今日早上高楓要處理事務搞到我好早起身但又要等佢出門
搞到成11點先出去,勁餓
求其食左麥記
依度麥記算ok
因為可以揀salad,同清水 or sparkling water
所以都ok唔算差
今日行程係去連儂牆 John Lennon Wall 同城堡
個牆好似係鐘意John Lennon既人用grafitti 紀念佢既
不過我地去到又有人拍野
封左一半搞到無得影
本來想等佢action
但等唔到高楓話要走哈哈
依個城堡聽聞係歐洲歷史最耐同埋係最複雜既一個
原來布拉格以前係輝皇過既
聽番d歷史講,但d人都有d變態
成日亂殺人,同埋非常濫權所以最後沒落左
個城堡係800年起,公元800年
即係有成1300年歷史
起到咁算係咁
不過中間都有火觸過要修理
城堡另外最勁既建築係個教堂
其實我覺得教堂個個都係差不多樣haha
都係影下果d彩色玻璃
成個區好大
我地比左一個平d既錢
所以無得行哂成個區
不過其實都夠玩架喇
行完哂已經係4點
超餓
晌城堡附近有間正野
係修道院黎
佢正在係出名自己釀啤酒
同埋有餐廳
我地餓到癲左即刻仆去食
出名既景點唔洗排隊應該係布拉格先有
入去嗌左啤酒
唔飲酒既我都嗌左個限量既朱古力啤酒
都幾得意
但入左幾啖已經醉醉地haha
仲食左個平時一定唔會食既豬膝
用啤酒整既
都ok啦
4點食左咁多野,夜晚唔知點算
不過都照行下先
去左隔離個山
因為城堡係高既
連住個山
個山有公園同cable car但我地無答
行下行下就落山喇
本來想去一間jazz bar聽歌不過高楓想要番屋企
就去左個cafe坐,食左個dessert當飯
依間cafe叫louvre
又係好出名既
好似年年冠軍咁
但又係唔洗排隊
有d唔慣哈哈
依度既甜品好食過英國好多
因為唔算太甜,同香港好似
食到飽飽就行番屋企
仲影左夜景相添~