攰到痴線

今日番工非常集中又做左好多野
搞到放工超眼訓
番去唸住睇波
Poland vs Portugal
我同小布，以及公司果個估冠軍遊戲都係揀Portugal
所以唸住睇下啦
點知打和加時仲要十二碼
真係頂唔順最後十二碼唔睇
反正都係靠運啦
聽日先睇結果
十點半就死左上張床訓教喇

樓上鬼佬就係Milos
佢幫左我少少野我就請佢食朱古力
不過佢份人幾搞笑又傻傻地既

中間係上次行Pride既相，新識既朋友仔
都幾岩傾既，當識下新朋友～
成個仔果個女仔就係les既94喇

Motogp飛入手～

今日好無聊咁番工
無咩特別
但今日尋日出糧～終於有錢喇
不過要開始儲多d錢，要好慳先得

中午果陣有個大會要開
但我就唔洗
係叫Brexit Q & A
好多EU同事迫哂晌廚房聽
但講真連政府都唔知既野
公司又點答到你地呀
都係講果d野
話EU人唔洗驚，唔會炒你地唔會趕你地走
我地係大公司唔怕架～
但正在有免費lunch食～我都食左個無肉既沙律

放工番屋企煮左個烏冬
終於的起心肝買左Motogp飛啦～
4/9就去銀石睇Motogp！
不過我只買星期日飛，仲係即日來回
無時間睇野
因為巴士飛限死左
唔緊要啦，當去玩下，但好貴囉～嗚

work from home

今日係放假既日子
又係無野做無朋友唉
又打左掃，天氣又一般
咁岩Howard唔係好舒服唔想番工，所以就work from home
我就話不如我帶部macbookpro
分擔一下佢啦
但個deal係佢要煮個lunch我食，哈哈

十一點幾去到
咁岩佢個德國女仔flatmate叫Canan今日搬屋
佢搬去德國住，晌德國租左間屋，但依面又暫時keep住間房
有錢真開心～
另外德國女仔有個朋友幫佢一齊搬，好似叫呀Yawn定John
依個朋友係做fashion既
唔知詳情，但依個朋友似乎係搬完屋要答火車去德國定希臘
但佢身拎住太多行李，就想賣走d衫
咁岩Howard睇中左佢件頸巾同外套
佢地就晌度傾數
笑到我肚痛
果兩件野都係手做既
d布料都ok
最後埋單好似£140兩樣野加埋
總之成件事都超爆笑
果個人唸走推住個喼
個樣好似Rimowa
我就話，哇你個喼好靚喎
佢問 : I can sell it to you if you want
哈哈成個收買佬咁超搞笑

做野做到六點幾七點
Howard女友終於番屋企
我係第一次見佢
瑞士人黎
吹左陣水我就番屋企咯

要過幾日先有足球睇啦～有d悶添～

番到屋企
果隻貓又忽然好熱情
佢有時非常冷淡的
但好似每次落雨佢就好想痴住人
今晚佢又聊我去個欄杆位度一野跳上去再跳上去我膊頭度
依～好污糟但又好開心ahahha
不過影唔切相
佢準備跳落黎hahah

英國慘敗

放4日好似好耐無番工咁哈哈

不過都係無無聊聊

同隔離部門果個經理吹左陣水

覺得個pos真係幾吸引

又有得放平日

又錢多

又簡單

哈哈～～～～～

我同左佢講有興趣

叫佢幫我問下點搞

不過要離開依班同事又有少少唔捨得既

可能兼職啦呵

五點睇左西班牙對意大利

意大利係勁喎今年

唔錯

之後就趕番屋企睇英格蘭對冰島啦

頂呀晌地鐵果陣已經1-2

冰島贏緊

仆番屋企之後就變到好悶

真係激死

最後仲要輸埋比冰島真係好屎呀

我其實幾支持佢地架

好熱血呀

成個島既人民得三十幾萬

仲少過李斯特城依個小鎮仔

竟然史無前例打入八強

真係熱血到暈呀

相反英格蘭就超樣衰啦

唉

之後就晌網度不斷比人笑啦

話英格蘭真係威呀，一星期兩次脫歐呀～～～（因為依個係Euro Cup嘛哈哈）

我d同事應該全部都好嬲

好在聽日唔洗番工啫～

探班

今日好無聊
又已經打左掃
決定五點果場波番公司搵人睇，哈哈

不過最緊要緊係睇左場賽車先啦
落雨應該有so啦
屌，初頭係好開心
點知最後咁樣樣
今年都係無機啦
相差咁多分
妖好嬲呀～～～～
賽車真係一樣又愛又恨既運動
同足球唔同得輸和贏
賽車好多變數
真係緊張到個心都飛出黎呀～～～～
下次都係唔好太黑心喇。。。

睇完車，煮埋野就出去公司囉
今日星期日公司得好少有
有Jonny，佢雖然辭左職不過都仲係番黎做freelancer既
有另外一個唔太熟但好好人既葡萄牙人Luis又係freelancer
之後就有Seamus同Howard啦
同佢地吹下水
睇完波就番屋企咯
收工之前唔食肉既Seamus仲翻叮左佢個齋飯我食
佢係一個好出息既廚師黎
依度好多男仔都識煮野好勁
而因為佢都係唔食肉左一年
佢教左我好多齋既recipe好鬼正
今日佢個飯係中菜黎
竟然超～～～～～好食囉～！
係有d麻辣既豆腐飯
好掂
估唔到西人煮中菜都咁好食

聽日要番工
又係時候收拾心情啦放左4日假，哈哈～

晌facebook既一單趣事
哈哈

Pride in London

今日係倫敦既Pride遊行
好早之前舊同事Keith佢問我有無興趣一齊玩
所以就參加左
依度既遊行唔係話去就去
要先搵一個團體register左先可以
佢就揀左依個叫intertech既團體
因為係類似做電腦既公司
有microsoft呀，google呀之類
雖然唔算勁有關係不過求其啦

點不知Keith忽然話下星期要搬屋唔得閒去喎
咁唯有我自己去啦
反正都係當遊客去感受下氣氛
無聊就行一陣閃人囉

起初真係幾無聊
因為一個人都唔識
人人都一雙一對
不過都幾sweet既
Keith後來凌空介紹左個les既香港女仔我識
佢話佢上年都係晌依個group識左佢
幾岩傾既
我地開左個group
唸住相認
點知依個女仔又晌遊行開始前走左去食野
到起步都未番黎
之後佢就入唔番去條隊啦
因為成條路都封左哈哈
而甩底既Keith忽然有dating
有條仔約佢出去London（因為Keith住雷丁，要答成個鐘火車先出到London )
佢就飛奔左出去London
話會合我同果個女仔
最後只係得我行
行完我就去搵佢地
識左Keith既男友，同埋佢某幾個friend
仲同果個les既女仔相認，佢叫94，個名好型哈哈

行到勁攰又開始落雨
我地幾條友就去左間bar吹水
佢地都好好人
Keith同佢條仔好sweet
晌外國真好，就算好gay一雙一對都無所謂
行parade果時又係好感動
果d三唔識七既人，會為左鼓勵你而打氣，high five
氣氛好到癲
真係太好啦～～～～

我就七點鐘走人
先去唐人街買送
然後就趕番屋企睇波
因為我同小布輸賭我估葡萄牙贏，所以有d緊張
最後好好彩贏到，真係- 6 呀～
今日都幾開心
不過唔知點解成日都靜係識到香港人。。。唉

帶眼鏡果個亞洲人就係Keith啦，佢係澳門人黎既
佢男友（不過佢話佢地未正式開始喎～）
係老細黎，自己開公司
做VR眼鏡架哈哈

BREXIT 脫歐？？？

因為我係昏迷無搞鬧鐘
但訓左差不多十二個鐘
七點幾就扎醒左
一睇電話，下？接近成百個message
再睇你果個
就發現，原來點票結果竟然係脫歐勝出
真係爆大冷啦
有無搞錯呀～點會咁架
移民左唔夠一年搞d咁既野
雖然我個人認為脫歐係有好處
之但係
其實英國人唔係咁唸
今日全日大家都係晌惶恐之中
由新聞報紙所有既報導都睇得出
今次根本係一個騙局黎
而所有所有既罪魁禍首都係因為David Cameron
佢以為自己贏硬，結果就輸左，仲立即辭左職拍下羅友就走囉
佢大把錢根本唔洗驚
唉
宜家連投Leave既人都話後悔
股市英鎊直插
好在我有d錢晌香港啫～
等樓價大跌就睇下點囉哈哈
不過雖然係咁，都唔係唔驚架
但又可以點哩？

今日一早同高楓一齊買左飛去動物園
佢話有個event係叫 sunset safari
即係個動物園開夜晚等人地入去party下咁
六點接佢放工之後就入去
不過個動物園都幾係流
同埋動物既屋企好窄好細，好慘咁
比人困住，我地就比錢入去睇
真係無陰功

玩到十點倒就走囉
今日超攰行左好多路
聽日仲要遊行添。。。

EU Referendum

今日就係投票既日子喇
雖然個心都係十五十六
但我決定都係投留歐穩陣d！

早上先搞好哂所有事情
買送，投票，去攞番之前整既裙
做哂d濕碎野
最後都係決定留晌屋企
睇下書
唔知點解超級無敵眼訓
七點幾走左上床
搞左鬧鐘九點夜晚起身
唔想一教訓天光
但係九點果陣鬧鐘響我都非常唔想起身
超級超級眼訓
所以決定照訓啦哈哈哈

明天公投

聽日就係公投
今日當然大家仲係繼續講啦
我唸我依排睇既文章報導係我上年既總和
因為本身我就唔熟EU既運作
睇黎睇去
唉～決定左，又比人說服到
不過我都應該會投留架喇
而今日應該係最後一日聽到d同事晌度嗌交喇。。。

做完哂公事
今日無咩野做就決定番屋企
因為個grasshopper搞左好耐都係壞
而我之前就借左個舊既vape比巴西David今日終於攞得番
所以今晚應該要植物一下～

番屋企煮左個無肉米粉
然後沖涼訓教
準備聽日既投票啦～！

話說最近落大雨
巴西David要去英國最勁既音樂節叫Glastonbury
點知果度落到狗屎變哂泥地
d人話今日出發既，渣車去用左九個鐘先行到果1,2 miles哈哈
佢聽日出發，祝佢好運～～～～

土耳其好波～

星期二～全日都晌度唸緊果個offer
究竟應該點做好哩？
我打算探聽一下究竟d工作時間係點先算

番工都係照常
不過lunch就比Howard捉左出去食
因為天氣實在太好
買完外賣就坐左晌公司出面
偶然離開下間公司係好事黎
呼吸一下新鮮空氣

食完番去又做做做
放工佢又唔願番屋企
最後去左上次生日果間bar睇波
點知果間bar唔知係希臘定係土耳其吧黎
勁多土耳其人睇緊
今場係土耳其對斯洛伐克
土耳其入左三粒
哇開心到d土耳其人好似中左六合彩咁
攬頭攬頸好搞笑

睇完就番屋企喇
有歐國杯睇d時間真係快到唔覺眼～～～

煩惱

今日星期一又係番工既日子
今個星期番星期一二三，放四五六日，都幾開心
番番下工
隔離production部門既呀頭
佢叫Alistar，大家都叫佢Al
同Sean係非常熟既，成日一齊食煙
佢晌叫Sean食煙果陣忽然同我講
喂喂陣間搵你傾下計
我非常奇怪
平時同佢只係點下頭～吹一兩句水
因為佢都係一個幾搞笑既人
然後佢話，我睇左你既showreel
我心唸，下？點解你會睇到？
佢話係巴西David比佢既
我話搞錯～都無我批准～
佢話你擺得上網就預左比人睇架啦～
佢話佢全個部門既人都睇左，好鐘意，想搵我針針

食完煙佢就直頭好似光明正大咁入左我地房
問我有無興趣過檔
佢一輪咀咁講左佢部門做既野
不過佢係想我做online editor
我話，下，我係offline黎喎～
佢話唔緊要，我地做既野好簡單～全部都係avid
我話，我唔熟喎～
佢話宜家新果隻avid可以變做final cut pro咁
講左好耐，我覺得佢有少少睇唔起我地部門
佢問我，你想做乜？
講真我只係想有份安穩舒服既工就夠
我其實做過，實現左夢想，我就已經覺得無憾
黎到英國都唔一定要做番剪片。。。
我當然無咁同佢講啦
佢話我地依個部門人工高好多架，有成£40,000一年
一定好過做你宜家個位囉～
我即刻打個凸
下？咁多？我宜家都係£25,000咋啵
係有d心郁既
我話，唸下先啦～
我真係無唸過由offline變online喎
感覺好似辛苦過宜家，哈哈

三點鐘
我既直屬上司Jeremy約左我地每個team member單獨開會
佢想了解一下前一排我人工既事
我將成個故事講左佢知
佢一向都知果個recruitment guy係仆街黎
佢話佢同經理Rhuari一定一定會幫我爭取到加人工
加上我叫過左probation
佢話如果唔加我人工，我可能會走（依個只係Jeremy既策略啦～）
所以一定一定會幫我
唉，又會咁岩得咁橋會發生d咁既野
如果佢地幫我爭取到，我又走左去隔離部門
就真係好仆街囉
點解呀，點解黎到依度要做咁多決定？？
好辛苦先離開到一間好出名既公司放棄名氣
做份簡單開心又多錢既工
點知宜家又有一份更加多錢但辛苦既工？
不過人地都無話請我。。。但佢講到我肯過去就一定過到咁。。。。
唉
錢，係咪真係好重要哩？

搞到成個人都唔係好集中
anyways 放工有朋友約左我睇波
係Vikki既朋友 Eric
佢係唯一一個晌度我識得而又睇波既人
本身佢就係話租間房比我既，不過宜家有人住左咯
上次去過佢度打邊爐，都幾正既個屋企
上到去佢咁岩又係green monday所以食左個雜菜蝦子面
一面睇波一面屌
英格蘭真係屎到哩。。。。
唉
最後和左，第二名出線。。。。好過無啦

睇完就番屋企，答地鐵都係唸住公事
好煩～
今晚係一個好罕有既日子
有個叫Strawberry Moon既月亮
當然唔知係乜，不過真係又大又圓～

Vikki 結婚之日

雖然佢八月去意大利結婚

但原來佢地要先晌英國注冊既

所以佢地就先簽紙之後先八月晌意大利搞婚禮

咁都係大日子黎，所以我就著裙啦～好在帶左黎英國

係我唯一一條裙。。。

去到見到佢老公既屋企人

佢地係瑞典人黎，都好nice

不過Vikki就嫌佢地煩哈哈

好簡單既儀式

同我地差不多

好快就簽完

而原來Vikki唔知佢要witnesses

搞到我同佢另外一個friend Dora要做證婚人

仲有我既簽名添呀晌張marriage certificate哈哈

佢地全程都好sweet

搞到我好卦住你呀～～～～

影左幾張相就完咯

之後就去左間五星級酒店Hilton既bar飲左支香檳慶祝

都成£90賣單不過佢地比哈哈

我本身唔唸住飲

佢地話慶祝嘛，飲啦飲啦

最後飲左一杯即刻有dd wing wing地哈哈

之後佢老公就陪屋企人

Vikki就同我地去飲野吹水

仲食左成個星期份量既肉。。。。佢地係食肉獸。。。

其實今日佢係秘密結婚

佢無同佢爸爸講

因為只係簽紙佢可能怕佢會飛過黎

唔知啦

最後佢都講到眼濕濕

傾到七點就走人咯

舊同事呀Dave話不如睇半場波

就去左舊公司附近一間bar

成個月無見，當吹下水囉

睇左半場就走喇

帶左對con成九個鐘乾到爆

番到屋企就煮飯盒

聽日又要番工囉～～～

依度原來係Rex Or地頭黎架～～～

好宅又一日

今日唔想安樂醒
因為聽日要早起，後日又番工
所以搞鬧鐘八點幾九點就醒左
但其實又無野做。。。

整左個pancake做早餐
之後就出左去買送
買完送就番屋企上網，睇下電視
好無聊
同你facetime左一陣
之後就走左去床恰一下
不過都知恰唔著
八點幾起身睇埋下半場葡萄牙
C朗真係唔掂
晌最容易果組都只係和兩場
死得

整左個green既晚餐之後就打算睇下戲算
最近重睇番入樽
三井想打籃球果度真係每次睇都會催淚
我好想打籃球。。。。。

點解我會重睇入樽哩？
係睇左一篇野。。。

http://www.dongtw.com/nba/nba-photo/20160615/000309230.html

「永不放棄的男人」　為什麼那麼多男生喜歡三井？ 

.

.

.

「教練，我想打籃球。」

說這句話的時候，三井跪著。

男子漢什麼時候才會下跪？那是真心尋回了自己人格的時候。

男人什麼時候才會說「我想……」？那是真心找到了自己的道路的時候。

那一刻三井成為了真正的男人。而其他角色沒有這樣的機會。

一句我想打籃球，代表了多少想要「從頭再來」的浪子的心聲！喚起了多少平庸之流對於夢想的嚮往！

灌籃高手裡最MAN的一句臺詞，給了三井壽。

動畫片裡三井是唯一擁有主題歌的男人。

湘北一群神經病裡，宮城為了彩子，櫻木為了晴子，流川為了離家近可以放棄其他籃球更好的高中。真正對籃球有執唸的，只有赤木和三井兩人。而三井令人感動，是因為整部書裡他是唯一遭受重大挫折的的人。但是作為一個男人他回來了。他坦誠自己的錯誤並努力彌補。在關鍵時刻起到至關重要的作用，這實在太勵志了。另外補一句歌詞，我就是被這句歌詞打倒的：世界の終わる前に聞かせておくれよ，満開の花が似合いの catastrophe 「世界終結之前，給我講一個鮮花綻放般的末世。」

求其copy左幾句，得閒就睇下啦～哈哈

Massaoke

生完日照常番工啦
無咩特別
係兩點到五點會比較忙
因為開住個網睇足球

放工果陣卦住同夜班既人吹水吹耐左
同Howard一齊收工經過樓下發現有活動喎
原來有個叫Summer Festival既節目
每一日都會有音樂聽
今次係一隊叫Massaoke既樂隊
但好搞笑依隊band唔係唱自己既歌
係唱人地既歌
然後有個大電視有哂歌詞
佢地玩音樂，然後大眾一齊跟住唱
當然佢地識得揀一d 好hyper既歌啦
當中都有d我識架，然後跟住一齊唱哈哈
好鬼死正

聽完歌就行去Liverpool Street答地鐵走人
番到屋企見有d餓就整左個杯面食
仲加左d料，不過無料到囉

生日快樂

今日係生日，亦係你去上海一周年紀念
我決定試下改下語氣先
都係廣東話好少少～

買左好多芝士請同事食
本身佢地話生日有個習俗係買doughnut
但我麻麻地所以都係買芝士紅酒好似型d

今日大家都對我好好哈哈
而咁岩原來尋日我dayoff果陣全公司慶祝六月之星
唔知點解今次將所有六月生日既人都大大聲宣布
平時無既
所以識得我既都知道我今日生日。。。
anyways

大概兩點就開餐
其實我要請同事食野係一件煩到嘔既事
因為部門有好多唔同diet限制既人
有lactose intolerance既人 Seamus
亦有只食organic food同唔食得wheat, sugar, gluten, diary既Howard
所以要唸到頭爆先可以滿足到佢地
唯一最好原來係goat cheese
所以買左兩舊，真係濃味到痴線
我發現我最愛都係最普通既cheddar哈哈

一邊食就一邊睇波
哇原來晌英國同英國同事睇英國足球係一件咁刺激既事
雖然有d已經唔係成日睇波既人
但一到係自己國家就點都好緊張
最後竟然臨完場比利物浦球員踢入
贏左Wales
大家開心到癲左，係盡情咁嗌
嘈到拆天哈哈

不過佢地勁就勁在一完波可以將心情100%扭轉變番工作mode
我就無乜，可能因為生日既關係哈哈
加上今日我生日，呀Sean比我揀今日既任務我揀左做最容易果樣
唔洗計quota
唔做野都無人知～
佢地話生日唔洗咁落力啦～哈哈

之後放工大家都hug我
又問我去邊玩
我話無呀，無地方去，番屋企囉
佢地就顯得好傷心
我話我都唔係好興慶祝啦～
最後走人果時Howard嗌左Uber番屋企（佢好富貴成日都答Uber）
我就行到去答地鐵佢又打番比我
原來佢嗌果架Uber行錯路佢嬲得濟cancel左
話不如都係行番屋企
我話咁好啦，可以行去Liverpool Street Station唔洗轉車
行行下忽然興起
話去酒吧睇德國對波蘭
反正無野做
就去左佢屋企附近一間up dup到死既bar
真係乜人都無
點知和波完場
我就番屋企喇
番到屋企已經係11點幾，無耐就訓教囉～