The End of a Decade

今日係最後一日
對我黎講當然係好正常喇
下午Blaz買左香檳同大家慶祝

然後又一路做
去到5點全世界都走哂
所以我都放走我d同事自己留底

完成左This is Going To Hurt
喊到死左
順便買埋佢個show
唔知會係點架哩？
真係正～
好在係用依一本書迎接新一年

我其實唔明完左一個decade又幾大件事
對我來講，都係一個好普通的日子

死城

今日番到公司真係成個死城咁
同左新識既Chris吹左陣水
番去繼續做野
無咩太特別
反正每一日都係一樣。。。。

夜晚狂睇This is Going to Hurt
真係好正喎

lone time

今日終於有番d自己既時間
好早做家務洗衫
搞掂都只係10點幾11點

然後忽然想用另外一本書做今年結尾
所以出左去Waterstone買左This is Going to Hurt, Chaos Walking因為要重睇
同埋The Stand
再去對面食雪糕
然後就去左pub睇利記主場
成場都好緊張因為我地踢得唔好
好在有足球之神幫我地
連續兩個VAR都ok左
最後贏1-0

番屋企沖涼訓教
聽日又要番工喇

星期六番工日

今日又係渣車番工既日子
仲車埋Howard添
渣到番公司都係做野
又用左電飯煲煮蝦湯
堅正～

一路番工然後又去左散下步咁
6點收工番屋企食左d野就開始認真聽依本咸書
哈哈真係好鬼正～

死城

今日係公司送既假期
可惜唔係人人都有
全公司都好靜
繼續做野

Ioannis又黎左
唔知仲咩，真係無聊
佢走左後繼續做野
好平靜既一日

番屋企又繼續睇書～
好快就應該睇完 The Feeling When～
依個series真係超可愛～正呀

Boxing Day, Working Day, Football Day

照樣渣車番工
同Henny一齊番
都好，可以靜靜地

都無咩特別
其實比想像中多野做。。。
一路都清唔哂

6點渣車去搵呀瑋
今晚係睇Liverpool vs Leicester既大賽
點知贏到開巷
好開心
見到隊波踢得真係好好
太厲害啦
繼續呀～～～～

睇完渣車番屋企
好順利～

聖誕節打邊爐

今日係好期待既日子
因為準備左同Steve晌公司打邊爐
帶哂所有野
準備得非常唔錯

Ioannis又黎埋
無朋友無生活既佢
真係唔知點講哈哈

不過都好開心既
邊食野邊吹水
唔錯唔錯
仲有好多甜品添～

大家都好滿足然後又繼續開工喇
今日真係好開心好hea
聽日繼續番工～

火腿家家

今日晨早去Billingsgate
從未見過咁多人
真係好恐怖
我快快買完蝦就走喇

番屋企飲咖啡睇書hea一陣
用左cast iron煎野係煩不過ok好食
11點出門口去到火腿屋企
然後睇佢地煮野
1點開餐
今日好正有三文魚，蝦，羊架，stuffing，薯仔
仲有甜品
一路吹水一路食野好飽呀真係

4點幾走人
趕去M S買左少少野就番屋企開波睇Witcher！

Bluewater Solution聚

今日係番半日工
因為請左假同Solution去玩

先開左個會
識左個叫Chris既人
初初都ok既，點知佢原來好好傾
無意中發現左佢係motogp迷
仲傾左好耐計添
哈哈～～

12點半走人
番屋企叮左d野食
Solution忽然話佢會去公司拎野
最後約左晌Canada Water等

唔知點解佢好醒目咁知道我幾時黎
就上左我車直去Bluewater喇

一邊吹水一邊渣車
好快就到左
行左個圈買左d野
然後就決定食Nando我最愛～～

估唔到5點幾食野都要等，哈
食完7點走人
送左佢番屋企仲上埋佢屋企睇
原來佢屋企都幾正～～
一個人住一間屋係正既
仲要好平。。。哈

去完Sainsbury買完野就番屋企
沖涼然後訓教啦

The Witcher

7點半收工渣車番屋企沖涼訓教
訓到12點幾比Salim嘈醒
然後開始做家務洗衫咁
食埋個晏就出去Asda買野再去埋波波屋企

去埋收包裹
終於開Benny寄既包裹
好多野都好好食
好開心～原來上一年都係22號收到卡的～～呵呵

搞完一輪終於開始The Witcher
不過有少少難明添

Potluck Xmas Party x We are the World Champion

9點幾醒左一次再訓到1點
起身去超市買完野後
原來自己係第一個。。。
唉依班人真係無個真既

好耐之後終於齊人
好多野食好開心
第一次慶祝聖誕節仲有pigs in the blanket添

不過我食完拿拿林走人
番屋企睇波然後番工
睇到未完就要走
番到公司睇加時
最後我地贏左，真開心呀～～～～～～～yea

今晚係同tom仔番，好relax
仲睇左d書添～

死城

今日番工
因為尋晚係party
好多人都死左咁
唔係遲番就zombie咁樣
9成人work from home
都好既
完全唔忙，又無email咁

今晚係同 KK Chloris去玩既日子
去睇一個circus，晌我最愛既food market Mercato

去到先同佢食左野
然後等到KK黎就入場
初初真係覺得好流
但越睇越覺得好搞笑，哈哈

睇到10點完場走人
都唔錯～
然後一路睇書睇到3點先訓～～

公司Party

今日係公司既Xmas Party
好多人都個心都唔係番工上
大家已經非常holiday day mood

6點後同Howard, Peggy, Henny一齊去party
會場都ok
不過熟既人就同熟既人吹水
好似仍然係一樣

後來我鼓起勇氣做左一件事
就係同果班小朋友吹水
其實佢地都幾可愛呀
吹左一個鐘倒
好似make左friend咁哩呵呵

然後玩多陣
9點幾10點就走喇
因為聽日要番工。。。
如果唔係真係有少少想留耐d哩

忽然平靜

今日有番Steve，但竟然又平靜番
無尋日既瘋癲 system又好似無咩事

平靜到可以睇埋本 To Be Honest哈哈
真係好心急好想睇哂佢
開心～

6點收工番屋企
焗左炸雞食
又食左朱古力
好曳既一日，但好開心～

幸運避過星期一

今日一番工先發現原來尋晚大死機
好在完美避過左
不過今日都超忙
忙到完全唔知已經過左兩點
食野一路做做做

然後6點幾本來有個drink
點知Natan仔甩我底哈
番屋企hea陣睇書
然後就訓教喇

Wai聚

今日係放假
瑋約左我去佢屋企食飯
佢有朋友黎左玩

一早起身打好哂掃
然後煮野睇下書洗埋衫買埋野
4點半就出發點知大塞車
成6點先去到瑋度
Viann已經晌度
所以就係咁吹水
然後Amanda同果兩位新朋友都黎左
就食飯吹水咁

10點幾渣車車埋Viann
然後番到屋企沖涼訓教喇

PDR

今日全日都要進行PDR
其實都唔知有咩用
不過算啦，公司野點都要做

同Jim傾完覺得唔錯
夜晚再同Rachel Andre傾
中間睇左場悶波
ManC贏哂

傾到9點幾渣車走
然後睇左陣書
12點訓教～

Goncalo Birthday Drink

今日係星期六既番工日
因為Luke已經走左
所以得番我同Jim仔

有佢我就好安心
所以都無咩特別事
下午仲睇左場波好彩贏到咋哈哈

收工去左Peckham
見左Goncalo, Luis, Tom仔, Sabela同Tom仔女友～
終於見到面喇
係個幾可愛既女仔，唔錯

留左一陣就走因為聽晚要番工
留左架車晌公司，答車番屋企
聽日要留夜晌公司
所以可以晏d起身

最後的DnD

今日算係好平靜既一日
早左番工因為收工要DnD
全日都ok無咩特別事
係玩DnD時先發現原來今次係最後一次
因為Game Master辭職喇
不過都無計啦
可以賺大錢既人係會走既
真希望我都鐘意做佢地做既野。。。。

好嬲

今日有Steve晌度
都好過少少
但全日都好忙同好嬲
有太多無能既同事真係會好嘔血
唉

忙到6:30pm先收到工真係激死
番屋企去左投票點知搵唔到station
同個陌生年青人一起搵
最後終於搵到

番屋企煮野食餵貓睇書
咁又完左一日

Bluewater shopping 遊車河

一早起身打好掃洗哂衫就出車
12點幾去入油然後就渣去Bluewater
今次行細路搞到好似好難去咁

去到泊好車就行呀行
晌書店留左好耐
最後買哂床單同M&S既野之後就再去Ikea
買左mattress protector
然後再去埋Waitrose就番屋企
咁又玩左一日
因為無帶英國audible手機所以只能再聽Red White and Royal Blue
真係好正～

番屋企食炸雞，菜，煮好哂野就休息喇

Steve終於番黎 + PDR

今日終於有呀Steve
然後傾左d發生既野
交帶好後就做下野

今日要同Rhuari做PDR
估唔到佢比咁高分我
不過我做得野我知既
雖然有d位我做得唔好
睇下點啦～繼續做好d
依份工真係幾開心

夜晚約左Vikki Svante食飯
估唔到佢遲左
搞到要同Svante單獨吹左陣
好在宜家練習左
變得吹得水

食西班牙野
間野好似退步左
食完Svante要走，我同Vikki再去酒吧吹水
吹到10點就走喇

中文字幕

今日番工又係得自己in charge
忙到仆街仲要幫人test字幕
不過都好既，終於有中文字幕睇啦～

全日都好忙。。。。
最後請左2個鐘假6點收工算數
聽日會見Rhuari單對單
唔知會點啦～

今日決定收工行番屋企然後煮野帶飯
再聽下書睇下書
完成Wayward Son！
期待Book 3！

平靜番工日

專登訓晏d因為實在係太累
8點幾渣車番到公司
唔算太多野做
中午仲走左去行下添

5點放左呀tom走人
我就留到6點
渣番車番屋企再出去散步儲夠分
煮左d野
然後就睇書喇
One Little Lie完成

深夜gig

今日渣車番工
無左Bob就得我同Tom所以都無咩特別
一路做野好正常

收工後先番屋企餵貓
然後就去左Lewisham果間pub
因為今晚深夜打鼓老師會有個gig
但成12點。。。
8點去到原來唔洗入場費
一路睇書一路等到12點半終於見到佢

聽左陣1點幾就call 的士走
太眼訓喇

忙撚到喊

今日係放左個幾星期後然後再夜班再番日更既第一日
估唔到就出事
因為偉大既Jeremy已經放假
但發現佢交帶既野唔太對版
又打電話又問David咁樣
不過anyways啦

仲有Town Hall啦
無用既Town Hall
真係哂心機捱眼訓
然後又極忙
忙到痴線
好多好濕碎既野
最後竟然搞到6:30先走

番到屋企聽下書睇下書又食下野咁
用左Kindle睇免費既書
要快d睇多d先得

Le Mans 66

今日好早起身要打掃
估唔到比文婷晌度訓可以搞到咁耐
佢又唔太願起身咁
本身好想自己過安靜既一日既
不過算啦

打完掃洗左兩機衫
仲煮埋lunch比佢
終於3點幾就出門口
睇Le Mans 66
完全唔知個history
亦無期待
點知無期待原來真係最好

套戲真係好好睇
我亦唔知Christian Bale原來係Welsh
佢扮英國口音真係超好聽
最後太傷心喊出黎
點解世事永遠都係咁克人憎
永遠拎credit既都係高層
仆街黎架

好唔開心咁番屋企
再睇埋One Little Word
依本書簡直係集合哂我最鐘意既原素，哈哈哈
好宅呀～

餐廳大亨

7點幾收工番屋企即訓
訓到1點幾就起身
3點幾出去接文婷
餵埋貓就出發去搵餐廳大亨

去到St Albans一個未去過既地方
好辛苦終於泊到車後入左去Sushimania
見到佢地兩公婆
都幾好傾
一路吹到10點幾再去埋佢餐廳睇下文婷岩唔岩
玩到成11點幾先走
不過咁樣反而好快番到屋企哩

番到去吹陣水沖埋涼就訓喇

Department Christmas Dinner

今晚係公司內部食飯
我做搞手既
點幾兩點起身
都係煮下野咁
唔係好記得做左咩

5點幾出門口去到pub大家已經晌度
今次都好齊人下
有傾有講有食野
不過我同Clarice 玩到8點就走喇
因為我地要番夜哩

今晚係平靜既一日
番到7點幾就走人喇

update Blog

7點幾收工前見到Andre所以吹下水咁

走人去睇GP

見番上次果個

吹左陣水佢都幾好人以後都book佢先

聽完本書爆喊

決定要download套戲睇

搞完一輪10點幾就上床訓喇

訓到4點幾5點終於醒

今日係放假所以無無聊聊咁

整左個啤酒雞

hea陣就決定睇套戲

結果真係爆喊。。。。

然後就寫日記喇。。。

The Art of Racing in the Rain

做到7點半之後就走人

番屋企hea一陣10點就訓

點知3點幾就醒左。。。。

煮埋個肉hea一陣就番工

今晚等Meric一齊

所以都可以專心工作

開始左一本新書 The Art of Racing in the Rain

點知太好睇竟然一晚就聽／睇哂

真係太感人～

番夜第一晚

今日都ok順利

9點幾扎醒再訓到2點幾

算ok啦

然後都係無聊一下煮下野食下野

睇左場利記足球

贏得太驚險真係好驚

沖個涼就番工

好耐無番工喇

一番去見Steve同Susana仲晌度所以都有吹下水

今晚係Dean同Clarice一齊番

所以感覺都ok啦

Jocyln

今日係搵Jocyln既日子

佢真係太好人，好多謝Mary介紹左佢比我識

11點去到West Acton Atariya

佢地渣車泊好之後就入黎一齊買野

好多魚生，正呀～

買完之後就上佢車去餐廳

原來佢屋企係開餐廳既

帶左去一間叫美心既京菜

唔怪得可以帶自己野食啦。。。

一邊食野一邊勁吹水

仲識左佢爸爸同佢開餐廳既朋友

希望可以幫到文婷啦～！

吹完水之後仲見到佢d family friend

傾多陣我地就番屋企

3點倒我就開始番屋企喇

番完屋企我自己都開始煮飯

聽晚終於番夜喇～今晚要捱下先～

已經睇哂His Dark Materials

下樣睇咩好呀？

Dear Evan Hansen

今日係期待左超過半年既Dear Evan Hansen musical大日子

2月尾買飛到宜家，真係等到頸都長

打完掃搞好哂所有野買埋送之後出發去Lon屋企

4點到食左佢整既雞之後就出發

先去Stratford Uniqlo因為想睇d野

結果係佢買唔係我買

買完哂之後就出發

6點半去到順利拎左飛

周圍行下之後就開始睇喇

感覺係好想Ben Platt唱但無計啦

但係好正既，好感動

估唔到係呀媽果段令我喊

唔錯～

睇完就番屋企喇

年尾最後一個令人期待既野完左喇。。。有d空虛。。。

即慶飯局

今日好番dd

所以決定見下朋友

早上食完藥訓左陣之後就出發去Lon屋企

即慶搞左個煮飯大會

Michelle波波Lon同Alice

Justin好快就走左，哈哈

食完仲有好多野靜

決定聽晚繼續

10點幾食完就番屋企

食完藥好似真係好番d！

病假

既然有病假我就決定大安指意休息

決定做一d平時無時間做既野

就係睇His Dark Materials喇

希望依個病假可以睇哂啦

仲有睇書哩

原來留晌屋企係可以好正架～

好痕呀

真係痕到想死

本身唸住睇醫生

先番公司睇下有無appointment

8點打去發現最快都要下星期

咁死得啦

但唔信邪我忽然install個app見到今日12點幾有個appointment！

立即book左好方便

所以決定番半日就算

走左之後得番4條友番工

唯有靠佢地幫幫手

帶左laptop番屋企

放低後就去睇醫生

其實都唔知咩事

不過有藥食都好過無

仲有一星期病假添，正呀

終於可以抖下，決定比自己休息

同老細講完之後決定休息

食左藥後沖個涼就大教訓喇

希望快d好番。。。

Boy meets Hamster

本身今日要OT

但我見尋日要渣咁耐車所以最後都決定放棄

雖然係好想要錢啦

而且周身痕好唔舒服

留晌屋企打下掃好過

打完掃之後見有時間

忽然心血來潮決定渣架車去Bluewater 個mall行下

果度咩都有，去左holland barret, boots, M&S同書店

真係一個好去處～！

只需渣30分鐘就到真係正

不過今次無時間行

只買哂所有野同埋一本書就要閃

然後渣架車去Halfords換左個水撥

換完之後真係好順滑哈哈

完成哂所有事就番屋企喇

仲開始左新書Boy meets Hamster

好可愛

Pensons

今日係去Pensons食午飯既日子

個reservation係2:30

但因為太遠太難predict

所以決定早d出發

先渣45分鐘去瑋屋企接佢地

然後出發去第一個停車站

需時要個幾兩個鐘

一路都好順利除左TomTom指錯左一個出口後

一直都落雨落雨

不過去到接近目的地就好d

渣左3個半鐘車終於到

仲好早所以要等下

我就狀態唔好因為成身都好痕唔知咩事

等左半個鐘終於有枱

仲見到Felix做野既樣添

佢送左好多野食比我地

真心好食

有好多出人意表既食物

個面包真係正到痴線

佢間唔中出下黎介紹一下

好多staff都超friendly

食完之後佢仲帶左我地周圍行一圈

入夜我地要走喇

4點幾出發

好在沿路都ok好安全

停番果個休息站去多一次廁所就出發

安全送佢地番屋企

佩佩話渣得好，估唔到一年會進步咁多

最開心係聽到依句

簡直係一雪前恥呀～

Compliance Training

星期五

今日有好多同事要搬位

所以大家都無咩心情番工

10點上左個training

都幾特別既compliance knowledge

下午大家開始搬然後就四散

好似得我地要番工咁

4點幾落左去買啤酒比佢地

大家都無mood番工

我都唔理喇6點走人

破哂戒食面包，真係好好食呀。。。

Find Me

無咩特別既一日

4點半公司有個forum開會

忽然覺得好討厭

講到好多生意

但其實炒左我地兩個人

唉

然後有company drink

同左d同事吹下水咁

唔知仲咩今日忽然個身好痕

起左好多粒粒

好辛苦呀～

最近開始左Find Me

Call Me By Your Name既sequel

唔知Elio同Oliver點啦～～

No More Sky

今日係夜更後既番工日

都無咩特別

今日齊人仲有Clarice

又唔洗再做Sky

算ok啦～

做到夜晚收工後決定行番屋企

因為好想聽埋本Carry On

聽左3日就完成，唔錯～幾得意

臨訓前仲買埋本Find Me

究竟Elio同Oliver會點哩～～

Bjork

94忽然有免費飛
其實唔太想去
但我知瑋應該會鐘意
所以就拎左4張

先番屋企眠一眠
然後打掃沖涼再約d friend
6點半到達
會合哂然後食炸雞

點知Luis同Goncalo同Ana都晌度
開場前見一見
個view太差
所以聽到10點我都走先
番屋企餵好哂佢地就訓教喇

理大事件

今日係番夜既日子
尋晚見住理大發生既咁事
真係好無奈

無咩印象發生咩事
番一晚夜，聽日睇演唱會。。。。

香港末日

今日番工車呀Rachel一齊

然後一路QC

食lunch

香港果面打仗

真係好恐怖

我忽然唔知應該點唸

一方面自己無得comment

另一方面見到d人只係晌Facebook叫人出去叫人救人

但自己就晌屋企

當黃絲都唔去幫前線時

香港就注定會輸吧

番到屋企即訓晏教

宜家係3點

洗車

星期六係番工日

Andre請假所以得番我同Rachel

今日渣車番工

聽住歌唱住歌真係好正

原來車箱就係自己既卡拉ok

番到去一路都係做in out point

終於做完Batch 2了

正

然後做下normal野

收工渣車番屋企前去左洗車

再仆去Waitrose買野

然後番屋企，食野，休息

睇埋套The King

結尾好正

睇完Timothee即刻開番Call Me By Your Name 翻J

太靚仔

PDR

今日係番半日假

一早就同supe開會

做哂大家d PDR

終於完成

仲搞埋xmas dinner既email添

番半日收工去火腿屋企送佢去醫院

同時想聽埋本書our stop

4點倒送番佢屋企就搞掂

希望佢健康啦

番屋企本身想去整車但最後放棄左

煮野食

點知夜晚勁肚屙

依排真係有d事，一係就無得去

一係就勁屙。。。

整理左audible既wish list

10點上床訓～

Amanda Viann Wai Pui

Jeremy今日唔洗番，得我同Steve

一如以往好夾

但我全日做in out point

所以無咩特別

最正係Henny答火車遲大到

大家係咁笑真係正

收工去Farringdon見瑋pui同Amanda

點知Nandos竟然要等

最後去左sports grill bar仲睇埋場英格蘭足球添

正～

之後係咁吹水吹水

最後8點幾9點走人

番屋企餵貓休息～

The King

今日番工終於有呀Tom仔

同埋多番d人

雖然又有另一個人病

點解白人咁鬼弱架

全日做in out point

雖然悶但唔洗唸野都唔錯

老細話Deluxe會Bankruptcy

唔係咁堅嘛

點知原來波波都聽過，哈

仲話Christmas Lunch係soup同potatoes...

夜晚收工散左陣步然後聽下書咁

番屋企煮左d野食，整埋蝦既jamal

休息下就完結

好想睇埋套The King添。。。

Hong Kong.....is dead

7點幾收工番屋企訓

起身一路睇既都係香港既消息

好沉痛，好悲哀

但亦無咩資格去comment

因為人已離開，而我亦係因為依個原因離開。。。。

起身好難先的起心肝打掃

無咩心機

打完掃。。。煮左個vegan餐

都幾好食原來

然後渣車去左asda買下野

入左油

番屋企吽下吽下

係時候要update番個blog。。。。

夜晚開始左The King

Elio真係太靚仔

可惜套戲唔係我杯茶。。。但都要睇落去。。。

Goodreads Challenge Complete

12點幾先起身

一起身又係一d唔開心既新聞

好似無停過

但亦好似係一個唔同既時空發生

我有我做我既野

然後香港人有香港人要做既野

見住朋友係咁share又答唔到咀。。。

hea左陣再訓下教

但都唔係好訓到

7點番工，同Henny一齊

然後就一直做。。。。

今日終於完哂左50本書既challenge

可以再多d既～！

利記vs曼城

12點半先起身

今日決定唔打掃

因為下午要出去睇波。。

煮好野食好野就去公司

死人頭呀Mesh將我送既禮物漏左晌公司

搞到要去幫佢搵

好在晌細kitchen一搵就搵到

然後走人去Ealing Broadway

去到pub呀Amanda同Puipui已經到左

就一路吹下水咁

終於開波

好有爭議性既第一球

唔理啦慶祝左先

5點幾呀瑋終於黎

然後都係吹水睇波食下野咁

最後贏3-1當然係開心

但又有少少失落因為有太多話題

去左Old Street見呀Mesh拎隻杯比佢之後就走喇

番屋企hea

然後睇左Game Changers

真係好有說服力囉～！！！！

好想試下Vegan餐哩

終於吽到3點訓教，希望聽日晏d醒～

韓燒日

今日係韓燒日

不過日頭要番工

Steve啦David啦Jedd啦同我

我就做in out point既工作

所以無咩特別

仲晌tv box重睇左Looking幾集添～好正呀～

收工答火車去New Malden

然後晌超市買埋野

等位開餐

今次真係好多人

食左好多肉

超多肉，好正呀～

大家都飽到死左咁

然後就答火車番屋企

點知吹吹下水最後去左Waterloo Sports bar繼續吹

吹到11點半先走

都好既，反正要捱眼訓調夜更～

番到去捱到2點就訓喇～

Mesh Farewell Drink

今日係Mesh同Fedrico既farewell drink

早上送左份禮物比Mesh

然後下午都係一路做

好忙～又唔夠人

唉，真係好無奈啦～～～～

都唔記得忙咩喇

最後6點同Chris, Steve去左食少少野

就去間酒吧

點知又唔算太多人喎

我留到7點半8點就走人番屋企喇

反正聽日要開工。。。。。

我是你的Plan B

今日搞定鬧鐘祝Benny生日，哈哈

總算記得喇

工作上都唔係好記得發生咩事

只係知道要做果個無聊in out point真係好想嘔

然後永遠最唔夠人時就最忙

真係頂佢果個肺

唔知係邊一日

晌屋企聽Will Grayson喊到收唔到聲

我以前一樣，永遠都係你既Plan B

如果我無同你絕交，唔知又會係點哩？

PO Calvin Dinner

今日夜晚約左Calvin食飯

初初以為佢會帶個仔黎

點知呀仔黎唔到

出黎食飯都係講下PO野

又講下香港野

佢講左一句好好笑

依排真係講左一世要講既粗口呀。。。

哈。。。好無奈

破哂戒食左carbs

不過算啦

番屋企餵貓沖涼訓教～

Will Grayson

今日係自己in charge既一日

裁完員既第一日

有2個本應一齊番工既人，無左

得番4個，真係忙到癲

一路勁忙忙忙忙

食飯都繼續做

然後去post office寄野比Benny

再做做做

6點收工

番屋企食左d野

但又破戒食左雪糕

聽緊Will Grayson Will Grayson

唔錯丫

Redundancy

一早飲緊咖啡果時JT搵我

點知一講就不得了

原來上星期發生大件事

Luke比人炒左

而今星期一會炒埋Bob

但Bob係唔知發生咩事

睇黎今日會好大獲

番去同JT catch up左一陣

唉，好大壓力

坐後面既人會比人炒

得我知JT知，佢地唔知

1點發生後成間房氣氛超級怪

我亦唔太想做野

估唔到今次番黎會係咁

真係好無奈呀。。。。

唉

打掃

8點幾起身然後好落力打掃

好多謝朋友既幫手

發現間屋唔算太dirty

一路做呀做

換番兩間房既野

又洗衫又換床單

足足搞左一整日

仲煮埋野食準備聽日番工

要進行減肥大行動～～～

今日好滿足

做好哂所有野！！

又有開工既動力喇～

極眼訓

落機好快就已經拎到行李

眼訓到痴左線

下次真係唔會high住咁上機

好彩Addison Lee司機已經晌度

80鎊真係豪比你啦，累到痴線

番到屋企放低行李連涼都唔沖就即訓

訓到4點都想繼續訓但一定要起身

然後執下野，換左床單之後就準備聽日打掃

食左藥，12點就再繼續訓喇

Upgrade Business

今日係上機既日子

都係留晌屋企執行李咁

Gwen個camp cancel左所以佢地忽然得閒

我同媽咪就食雪菜肉絲米做結尾

夜晚終於係時候走喇

Gwen就留晌屋企

家姐姐夫就送我機

臨上機我食埋最後兩粒bear糖

結果就賴野

全程high到想嘔

連upgrade左既business class都唔係好enjoy到

又訓唔到

激死人啦～！

Halloween

今日係Halloween又係Gwen生日既日子

我地先去還車

我渣一架媽咪自己渣一架

順利還左之後佢就車左我去唱K

哇真係好正呀，一個人唱左一陣

不過家姐後來都會合左我

唱左無幾耐佢地就黎接我地去食晚飯同Trick or Treat喇

第一次見識Trick or Treat 感覺好得意呀

d屋裝飾得好靚～！

去到餐廳好可惜家姐同Gwen鬧交

我真係頂唔住爆左出黎

點解家姐可以咁難頂。。。唉

好在後來好快無事

我仲去左隔離店買蛋糕添

番到屋企睇陣電視就食蛋糕喇

本身佢聽日入camp所以聽日應該見唔到Gwen既

點知個camp cancel左

原來天氣差所以要改期

結果聽日又多左一日～

Niagara day trip

今日係渣去Niagara on the Lake酒莊既日子

Ag姐姐好早就黎左

我地10點幾就出發

成程車超級容易渣

真係幾唔錯

渣到去買好哂酒後就決定去瀧食日本野

食番上次好好食既漢堡扒

食完就渣番屋企喇

不過加拿大真係好塞車哩

渣完去酒莊唔煮飯決定食傳說中好好食既fish and chips

係幾得意既

JUICE last day

今日係last day

QC完再做下chapters之後就去左買蛋糕

家姐話Uncle Tetsu好出名

所以就去左買

係幾好食既

派完蛋糕再搞埋d手尾就走喇

其實整個experience係幾得意既

希望再有機會黎啦～

番屋企唔記得係咪食住家菜喇

聽日出發road trip！

JUICE day 2

又係番工既日子

其實有d悶

可能我真係唔岩加拿大既生活

5點半起身hea一陣答火車出去

8點到公司一路QC野

然後食lunch

然後繼續

然後收工

家姐唔舒服所以又遇唔到佢

番到屋企後爸爸話想出去食晚飯

去左一間日本野叫赤鬼

點知真係好好食～！

勁正呀

然後就渣番屋企喇

Chapters書店

星期日唔係好記得做左咩

最後又係去左書店

同車左爸爸去買野

番到去之後應該都係睇下書等媽咪煮飯

住家飯真係我最愛呀～

Wonderland

Wonderland我終於都黎啦

事隔唔知幾多年

今次同姐夫，Gwen同家姐一齊黎

食完早餐就出發

天氣非常唔錯

去到玩左幾樣野之後家姐就停

好多野都好想玩不過佢地唔太玩

食左個好正既雪糕野

然後用一個最新最好玩既過山車做結尾

唔錯～！

JUICE day 1

今日終於係番工既大日子

9點到公司拎左pass之後

見下d同事，仲派左好多手信添

大家都超鐘意哈哈

識左個女仔叫Erin

佢train我一d平時無學識既QC technique

不過加拿大人感覺真係太生外

好怪怪既感覺

學左d野

QC左d野

好快就收工喇

遲左答火車所以遇唔到家姐

夜晚食左個極好食既羊～！！！！！

超正呀～～～

Ag姐姐同哥哥都有黎食，真係好好好好食！

龍蝦餐

今晚係去食龍蝦既日子

但因為我好想再去Oomomo

所以自己渣車去Woodside mall玩

依個已經成為我心目中最正既地方喇

玩完買完之後番屋企

無幾耐就渣去賭場

條路係幾好渣，晌加拿大真係易到爆哈哈

去到賭場整左張卡然後就食飯

都ok呀，幾好食

食完就番屋企

夜晚家姐再黎睇波哈哈

雞批之迷

今日媽咪會做雞批我睇

我就全力拍比Benny睇

不過個衰仔都未必會整架喇

整完之後決定渣架車去遊車河同shopping

做好哂個to do list就出發

去Can Tire, 睇酒, 同埋去左一個令我意思不到既鋪頭

叫Oomomo，竟然係日本10蚊店～！

好正呀～～

我決定聽日自己再黎

仲去左J Town，書店，shoppers

間Chapters成日令我屙屎

究竟點解哩？

Alex in the Wonderland

因為今次既旅行實在太hea

所以都唔係好記得做左咩

主要都係搵下地方去

去下附近超市，食下住家飯

同埋睇下書咁

第一本要睇既係Alex in the Wonderland

唔錯～

夜晚家姐佢地一家黎左睇Raptors

好似係第一場

佢地嗌到傻左，哈哈

到達～！

唔算太jet lag

一早起身等埋哥哥就去左飲茶

然後就出發去拎車喇

渣到去原來係hyundai黎既

爸媽自己走

哥就跟我走

我先放架車晌佢屋企

然後就去買草啦～～～～

去到間cafe唔同左樣以為執左

好在唔係，要神秘入去

買好哂野再番哥哥屋企

去左公園睇紅葉，好靚呀～

然後就開車番屋企食第一餐

青紅蘿蔔湯J死人啦～～

出發加拿大

今日終於起程～

好早起身搞好哂行李就等Dikky黎

最後佢竟然答火車

見到面，有5分鐘倒，哈哈

唔理啦，聽天尤命啦

我地架車到左就出發～

去到機場預早左

check完in就食左個唔好食既早餐

求其買左d Harry Potter手信比Gwen

之後就上機囉

最後無調到位

自己坐，都無咩點睇到戲就半睡半醒之下到達

飛機餐好好食～BA果然唔錯

落左機拎好哂行李後

就上左車直去屋企

晌途中同家姐傾好叫壽司去媽咪屋企食

unpack下，吹下水就完左一日

聽日要去拎架車玩下先～～～～

大掃除

今日終於可以大掃除

一早起身就開工

一路做呀做

又洗衫又抹地整左好多野

好開心

搞完哂就開始休息

聽埋最後既Flatshare幾好笑

然後開始Politician

係唔錯既

食埋最後一餐黑毛豬結束媽咪既住家菜之旅

不過會晌Toronto繼續～

Pokemon Centre 失敗

今日請左半日假

交帶好所有野唸住去pokemon centre

點知原來我真係太天真

d人係4點開始排隊既

咁當然去唔到喇

所以轉左去買送番屋企休息一下算數

拎埋眼鏡媽咪煮左飯

之後等Justin Moon黎

解釋點餵貓呀果d

就送左佢地番屋企喇

Fire Marshal Training

今日番工

點知原來係Fire Marshall Training

我完全唔記得

去同jeremy上堂仲有Ben同Sophia

聽左好多有趣既野

值得研究

番到去食個飯開始做野

Steve今日in charge

有好多野做

一路做一路忙

5:40走去DnD

終於有d睇頭

玩到7:45走人番屋企

食左個好正既大蝦餐

然後搞下爸爸個Monzo就沖涼啦

魚市場 + Buckingham Palace

終於放假

而且天氣唔太差

先去魚市場買野

買到大蝦同蝦，聖子

然後番屋企

車d海鮮比Justin果時有人以為我係uber

哈哈

搞定之後等媽咪去埋廁所就去Buckingham Palace

睇左一陣，都ok啦

然後去左Harrods買餅

再去St Paul

然後答船番屋企

經過Tesco再買左d蛋糕

番到屋企累到痴線

我就update一下blog

夜晚食左媽咪煮既蝦呀，雞呀

吹下水之後我開始左The Politician

好正哈哈

睇完就訓喇

Forum Meeting

每日都係番工收工

今日好番d，因為有Steve

而且system好似好番左好多

起碼可以做少少野

早上開左個會同Steve, JT

無咩特別

一路都係做下野吹下水

1點參加左個Forum meeting

都幾得意，聽到好多好shock既事

收工番屋企，今晚食既係雪菜肉絲米～

食完再整埋Dikky既pdf就ok喇

聽日終於放假可以同爸媽去街喇～

媽咪廚神

星期一個system仲未work

所以真係好得閒

但好似略有好轉

都無咩特別，都係做野睇野咁

今晚番屋企食既係ikea丸，菜同埋大蝦～

媽咪整得好好食

每晚都有住家飯，正呀～

晚晚住家飯

星期日，又係渣車番工既日子，真開心～

全日無聊到痴線因為無野好做

所以決定去散步，用盡d分換戲飛比Moon

仲聽埋本書添，The Hating Game，兩日搞掂哈

收工渣車番屋企

好似係食雞扒，真係好好食～

The Hating Game

星期六渣車番工～

帶左電腦番公司唸住整野

點知好addicted to本新書

The Hating Game

睇依d書真係易到痺哈

番屋企今晚係食豬扒，好正呀真係～～～

唔通真係要搬去加拿大。。。如果係究竟會點哩

唉～

New Cleaner！

今日係正常番工日

一早就比Salim嘈醒

好快飲左咖啡就出門

Jeremy無帶卡就出左房結果無人開門比佢

然後吹下水咁開始做野

system好多都唔work真係煩到嘔

好多野好慢，過得好慢

不過最開心係有個好好既cleaner黎左

雪櫃舊冰無左，好開心呀～～

一定要清潔得好好先得～

收工去左Canada Water買slippery mat

然後番屋企

媽咪煮左梅菜扣肉食

食到好飽呀

然後吹下水呀傾計呀，之後就訓喇

洗牙，眼鏡，New Malden！

今日做好多野

先11:30洗牙，然後番屋企抖陣再渣車去整眼鏡

買埋送然後就去New Malden唸住食燒肉

帶屋企人去食高潮肉

不過因為塞車，又行城市，真係好辛苦haha

去到後發現原來泊車好似唔洗錢

之後去到就開枱買肉食野

依個高潮肉真係連爸爸都鐘意

好正～～～～

食到飽飽就渣番車番屋企喇

Irene + 強的 Gravensend之旅

今日渣車去Irene, Gravesend度

先去Asda買花，入油然後出發

其實都幾近

唔洗一個鐘去到

去到佢屋企係咁影相

真係好正

點知傾下先知原來佢係深藍既

真係無計傾喇

去左墳場

然後食lunch

以為可以走

點知原來又要同佢地食dinner

最後我晌廳訓著左。。。

起身無耐出發去bluewater

其實飽到上心口都要去食

食完吹完番佢屋企拎車就走喇

渣番去好快，30分鐘倒

第時有多個地方好去～bluewater！

再戰Southampton + Stonehenge

一早起身就行

第一站先到Fleet services

然後就去到Port喇

順利接左之後就去左麥記泊車去廁所再晌車食左d面包之類

然後就出發去Stonehenge

依度係爸爸一直想去既地方

終於圓佢心願

玩完之後再去番Fleet service

食晌cruise既面包

再番屋企

total應該渣左7個鐘

但又唔算累喎

約左irene聽日去佢度

又可以渣車喇

調假病左

今日第一次要同Luke開會

好彩佢都叫無犯錯

所以可以叫鬆一口氣

開完個會後Steve同JT就踢左我番屋企

話我病

所以最後都叫請左病假喇

番屋企後仲同左呀Moon去一轉Asda

送埋佢走之後沖左涼就訓教

訓到夜晚就出去見Wan同Vikki囉

都係吹水食野咁

去左Barrica都ok啦

食完再去左間pub吹多陣就走喇

番屋企立即沖涼訓教聽日起程Southampton！

Safari之旅

一早起身食左早餐就出車

先去接波波然後去Justin Moon度換司機

今次終於做乘客喇

去Safari Park

一開始d動物訓哂無精神

玩完一圈去左入去行既地方

感覺d動物有d唔開心

行完一圈再渣車行多次

今次就勁

見到好多獅子老虎開始行來行去

有一隻仲行到好近添

玩完哂就番屋企

Justin Moon先番去

再車番波波

然後就入油番屋企休息喇

波波生日會高潮之旅

訓醒無幾耐就出去Canary Wharf

今日係波波生日會

先去New Malden食燒肉

今次間Treestone唔錯

好好食

d肉好正晌隔離買

然後去另一面燒

食完再行去Krispy Kreme食 donut

再去埋超市買野

94去拎蛋糕分頭行事

會合後就去左波波屋企食蛋糕同打機

我6點幾7點就要番屋企訓教

8點一教訓到第二日

接火腿

今日要去醫院接火腿

一早起身打下掃先

之後好眼訓就訓左

點知原來佢好早就搞掂

我訓醒先見到msg拿拿林飛出去接佢

之後就去食jolibee

喉嚨痛但係食炸雞

我都覺得自己勁

食完送埋佢番屋企就走

番去抖一陣，再訓左陣晏教就去睇Joker

整體係型既不過就好似有d唔夠癲

睇完之後番屋企又再訓。。。

Gemini Man 首映

病到傻左

睇來都係得我依d人病會番工

得我一個 in charge

都係做下依樣做下果樣

極眼訓，可能食左藥

點知咁岩Rhuari比左2張首映飛我

係睇Gemini Man既

又唔好意思推

唯有去啦

叫左波波一齊去

眼訓到想死

入場後原來係imax 3D

好古怪的感覺

好想訓又訓唔到

最後睇哂全套

之後就一齊同波波番屋企

立即沖涼訓教。。。

病完又病

今日都無咩特別事

又開始作病

不過唔係扁桃線，似感冒

夜晚去左DND session

點知DM玩Amy個char時殺左個witch

真係激死人

好快就散水

番屋企沖涼訓教。。。

病啦病啦

一早就番去check下Luke既野

都無咩點變到。。。send哂email出去

睇下點啦唉～

今早起身喉嚨好左d

所以決定照常番工

但全日都好累

可能身體打緊仗。。要抖下先

一整日都落雨

大家開始話d雨傘套有用，哈

佢send msg黎話打緊牌，唉點解唔早少少開始？

夜晚番屋企london bridge大塞車

最後揀左個新方法走

答火車去lewisham轉dlr

番到屋企食左一筒雪糕

然後餵佢地沖涼，好想早d訓。。。

病 + 黑色slip on RIP?

訓訓下喉嚨痛醒左

上星期同Luis Tom仲吹水話4年無病假

唔通忽然黎料，真係黑仔呀

一路勁痛但繼續做野

9點半見左HR Daniela

佢非常好人，應該係位好HR

傾完之後搞好d文件野就做自己野

一路做呀做，終於等到Luke黎開個會

都無咩既

希望你生性喇

番屋企勁痛，決定去超市買雪糕食

食完就食d腸同芋絲面

沖涼訓教

今日對黑色slip on入水

應該係壽命完結了

Working weekend

今日無得渣車因為car park停左

番工得Tom仔所以無咩特別

一路靜靜地做呀做

佢早走最後夜晚得我自己

搞完哂6點收工番屋企

jubilee 死又無dlr

激氣呀。。。唉

終於番到屋企食野餵野聽下書

無幾耐就休息喇

Atariya Wing Yip 日

尋日忽然唸

其實今日去食魚生都ok喎

因為早上只要打掃同煮飯

下午其實係得閒

尋晚即興約Justin Moon同Lon

全部OK!

所以就決定行程喇

好早起身打掃一路做無停

洗衫吸地煮飯洗貓廁

終於可以早d出發

1點去入油然後接Justin Moon再接埋Lon

搞掂出發

不過好塞車哈

有d驚險鏡頭不過最後都順利到達

先去wing yip買買買

然後就去Atariya買魚生喇

大家都非常興奮

揀完買完即番屋企煮飯做魚生飯

然後我地三個就打overcooked

開餐超開心

非常滿足大家都好滿意

一定要再黎～

食完再打到10點半就走喇

送埋LON之後番屋企

11點半搞掂哂沖涼訓教

好眼訓～

Vikki Dinner

星期五得我in charge

都無咩特別事

大家都係一如以往地嘈

尤其howard同jedd晌度。。。。

收工同Vikki食晚飯

去左Fishworks

都係吹下水咁

傾下公司事，Svante之類

食完吹水就番屋企喇

沖涼訓教～～

Southampton之旅

今日終於係期待已久既半road trip

要渣去Southampton送爸媽

一早起身飲哂咖啡就出發

事先已經check左一個停車點

點知未到已急尿

好在屁得到

順利到達食左個早餐再起行

去到Southampton係反而最唔順利因為搵唔到個碼頭

最後都搵到

送走佢地我就去食野

食完快快就出發

仲停左一個新service point晌Fleet

去哂toilet又起行

最後4點半番到屋企抖一陣

就再出發去公司

今日有三大巨頭要走

所以個farewell drink好有份量

去左間未去過既pub

同左d好少會吹水既人吹水

玩到8點幾就走喇，聽日要番工。。。。

有住家飯的日子

今日終於番工

但間房裝修所以只可晌出面做野

非常非常悶

終於捱到下午可以搬番入房

不過係有d唔開心因為無得拎award

唉～究竟幾時先係我拎呀～～～

番屋企媽咪煮左野食，正呀～

食完一路吹水吹到夜晚然後訓教喇

聽日起程～

HEA

今日全日都係hea過

起身整左早餐比爸媽食

天氣唔算好，又落雨咁

等媽咪訓好哂教後

終於2點出車去左飲茶同行下咁

然後就番屋企喇

佢地開始jet lag所以夜晚飯都無食就好早訓教lu

接爸媽

4點起身整埋間房

早d出發去機場

一路都順利無事無幹

仲成功泊到車位之後就等喇

好快就見到面，真順利～

然後又再車埋佢地番屋企

吹下水咁

吹完水就行去zizzi食左個意粉

再番屋企渣車去asda買左少少野

無幾耐大家都好累就決定訓

但媽咪忍住無訓，好厲害

夜晚煮左飯

媽咪認真勁，好快就識用我個廚房

煮完野洗好野大家都早d訓喇

看著你離開

只訓到3個鐘

已經訓晏左

即起身刷牙洗面

6點幾出發

一路都ok順利

泊埋去Gatwick North Terminal

之後就送佢喇

攬完就走喇

唔知之後會點啦唉

沿路渣車時有喊

原來reality hits果時先真正feel到可能係終結

但都無辦法

番到屋企見間屋吉哂仲有感覺

執野時竟然意外發現一封信

係佢前幾日寫，我估

之後又喊左陣，不過對鞋好靚

send message比佢佢竟然收到

原來東方有free wifi…

傾左陣，然後又執野

終於搞好哂間屋預備聽日老細黎

無咩胃口食野，食埋2隻糉

之後9點又訓喇

Farewell大日子

今日先5點起身去買海鮮

分好哂後無耐就車d野食野飲去Lon屋企

搞好哂後就再去接Justin Moon

去世紀飲茶

最後勁多人甩底

飲完去SeeWo再買野

同埋豆腐廠買soy milk

搞好哂番去就打機打機再打機

打overcooked真係時間好快過

話咁快就5點幾要準備邊爐既野

6點幾7點齊人就開波

點知落樓下check車時發現比人炒左牌嗚呀

好在大家話夾番hahaha

玩到盡哂興仲有打牌同poker添

然後12點就走喇，送埋justin同94去答車

2點先訓到。。。。。聽日就係最後喇。。。

等包裹

今日全日都無咩點做野

因為要等收包裹

佢有個包裹要等公司上黎接收

但我地都感覺人地唔會來

無計啦都要等

全日好無聊過

睇左2套戲

一套係hidden face有d恐怖

一套係掃毒2

最後包裹6點先收到

然後就去左超市買下野聽日party用

夜晚就晌樓下食korean food就算

今晚早d訓，聽日要去魚市場～

Helen Dinner

今日係久違既番工日

實在係有太多野要做

亦得知左好多驚訝既事情

我開始覺得同同事混得太熟係唔多好

好多野想知又想問又唔可以講

anyways終於忙忙忙到收工

去Covent Garden既Big Easy

真係好大群人有成10個

唔係好吹到水

所以食完哂野之後再去左間酒店bar

再飲左杯野

傾呀吹呀講下香港野

好快就11點走人

勁眼訓呀～～

記錯日子

今日係好on 9既一日

我一早約左Sassoon剪頭髮搞左成3個鐘

然後就番左屋企沖涼

搞好哂後

佢又遇著物流單野好怒氣

完成哂後就出去Harrods幫公主買鞋

買完哂鞋之後去Covent Garden

整電話同晌cafe等

後來先知原來係聽晚食飯～～～～

點會記錯既真係唔明

最後去左Moon Justin屋企痴飯食同打機

竟然打到11點先走。。。哈哈

公主帶我去意大利之旅－day6

早餐都無食就渣車走

去左油站點知無油，真係見識不少

最後順利還車

公主去退稅

然後晌機場行左幾轉

終於搵到間熱野食pasta

食完就上飛機啦

話就話business根本一樣既

唉～有d失望

去到機場就分別喇

佢去connection flight

我就番屋企

今次旅程唔錯，幾好玩～幾夾，哈哈

多謝你同我一齊癲

番到屋企unpack d野

佢收工同同事飲左陣野先番

然後唔記得發生咩事喇～

今次既trip好開心，好好玩～不過意大利就唔想再去喇

公主帶我去意大利之旅－day5

今日要check out喇

執好哂野之後就離開

走喇～終於完成大半既旅程

渣車去左San Marino既一個景點

係山既castle黎

其實唔知有咩玩所以就試下

點知上到去發現勁靚

仲好多店鋪

公主又買左個皮袋添～

明明急尿又要行街，真係差d賴喇

終於玩完哂個castle行完哂鋪頭就渣車走

沿路仲食左個麥記添

去另一個景點係一個church黎

係一個好似好秘密既church

點知一入去有個婆婆仆街立即扶住佢

好在無事

睇完後就番Bologna

搵到原本間酒店

泊好車check好in之後上房放好野

然後就出市區

今次就真正行Bologna喇

有兩間店公主想去

所以就一路行呀行，仲食埋雪糕添～

行完行罷求其食左d野

然後就答的士番酒店喇。。。。

番去之前仲去左間超市唸住買手信

點知咩都無，好慘呀哈哈

番到去執行李沖涼訓教

聽日就要走喇～！

公主帶我去意大利之旅－day4

今日係正賽既日子

飲完咖啡屙完屎食埋早餐就出發～

仲帶埋尋日食靜既野去做lunch添

架車比人頂住左，好在係cala手車勁

唔係我就出唔到喇

順利去到，求其搵左個地方泊車

然後行去race circuit

好大好多人好黃～！！！！

終於搵到我地果區後就用picnic mat坐低一路等

睇moto3先

公主竟然訓著左

1點終於motogp喇～

哇都好好氣氛～雖然其實係有d悶既

無咩精彩鏡頭

最後93贏左

散場今次終於hit the track喇

去左出去行行行

玩完一輪，等唔到Rossi終於走人

搵架車搵左好耐，最後靠iphone搵到

渣車走人番屋企

沖左個涼後去左市中心食雪糕同crepe

然後番左酒店拎卡換再去沙灘玩

笑到癲左係咁影相

7點開餐食野

依間野確係好食既

好浪漫，支酒仲非常非常好味添呀～

食到飽飽就番酒店

休息準備聽日走喇

公主帶我去意大利之旅－day3

今日係出發去San Marino喇

一早渣車

但第一站係Sergio Rossi既outlet factory

點知公主失望而回

但好在去左個toilet

然後搵到酒店check in左

間酒店超靚呀

本身個樓面一般但入住後覺得好正呀hahaha

間房好modern

然後我地就渣車去Rossi故鄉喇

晌停車場比人撞左下

好在無事，唉。。。真黑仔

泊好車後就去朝聖啦

熱到仆街

買左件背心聽日著

同keychain～～

玩完哂就同公主食左熱狗就算

渣番車去酒店

然後就行沙灘順便哂太陽～～

哂完之後唸住去食野

點知原來全世界都要book

好在終於搵到一間可以食既pasta

都ok啦，都係咁

食完就行番酒店

順便去左市中心d既地方食左杯frozen yoghurt

都幾好食既

飽飽就番酒店休息喇

聽日就係正賽～

公主帶我去意大利之旅－day2

一早起身去樓下飲咖啡屙埋屎好順利

然後就行去火車站

超遠呀真係。。。

答火車又係唔順利

唔知點解班火車無左

仆佢個街

最後求其上火車，好在又無事

落車後周圍行

去左一間賣香水既鋪頭

好濃味呀哈哈

公主shopping完放低d野繼續行

行呀行，係咁搵shopping既野去

睇左d皮具呀咁

然後坐低食lunch

又再行

行左上山又再落山

風景其實ok既

去左果條我好想去睇既橋

ok啦

然後公主開始發脾氣因為架巴士唔知點解搵唔到

笑死左我

終於去到原來係一間店黎

有好多designer野

佢最後買到對鞋

然後又答巴士番市區

先去香水店拎野

最後去左架鞋店

我同佢都買左對一樣既拖鞋

但要寄去london因為係customise既

搞完一輪就去左食晚飯喇

食完再趕火車之後番酒店。。好累呀。。。

公主帶我去意大利之旅－day1

今日終於起程

佢去Blackfriars答Gatwick express

我就去London Bridge答

約晌同一卡等

順利上車後

佢就去退稅點知唔成功啦

然後都無時間食野就上機喇

晌飛機叫左d野食無幾耐就到

一落機晌Milan就收到壞消息

就係我地間酒店比人cancel左話overbooked

我地齊聲大屌點解可以咁架

但果刻又拎緊車真係煩到喊

最後先定左舊酒店再算

晌車上一路同hotels.com條友傾

傾左好耐

最後終於搵到間晌5分鐘距離既酒店

仲upgrade左

算啦唔想煩

渣到去已經9點

沿路差d炒車嚇死寶竇呀哈哈

check in哂之後就落樓下食左個快dinner

搞好哂之後就沖涼訓教喇

又shopping

今日又係shopping日
不過早上有人來整水喉
先去Asda買佢地星期五開party既野
買到滿哂就番屋企等Kevin the Plumber

12點幾整完後就出去搵Cala
陪佢去Diesel買牛仔褲再去左飲野
再行番soho
不過無幾耐就要走
佢朋友黎陪佢

咁我同佢就去左食burger
算係為佢破戒啦
係ok好食

食完飽飽就番屋企hea
執下行李呀咁
沖左個靚涼
整番水喉係正d
聽日起程喇
希望順利啦

Sketch + Shopping

今日最主要係去食afternoon tea
我地先去soho COS會合公主
睇佢買完衫就行過去

一黎就狂食食食
食到接近2點就走人
好飽呀～～～

然後就不斷晌名店街行來行去
但都買唔到野
夜晚佢就要同朋友食
我地就去搵KK拎design museum既卡

然後就答車番屋企喇
求其食左d野就當夜晚飯
然後就睇左套Pikachu
都ok好睇呀～

Bicester Village

今日係去Bicester Village shopping
唔需要太早出發
9點幾10點過左peak hour就起程
先去買左d早餐

一路渣車出到去就around 12點
然後就行呀行～買呀買
但大家收穫都唔豐富

然後為左浪費時間就去左New Malden食野
食完先送番公主番Soho
點知又無油
好在都捱到去油站
入完油就渣番屋企喇

Breakfast Club

一早佢地就起哂身
然後無幾耐就話餓
所以就好舒服咁行左去Canary Wharf
去左Breakfast Club食早餐
我當然係食最好食既pancake啦～

食飽飽佢朋友就約佢喇
我地就番屋企hea
咁上下佢就出去Supreme買野
搞完就去Barafina 食西班牙野
真係食咁多次都咁好食

食飽飽我地仲call左架超靚benz番屋企添
好威呀

Wendy BBQ again

今日4點幾起身
飲埋咖啡屙埋屎
就出發去接Justin同Moon去魚市場

佢就買佢地既野
我地就買BBQ既野
都收穫豐富既
買完就車去佢地屋企prepare
然後就吹下水仲食左個好正既早餐添～

食完吹下水之後無幾耐94都黎埋
然後就一車車去Wendy屋企附近間Morrison買材料喇

買完之後就去佢屋企預備
有人玩貓有人打機有人整食物
好快1點倒就開波喇～

今次有好多野食
又有燒菠蘿又有燒西瓜哈哈
好快4點幾我同佢就要走先
因為要去機場接公主～

點知佢班機勁早到
佢仲偷步去左UK passport排
好快就出到來
然後6點就接到佢番屋企

吹下水沖下涼好快就訓教喇

He is back

今日大家都好星期五mood
我都唔係好記得做過咩喇
但收工就約左Edwin食Spanish野
去左Salt Yard

都係吹下水食下飯咁啦
食完就去左隔離食朱古力甜品
但好似爆屎渠
好臭咁哈哈

食完我就番屋企
然後差不多佢都到喇
但因為實在太眼訓
所以都無咩點吹水
聽日要4點幾起身去魚市場～～

Thursday Mood

今日有個lunch party
因為Angus Rooke走喇
所以成個technical 部門既人都去哂食飯
包括Rhuari啦～JT都有去

我就留守
一路做野做野
然後收工就番屋企洗衫
好快用左3日就聽哂本新書The UnHoneymooners
幾好笑
有時聽下Rom Com 都唔錯～

Dungeons and Dragons

今日Jeremy又唔番工，唉～
仲有個大會要開架
成日都係咁。。。

不過個會就無咩特別
Rhuari都係work from home因為唔舒服
然後得我同Steve做野

收工早左因為要DND
我今次好醒，連roll左2次higher than 20既persuasion and intimdation
真係成功左，哈哈哈～～～～

終於玩到8:30先走
好開心，大成功～～

番到去好快餵貓就休息喇

今年Ryan生日，前日佢講左個好震撼既消息我知
好對唔住我唔晌香港
雖然你未必需要我啦～
真心，好兄弟，加油。。。。

機票租車大作戰

話說尋日發現租車有問題
之後租左另一架。。。
到今日發現機位有問題因為BA大罷工
足足搞左一整日
要先配合公主既行程
然後又改哂意大利行程
真係煩到爆
不過我同佢都有效率到痴線
好快就搞定
香港人做野係好d，打去熱線都搞得快d
佢既機票搞好哂
我依面就買左意大利去milan單程
仲租埋車。。。佢送左張business Bologna番London既機票
哇正呀

搞好之後開始做野但其實唔算太忙
6點收工行番屋企一邊聽新書unhoneymooners幾好笑

番到屋企煮左d湯，豆腐呀咁
點知食完，好飽然後肚屙
不過好似無咩事。。。
夜晚睇下睇唔睇years and years先～

久違了long shift

今日係同Steve一齊番long shift
每8星期一次
好似好耐無試過

今日唔算太忙
做哂netflix後就搞掂。。。
本身有fire drill點知又cancel左

收工番屋企，聽新書
因為太夜咩都無做
夜晚煎左扎肉食，都幾好食
今日成功無carbs

日記復活

事隔左兩個月
今日襯放假
終於將日本之旅寫番好
追番update喇
呼
足足用左幾個鐘
將日本既點滴寫番好
好卦住果段日子
雖然係充滿左脂肪。。。。

今日一起身就打掃
好落力咁打
打掃真係我最好既抗壓方法
又洗衫又洗地
終於換番間房可以番房訓喇

然後邊睇賽車同足球
邊update日記
終於8點鐘搞好哂

嗚呀～～創舉呀～～～～～
今晚應該唔食野
好好休息算喇

Benny Fung

今日番工渣左車

然後做netflix project

真係好悶，哈哈

Benny Fung約左食早餐

佢住我晌公司隔離

好高貴既朋友竟然住果頭

真勁

食完早餐就順便約左睇波

今晚有場Burnley對Liverpool

繼續番公司做野

但因為太眼訓所以訓左陣

5點幾收工去左間sports pub睇

最後贏 0-3

都算ok啦哈

之後去左搵波，94，文婷

佢地去左Vapiano

之後就吹下水然後就車埋波波番屋企

超眼訓呀

聽日一定要留屋企

飲酒抗壓

今日係好holiday mood既friday

因為有3個人last day

今晚會有個好勁既farewell drink哩

我地三個supe全日做netflix 真係好悶哈哈

夜晚收工去左farewell drink

少有地好想飲酒

所以飲左杯expresso martini不過好甜

然後又同natan, ioannis, steve, chris, luis吹水

仲有fabio既狗狗，超可愛哩

全晚都好開心

不過9點走時唸住會合文婷佢地既生日party

點知mercato竟然滿左

入唔到去，所以最後就番屋企

沖完涼即訓

太累喇

好累

Luke果度未有消息

不過唔理喇

睇下到時點啦

開始Netflix既 project

超級悶到痴線哈哈

夜晚渣左去Moon屋企幫佢地拎野

之後吹左陣水食左d雞就走

真係好眼訓呀。。。。日日都好累

我要抖下。。。

HR meeting

哥哥生日快樂！哈哈

本身好想一早就send

點知一番工就發現有件大事發生

就係Luke兄做錯2件大野

宜家真係要驚動HR喇

同Steve JT開左個細會

講解左我同Luke會面時要講d咩

最後都係要面對

同Luke開會9點鐘

但我又feel唔到佢好內疚

我真係唔太明白佢

唉

傾完後再同Rhuari傾

結論係要同HR提出

咁又要搵evidence果d野

draft email

send左，Daniela真係快

竟然好快就回我

然後我又要見Rhuari

又再draft email

來來回回咁就一日

唉。。。。。。

收工行番屋企希望多d points

番到去煮左野

但又行得唔夠多

所以再出去行左陣

去左d未去過既地方

番屋企陪左貓貓一陣

沖涼然後就訓喇

Airbnb服務完結

今日番工我in charge

但一黎就發現Luke又做錯野

唉

最後搞到全日係咁搵evidence

結果時間過得好快

中午去左post office熱到死

夜晚收工車Justin番屋企拎野

最後佢又漏左野好低B又再車多轉

搞下搞下竟然搞左一晚

番屋企已經係9點半喇

連跑步都跑唔到囉

火腿的廁紙之旅

都唔明點解我d時間過得咁快

尤其係假期

真係快過閃電

今日約左火腿拎廁紙

認真貴不過佢話係環保紙黎既

就當係為世界出一份力啦

先渣車去佢屋企

然後pick up佢

出發去Bang Bang食野

依個mall係正既，唔怪得咁多人住Colidale

食完再行左Morrison

再行龍鳳

之後就再出發去Wing Yip

佢買到佢想要既野

我都買到d

搞完一輪就番佢屋企吹水

同埋練習S Parking

係幾好玩既，不過真係要更加努力先得喇

玩完一輪就走喇

渣番屋企無驚無險

再去左跑步同煮野比Justin

最後隊埋果2個葡撻

完成假期。。。。

又要番五日工喇。。。

Bank Holiday work

再一次渣車番工

而且仲有落樓下練習添

感覺好似熟左少少咁

佢地仲未番來，所以可以享用屋企

但最近太忙，無寫低做左咩

所以我真係唔記得喇。。。。

Wendy Bedford trip

今日係約左好耐去Wendy屋企既大日子

首先就好早去魚市場買虎蝦

然後送去比David

再去Canada Water接新朋友呀Jonny同94

之後就一車車去Bedford喇

Jonny係識渣車既人有佢幫下手係幾好

仲好吹得添

去到Bedford行左陣TKMaxx

同埋Drive Through KFC

人生第一次Drive Thru好緊張！

順利買左雞就去Wendy屋企

玩左陣貓就開餐

搞左好耐最後先搞到insurance

出車但架車又死左

終於jump start左架車就去左Milton Keyes Costco

買左d野BBQ

然後去埋超市就搞掂

番到屋企先發現無key

我就晌度練S park但無進展，唉

終於可以開波燒野食喇

好正呀佢backyard

係唔錯但我就唔想自己處理

去朋友度就ok喇

食飽飽吹完水9點幾就走啦唔係太夜

送到佢地去King Cross然後自己就番屋企

咁就結束左依日喇

好開心

釣魚

今日無寫到

但應該無咩點做到野

我決定左用送左來果部TomTom

然後將未送來果部return

咁應該會好少少

做下Grey Anatomy既tracker

然後都應該無咩特別

放工應該係行左番屋企

或者係跑左步

路過樓下有人晌日落時釣魚

好正既感覺

我都好想釣。。。。好卦住釣魚既日子哩

開大會＋TomTom減價

今日番工都係如常

有d忙既

2點半同加拿大開左個會

簡直係食菜咁易～

輕鬆！

4點幾有個Forum係第一次搞

manager既manager呀Joel講公司既野

然後有happy hour

同Charlotte say左個bye後，吹多左陣水就走

行番屋企散步

發現車厘子發毛又答車出左去換

今日Amazon減價

尋日買既tomtom竟然平左好多

又要將今日送來果個去換

真係太煩了唉

無計，為左慳錢

其實佢做果個廣告就係今日既sale

點解我會忘記架～

DnD again

放完2日假終於又番工

佢地走左，可以好輕鬆煮咖啡

番工後都無咩特別

今日好齊腳所以好得閒

仲出左去做左Grey Anatomy既tracker

依套野真係怪

所有醫生都有關係

真係太複雜

夜晚玩DND

感覺ok啦

好過上星期

究竟最後會進展成點哩？

玩到8點行番屋企要儲多d points

番到去整貓糧hea陣就休息

Mission Accomplished!!

今日係司機日

早上起身打左掃

佢地就執野

Moon就煮brunch

食完再整埋廚房

hea到2點幾就出發

行市區去機場

真係有d stress

最後都順利無遲

4點去到T3放低Moon

然後再去T5放低Justin

順利～～

番去就行highway算輕鬆d哈

臨番屋企仲去埋Asda買送

終於完成左所有任務！

放鬆～！

Alice Wedding

好緊張既大日子

唔係因為婚禮

而係因為我要做司機

一早出去Canary Wharf接哂人

然後就出發

最後一d都無行錯路下去到目的地

然後化身一變，變左工廠女工

係咁入糖包野

11點45出去接埋另一個Alice既朋友

而佢又執到件婆婆係Harry媽既朋友

放低佢地晌會場我就成身鬆哂啦～～

之後就係好好享受婚禮

食野吹水跳下舞影下相

最後10點幾走人

11點幾drop底大家晌Canary Wharf

番屋企同Moon Justin佢地吹左陣水就訓喇

好累呀～

新oven

Half day work from home

因為今日終於要送oven來

希望真係準時啦

8點就login狂做做做

最後12點幾師傅來

搞左一個鐘

我吸埋地，再沖埋涼

即渣車番工

之後都係做下普通野咁

6點就收工走人

渣番車番去

跑左個步，又玩左陣炸彈人咁

有flatmate係幾開心既～

渣車番工接David

今日番工接埋David

有一下上左kerb嚇親佢添

anyways順利番到公司就做野

好多野做勁忙

不過都ok既

收工又渣番車番屋企

然後跑左個步同佢地打下機咁

唔錯唔錯～～

Switch 打機生活

因為呀Moon要見工所以佢好早起身

早上見到一面之後我就走人

好早番到公司做野

下午發生左好嬲既事件

就係竟然送貨又再推遲

真係痴撚線架

原來個order無左

咁你唔通知我架咩？

搞左一大輪

最後星期日送，希望真係送到來啦

唉

收工後Justin Moon煮飯

有蝦食，好野

食完Justin想打Switch

所以臨急叉電

夜晚玩左幾鋪，聽日繼續！

DnD

一早起身番工

無沖咖啡因為有杯free starbucks不過都幾難飲

番到去，得我in charge

然後就做做做

非常之忙

忙完後6點就去DnD

完全唔知依排人想點玩

真係有d無奈但又想繼續！唉～

玩完收工佢地晌屋企無出去

有d雞同菜

食左少少野就入房喇

Spiderman Far from Home

收工渣車番屋企

不過佢地2個仲訓緊

所以我都係廳hea下

等到佢地起身用哂廁所我先訓

佢地渣左架車出去Birmingham interview

我就訓到1點唸住oven會送來

點知等左陣收到電話話架車breakdown左送唔到

仆佢個街呀

最後佢話星期五

唯有靠Justin啦

咁就直接打掃洗衫抹地同食野

搞完哂又想休息但又想出去睇戲

最後都係決定即場買飛睇Spiderman

堅好睇喎～！Tom Holland超可愛～

睇完行番屋企無耐佢地都番來

我就睇波，justin都一齊睇到完場

12碼贏到真係超好彩呀哈哈

Airbnb接送服務正式開張

今日晨早就扎醒左

仆街唔知今晚點算

不過既然早左

就再執好d間房等佢地早d來

去佢地屋企接佢地

安頓好再出左去Asda買送

搞完一輪我先番工

渣車番工係幾正既

泊好後比同事見到比人取笑添唉

番工無咩特別

不過好多野做

只係恰左陣

6點幾就走喇

Airbnb Starts

收工番屋企訓教

訓到下午開始清潔定等Moon Justin來住

又煮野呀搞依搞路

終於趕得切5點幾6點出去Anchor Tap

見Sean同Ioannis

都ok呀，其實Ioannis幾搞笑既

吹到無耐Steve都 join左陣

8點幾就走人喇

今晚要捱眼訓不過其實已經好眼訓哩

睇下漫畫hea一下

1點半就死左去訓囉

夜更渣車

一路晌床攤到點幾先起身

都算成功既

然後hea下煮下野食下野

睇下漫畫

又想再試下訓不過都唔work

似乎真係訓唔到晏教。。。

之後就渣車番工

都幾好玩～～

一路做呀做

睇下戲但又唔集中咁

最後做到6點幾就走人喇

龍蝦餐

5點幾就起身去魚市場買龍蝦

仲買左帶子同蝦

番到屋企就分哂佢

然後就開始做家務

仲洗埋洗衣機不過唔太成功。。。

吸地抹地然後仲搞埋架車添

搞好哂倒埋垃圾就沖涼hea一陣

4點幾就出車喇

好順利去到瑋屋企

吹左陣水然後Amanda都黎埋就整龍蝦囉

後來連Viann條仔都到埋就開飯

佢唔算太健談不過都吹到既

整餐飯都算ok哈

夜晚食埋dessert我洗埋碗就渣車走人

番去更順利因為好少車

11點幾番到屋企hea陣

要捱眼訓喇今晚

聽日番夜～

Premier League starts!

今日終於有Steve喇～好野

一齊做野係開心d既

11點開左個IT大會

都無咩野

已經慣左I.T shutdown果d野喇

星期六David又晌度所以ok啦

2點同左呀靚仔大隻佬做左個media ops既introduction

近睇都型喎

正呀～

講完一大輪之後就ok囉無咩野

下午都唔算太忙

偷閒等收工

番屋企後無跑步因為好似會落雨

煮左個日本買既雞面屎

超正

然後就睇波啦

最後雖然比人入左粒

都算啦，4－1！