無OT

本身今晚都要開OT
但system好似唔算太差
而且又好多人番工
所以我就cancel左
7點半收工番到屋企hea到10點訓
訓到2點幾3點就起身

然後去左散步行左去Lon屋企比boarding pass佢
由屋企行去佢屋企條路超級舒服
所以係唔錯既

之後就答車番屋企勁餓
唔記得煮左d咩
食完抖下聽日要打掃喇
有3日假放yea

又黎OT

10點扎醒左好驚訓唔番

好在轉頭訓著左

仲訓到2點幾，今晚無事喇～

晌屋企hea一下

hea到7點大家都開始試system

所以我log in左一陣都即刻番公司

番到去Tom同Bob都晌度

咁就進行system testing

一開始好似順利但最後都唔順利

最後勉強可以做下QC咁

做到7點半就走人咯

捱夜

星期五，都唔太記得做左d咩
開左個Server move既大會
其他都係同Steve分擔下
無咩特別

夜晚捱夜就開始睇Big Bang
同埋完成左Death Love Robots 其實非常唔捨得
最後捱到2點終於訓
希望聽早順利啦～

飲茶食鴨日

今日一大早就去同Moon, Lon飲茶
果間野叫SaiKei
好遠既晌，我行左50分鐘去都舒服既

我地三個好忍住唔食太飽
因為今晚要食鴨哈哈

係好食既，食完仲同Lon行左去Ikea行下
然後答車去左Shepherd Bush行Japan Centre
行完就去餐廳喇
Shikumen以前去過，好耐無黎Shepherds Bush啦
片皮鴨真係好好食呀
不過d隊友就渣左少少囉

食飽打完包就一齊番屋企
番到屋企仲想食甜野添。。。

Team Meeting

今日最主要就係同條team開左個會
去番Anchor's Tap
吹下水咁
不過呀Luke仔認真唔受歡迎
唔知到時點啦～
佢性格係一般般。。。唉

番到去hea多陣就差不多收工
夜晚都應該係去跑步架喇
宜家要努力減～減到6月喪食～～

無記性

幾日唔寫blog就完全唔記得做咩
又少左影相
睇黎真係要寫番密少少先得

Justin辭左職終於，唔知佢地兩個會唔會走哩
番工唔係好記得喇
應該都唔算太忙既

VUDOCS Football

今日番工有Jeremy不過佢早左走
無咩野不過早上佢有分享下呀Bob既事
真係頭痕

因為朝早辦唔到大事搞到唔太舒服全日無心情食野
4點先食個lunch無幾耐就收工去睇足球

點知今日隊敵人唔知點解勁認真
搞到一d都唔好玩
佢地又惡好茅咁樣
最後我地輸波啦
之後就番屋企喇

休息日

5點半收工6點半番到屋企然後沖涼訓教
11點半起身仲有大半日都算ok啦

起身食左個蛋餅就開工打掃
之後仲有跑下步煮下野洗左機衫
食埋飯但9點幾就眼訓到仆街最後機衫都係等佢搞
9點半就上床訓左。。。
番夜有時真係幾辛苦架

番夜

今日番夜唔小心9點起左身不過要再訓
好在訓到12點再起身唔係就仆街了

之後食下野hea下
2點幾就出去剪髮
因為髮型師要走了
又話會留晌London呃我既

剪完之後就番公司
5點沖左個涼洗左d頭髮就開工
5點半開始做下test咁
其實都幾順利喎

之後我就一路自己開工做到8點半Susana黎
10點半Henny黎
好似未試過同佢地開夜不過ok啦
睇左套BumbleBee都幾ok

做到5點半答巴士走然後就訓教喇

Big Bang Friday

番工做左一套full QC之外都無咩事
雖然得自己但總算搞得掂
平安收工番屋企要捱夜
然後就喪睇Big Bang Theory
睇到點幾已經想訓
希望可以訓耐d啦～

JUICE full QC

今日全日做左兩套full QC
Steve就主力幫手其他野
番工無咩特別

收工去左Pets At Home買貓糧
Zooplus唔知仲咩cancel左我個order
打去問佢又唔知點解，真係頂佢唔順

買完番屋企即去跑步
跑完食左d野沖左個涼就休息咯

Tempur

今日照常番工
一早就同Steve嘈
因為佢話我應承人地做full QC
但我用香港口氣一句 your salary is included！
而且我地都就快係同一公司啦又唔係幫唔到手
所以激到佢死哈哈

日頭無咩野，好得閒
5點收到file就開始左QC一陣
聽日繼續

夜晚收工去左Stratford換枕頭
係舒服既
94都晌度
不過好快就散水
我臨番屋企頂唔住買左個wrap
食完番屋企再煮左d魚同蝦聽日後日既lunch~

Shikumen片皮鴨

話說早上約月尾食片皮鴨
約下約下好即慶咁話，不如今晚食Aldgate果間～
點知竟然齊人
有7個添
Lon, Alice, 94, Justin, Moon我同佢
真開心

片皮鴨買一送一咁既質素係好好既
食到好滿足
食飽飽就番屋企餵野沖涼訓教喇

11 hours

今日係番長既日更
日頭忙到痴線
唔知點解時間過得勁快

轉眼就去到7點幾
臨收工同Rachel吹左陣水添
晌公司食埋dinner
番屋企決定早訓休息
9點幾10點就訓喇

愛上飲茶

一起身飲咖啡辦完大事即出去
去到竟然勁快有位好開心
Moon仲已經叫定野食
Lon都到埋
今次都ok齊人有7個

以前從來唔愛飲茶唔知點解覺得依度好食好多
飲呀食呀吹呀
2點幾就走人番屋企

即打掃然後hea一陣再煮埋 d lunchbox
佢就煮豬扒當晚餐

沖完涼
終於可以抖下喇。。

又夜更

今日好順利，訓到12點之後再訓多左兩個鐘
成2點幾先起身，爽呀～
起身食左少少野之後hea下煎左d雞扒
6點幾就起程喇
點知佢唔記得比番張卡我搞到要比錢答地鐵

番到公司同呀Tom仔番工
好正常做野然後睇埋套Meru
依d人認真痴線
不過Free Solo好似好睇d

收工即仆番屋企訓教
訓到12點起身飲茶～

Love, Death & Robots

星期五番工係輕鬆少少
有三個supervisor晌度
一早就晌度傾Luke既問題哈哈

發現左有個大問題 Aquaman
全日就係搞依樣野好似無咩點做過野

收工番屋企去左跑步
然後整左少少野食就開始捱夜
揀左套 Love, Death & Robots黎睇
點知勁正
一睇就睇到兩點幾
順利調夜更～

JUICE QC + Captain Marvel

今日比Toronto追左少少work in progress
唯有我出馬再做多兩套full QC啦～
所以全日都靜係做依樣野無咩特別

夜晚去左同波波同佢睇Captain Marvel
一收工即去戲院
套戲一般啦
唔覺得特別正
不過隻貓係幾搞笑既

睇完大家各自番屋企
快煮左個粉絲黎食
然後就訓教喇

利記贏波

今日係我同Steve番工既日子
放左兩日假
pick up番d野
呀新仔Luke真係，唔識點講
好勝過頭
唔係太鐘意依類人哈哈

連開三個會
都ok既，Game of Thrones係有d煩希望到時順利啦

lunch睇哂After Life真係好正，喊出黎
好感動～～

收工即去跑步
然後食左少少野
再睇利記，點知真係贏到喎，唔錯～
睇完波沖涼
hea一陣就訓教喇

Seamus Gig

今日起身打掃
佢出左去幫楊生拎酒
打完掃佢就差不多番
煮下野食下野
睇左一套新既叫 After Life非常好笑
個主角非常Howard。。。

煮埋晚餐就出去
今晚去捧Seamus唱歌
出奇地Steve Henny都有去
當然唔少得Tom仔啦～

個show都唔錯，而且係早場，所以聽完hea陣就番屋企沖涼訓教喇～

VuDoc 足球隊

今日訓到12點就起身
先食左少少野
再出去搵Terry拎番張Liverpool card
不過佢地都買唔到野
佢地算好在，睇到贏波，唔錯啦
雖然坐away team果度哈哈

約完佢送走左佢之後我就番屋企
臨出門口食左少少野
之後就去睇我公司隊足球隊踢波
唔知點解，好多回憶在心頭
以前PO真係好正
有三隊波。。。仲有人剪埋highlights
真開心

Jim都黎埋睇
有Mesh, Richard, Dave Leigh, Jonathan, Fedrico, Fabio仲有個外援叫Chuck
超勁呀
最後竟然贏11-1喎太叻啦
又話好屎波既？哈

睇完就番屋企食左少少佢煮既豬肉
唔知佢仲咩發脾氣哩忽然間

好在轉鐘轉得唔錯，10點半已經眼訓
似乎番夜係work既～
要番多d先得～

Leaving Neverland

早上7點幾收工
之後番屋企仲睇埋Part 2 Leaving Neverland先訓
真係好變態，但我信佢地囉～

訓到5點半起身
煎左d雞扒食
帶埋番公司
點知落大雨遲左5分鐘

Andre忽然有事番唔到
所以變左得我同Rachel
JUICE左兩套戲然後
做下QC呀，整下野呀
6點就收工喇
番屋企即訓～

Free Solo

星期五晚捱到3點先訓
臨訓睇哂Free Solo
超好睇，好驚好驚好好驚
但睇完係咁喊，唔知點解
好熱血。。。好感動～
原來真係有人會為左夢想而去死
究竟點解哩。。。

一教訓到12點佢已經出左門口
之後hea下煮下野睇下戲
然後佢5點幾番黎煮左d野
波波同94晌我出門前黎左探我地
佢地由佢地玩啦
我就番工

番工有Rachel同Andre
都ok啦我全力做JUICE QC
仲睇左少少Leaving Neverland part 2
不過勁眼訓
去到最後6點幾訓左陣

Awkward Meeting

今日早上要同Rhuari同埋呀新仔Luke開會
佢竟然夠膽再email追我。。。
唉，年少無知呀真係。。

不過Rhuari果然係老細
佢都好識得handle依d事既
而我亦都同佢吹左陣水
希望佢真係乖d啦。。。

下午都無咩野
1點去左Draft House同Dean farewell
同左Guiliana and Chris吹左好耐水
都幾開心
2點幾就番工繼續
4點半交收左波飛順利完成任務
5點去左買啤酒同大家飲下，又跌錢

6點倒同Terry交收左我就番屋企
無咩謂口咁食左d垃雜野
然後睇埋套Free Solo真係好撚驚呀
睇完心情好耐都未平復到。。。

今晚要捱下夜因為聽日要番夜喇～

壞孩子

今日番工有三個supervisor好開心
不過早上就要開個緊急會議先
我將新仔send比我果個email比左Jeremy同Rhuari睇
佢地都jaw drop....
真係有無搞錯呀
究竟佢係白痴定點
點會番左三日工就會叫人升佢職哩
唉
聽日就要真係坐底同佢傾下喇

全日都ok啦回下email
吹下水咁
收工一番屋企就去左游水
然後食左d生果就當晚餐啦
好想早d訓。。。

又去Barra Fina

今日係約左呀比食晚飯既日子
佢指名要去銀果間
所以又去Barra Fina喇

早上去左魚市場買野
然後番來做日本行程
終於搞定
之後食下野，吸下地
煮左聽日既lunch
仲去埋游水添
可惜整壞左隻心愛既錶

嗚呀，我一定會整番好你架～


去到市區餐廳唔算太多人
等左半個鐘倒都ok喇
又係食同樣野既
吹下水咁
都幾開心啦～哈
食飽飽就走人咯

番屋企沖涼就訓啦

奇怪新人

今日繼續train新人
12點佢地要同另外一個人開會
呀Jedd佢竟然趕走左原本開緊會用緊間房既人
而佢趕走既人係最大粒果兩個哈
真係搞笑。。。。

全日都ok
佢地做野就一般般啦
收工去左跑步
跑完再食左個沙律
聽日終於放假～

train新人

今日會有兩個新人報到
一個係junior Luke
另一個係operator Jedd
Tom仔work from home
所以我就全權負責train佢地
下午Andre JT忽然有事走左
所以其實都幾忙

全日係咁講野講野再講野
講到口水都乾埋
有時明明覺得我地份工好簡單
但教極有時佢地都做錯
究竟係真係難定點，我真係唔知

收工好累
不過去左Asda買野當散步
番屋企沖涼訓教

Free Solo

今日照常番工
full QC左兩套悶戲
無咩特別

收工番屋企食左佢整既豉油雞
我快炒左個菜
食緊時佢就去做gym
番黎後一齊睇Oscar winning Documentary
Free Solo
原來真係緊張到死呀
不過未睇完就要訓喇

Full QC

今日係番工既星期六
有Bob同Seamus
但全力做JUICE full QC所以都ok
睇左兩套戲
食左個lunch散下步
聽下書
6點就走人

佢今日去左IKEA買野
但買唔岩夜晚再去
我就去左跑步
跑完食左個炒蛋三文魚沙律再沖左杯matcha latte好正呀～

佢買完番黎都係整唔到張床非常嬲
不過張床係壞壞地
聽日再唸辦法搞掂佢

Three Identical Strangers

今日番工無咩特別
三個supervisor加Tom
所以做左個full QC
然後做下email野就收皮

6點收工就去跑步
跑完步整左個light dinner
然後就開始睇Three Identical Strangers紀錄片
叫佢一齊睇，佢邊睇然後又玩手機
之後又問番我講左d咩。。唉

睇完沖涼發現無熱水凍到仆街
唔係好明個boiler點運作
都係長開算數喇