Supreme又失敗

今日早上將個bot放埋晌公司個chrome
最後都係失敗左因為人地估錯左隻colour既keyword
不過算啦都無期望過～

宜家成日同Steve同一個更
做野開心左
因為佢係一個非常盡責既Supervisor
相反就見到Jeremy非常唔掂
加上老婆又有左
成日都走左去
又擅自請假
不過我地又平起平坐我都廢事理佢喇

做到6點就收工走人
番屋企hea下睇下劇就算

海鮮大餐

今日終於有一日假放
而因為我地清左雪格
所以無哂蝦
當然要去魚市場買番d蝦比Jamal啦～
我又曾經提意過不如買龍蝦比呀瑋煮
佢話好呀～人一世物一世咪試下囉
所以就變左即慶食海鮮大餐
我去魚市場睇下有咩買
最後買左蟶子，虎蝦，同三隻大龍蝦
我先雪哂佢地先，因為佢地太生猛，真係好內疚
今晚要殺你地。。。

然後我就打掃，食野
搞完就去佢地屋企喇
我就負責起左d蟶子肉
佢會用黎白酒粉絲
之後就睇下大廚點整龍蝦啦
真係好驚架，又要放尿又要開邊
其實煮係唔難既。。。

終於開餐時
大家都食到好好好開心
話超級正
d龍蝦真係好掂。。。。
食到飽飽，仲睇左集日本綜合節目講日本漫畫既
真係回憶都番哂黎

番屋企沖個涼就即訓喇～
好滿足～

公眾假後的第一天

尋日係long weekend公眾假期
今日d同事終於如常番工
有個幾熟既女仔晌第個部門番工既
佢超nice可惜佢下兩星期就要走
佢去左巴黎問我想要咩手信
我就話要法式蛋糕仔
點知佢真係買左比我～～超開心
勁好食呀～～

因為今日陣容強大
而且係公眾假期後既第一日
好多人都仲係holiday mood
所以野唔算太多
亦都叫幾得閒，好輕鬆既一日
食完個炒米粉
hea一下就收工喇

番到屋企睇下劇集
同佢地玩一下就入房
聽日要去魚市場買蝦比Jamal
同埋買龍蝦比瑋
希望順利啦～

新聞不斷

雖然過左兩日
socia media仍然係對果晚既賽事不斷有新進展
首先
係歐洲柔道協會出黎講野
佢話
Ramos（侵犯沙拿果個撚樣）依招lock shoulder
係晌柔道世界都被禁止既招數
因為咁樣係必定會整斷人隻手
所以係唔比用
連佢地都出post話
柔道世界都被禁止既招數
但就可以晌歐聯世界奪冠
d人仲話，識柔道既人一睇就知佢係專登
唉
但咁又點。。。

無幾耐
埃及都出手喇
因為沙拿係埃及既人民英雄黎
有個律師自願出黎打官司話告Ramos
要佢賠$1 billion哈哈
真係勁喇～
不過都應該係走得甩啦
佢不嬲係茅王黎

lunch食左自己炒既米粉
做到7點就收工番屋企睇劇喇

公司附近有宣傳Jurassic Park
有隻好大既龍晌度比人影

依然心痛

今日全日都無乜mood
成日都回想番尋晚既賽事
唉
所以番工都係平靜地過

下午出左去買個沙律
再兜下
而且痔瘡又發作搞到好唔舒服好痛
但星期日度度都關門
聽日又公眾假期
所以決定都係早d收工
番屋企果面買藥

夜晚都係睇下劇呀咁
好唔開心咁完左一日。。。

心痛的一天

其實真係有d唔想寫今日。。。
因為唔太想回憶一d心痛既事

今日超常番工
但會提早收工。。。因為今日係盛大既賽事
歐聯決賽
係繼十三年前最有機會既一次
因為我地隊波宜家陣容頂盛
真係有得打架

瑋，Ivan，佩佩同Vivi約埋一齊睇波
去番我睇陣都贏既酒吧
講好左如果我贏就請食飯既
所以大家都會幫手打下氣

點知打左廿幾分鐘
對面一個一路都好矛既球員竟然出術
整傷左我地隊中最勁既Salah
就係咁，我地既士氣就一落千仗
再加上個龍門又on 99咁
最後就輸左場波
果個犯規真係肉酸到哩。。。
唉
總之今場波真係心痛
心痛我地既沙拿換出場
然後心痛大家半放棄狀態咁踢完場波
一d都無安西教練既格言咁
永不放棄
同十三年前真係好唔同
最後我就鬱鬱不歡咁番左屋企。。。
真係訓唔著教。。。

那邊廂我一路都同緊呀來細基佢地吹水
佢地去左Ryan新公司果面睇波
真正係一面利記一面皇馬

愛心包裹

今日終於要番工
係放左七日假後既第一個上班日
不過好在今日陣容唔錯
大部份都係做得野既人
而且有Steve晌度，正～

10點鐘有個防火演習不過好快就搞掂
Sean亦順利買到Palace
今日下午我仲帶左蝦醬蒸豬肉
真係好好食呀
好耐無食過依樣加白飯
真係marriage呀～～

收到你既愛心包裹不過唔想拆
好驚比人搶
所以拎左番屋企先拆～
超級有京都既feel呀哈哈
多謝哂～

番屋企整左少少野帶番去食
睇左陣Big Bang Theory就入房休息喇

join左利記會員，遲d可以自己買波飛自己去睇波～

有朋自遠方來

有時真係覺得自己好on 9
又要驚買貴野賣又盛
其實驚黎做乜
根本係這些機會不是我們的
連放入basket既機會都無～～～！！！
真係唸黎都多餘～

前年我係因為一個中學同學
而識到黎working holiday整咖啡果個Amy既
依個中學同學今年再黎
同埋佢女友
佢女友又係working holiday
而佢地又識佩佩喎
依個世界真係細
所以就約埋一齊聚一下

約左去一間西班牙餐廳食野
12點食到1點半
然後中學同學要去剪髮
我同佩佩就晌一間咖啡店等佢

再會合後中學同學既女友又join埋
然後又再吹水
終於吹到4點幾
我就走先要買送煮野食
今晚決定煮我好想食既蝦醬蒸豬肉
真係人間美味呀～～～
聽日決定帶番公司臭死班鬼佬先～呵呵

食飽飽睇下Big Bang Theory就休息喇
7日假期就咁完結
又要再做一個月先有長假放啦～