不過都無辦法啦～～

去到原來係間細細既診所
姑娘同個醫生都幾好人
醫生仲幾靚仔添
不過Jamal個肚就空既，亦無尿所以乜都驗唔到
佢去到廁所只係痛，咁都唔算太嚴重
但就抽左血

雖然醫生係靚仔但佢同我理念好唔同
佢係支持乾糧既
咁我當然唔係好想繼續喇
但都無辦法
醫左今次應該會轉醫生

最後佢比左d 取尿既水晶沙我
亦比左止痛藥
打左支止痛針
睇下聽日有無尿sample啦～～

搞掂哂就番公司
不過呀VU同事就認真唔掂
明明我已經做左既野佢又由頭encode一次
搞到d野好抆水
算啦趕得切就算
今日終於將幾條片掟左上webstore做左live
都幾得意既
不過份工始終有d悶悶地。。。

4點半有個drink party因為又有人走
成間公司好似日日都有人farewell
因為成條team炒左
我同d人吹下水，hea下就走咯

放工約左Vivi
一早約左最後都見左面
佢仲帶左老公黎
佢老公係一個幾有學識既人
而且仲識識地國語添
佢晌上海住左6-7年
老外黎講都算勁呀真係。。。
我都未必得哈哈

食完吹完水就走
Jamal好似都有屙到尿
不過有少少血咁
餵左一大兜
我一定要晨早收起個尿兜希望聽日可以collect 到d尿sample啦～～

睇完醫生先屙左依舊
有血既

兩周年黑仔記

今日原本應該開開心心既
因為係黎到兩周年
點知臨出門口果陣發現Jamal舊病復發
又出出入入廁所喇
唉認真擔心
好可惜今晚偏偏係等左接近成年既演唱會
而且朋友既飛又係我手
我亦非常非常期待
所以我放工帶唔到佢睇醫生
真係好嬲又好抆
點解偏偏係今日？

番到公司真係無乜mood
都係繼續做
做到lunch去附近間cafe
係以前朋友Amy介紹過我既
係London係好出名，個barista都攞過好多獎
咁我就叫左個lunch同咖啡
入面有個亞洲人好似Amy
我就whatsapp佢
原來Amy都識得果個亞洲女仔
所以就同佢吹左陣

食完飽飽就番公司繼續做
做到6點即走人
急急腳去西面concert場地
Goncalo同Tom已經晌附近pub吹水
我去到就食左少少野
等埋安琪個朋友呀刀仔
上次見過一次，佢係音樂發燒友黎
亦鐘意Sigur Ros，所以就一齊睇

個場地非常古怪
竟然係坐既人晌前面
企既倥晌後面企
我地買左企位
不過無所謂啦
Sigur Ros既音樂係唔洗見到佢地個樣
只要有燈光舞台同d音樂就夠
雖然無我既最愛果首歌
但整個concert真係好撚正
d燈同projection真係好靚好靚
好感動，好想喊～～
睇完好滿足
睇果陣係忘記左Jamal
不過一睇完就即刻仆番去睇佢

flatmate話佢無乜野
但硬係我一番果時先出出入入廁所
真係唸極都唔明
不過我已經book左聽日9:30睇醫生
唯有告半個上晝假啦～