重生

今日係重生既日子

因為終於番VU既日更

而且幫客戶果單野終於完啦～

不過今日Jeremy病左

所以得我同Tom兩個 in charge

但都係好事黎

今日負責train一個女仔

佢唔算新，但佢英文係超差

而且唔醒目

搞到我真係燥燥地，唉

又係西班牙人

其實我真係好唔鐘意西班牙人。。。

但又唔可以咁樣講野

心裡不斷爆粗～

收工後都係番屋企

第一日開始番工，所以決定早d抖下啦～

Patrick and PuiPui

今日係放假既最後一日

日頭就預備今晚既晚餐

因為Patrick同Puipui佢地會過黎食飯

買下送預備下咁

然後就同你Skype左陣

hea左陣佢地就黎喇

吹下水之後開始焗野

真係超方便

仲好好食

吹水之後就散囉

見到佢地兩公婆超級sweet

好正呀～

手腳並用

今日一起身就先打掃

搞好哂汁好哂之前去旅行d野後

洗埋衫

然後就去學打鼓

終於可以擺脫基本練習

做下d唔同既野

原來手腳並用去做唔同既野真係好難

不過好好玩～

學完之後就去左Soho

因為今晚係要同KK食晚飯

當然佢老婆都係度啦～

都係吹下水咁

好在我吹水叻咋，唔係就慘咯

吹完食完就散水

我就答車番屋企

都係果句，沖涼即訓教哈哈

飲茶加韓燒

今日一早去飲茶請flatmate既

因為佢幫我睇左貓嘛

仲叫左94一齊聚下

都係吹下水咁

吹完水我就出去搵Solution

佢買左架好正既車

入面可以訓教架～！有張床又有廚房～！

去遊車河同去小韓國食晚飯

食完就番屋企喇

眼訓都痴左

差d晌佢講講下野時訓著左添呀哈哈

好在捱到番屋企

又係沖涼即訓教

最近都好好訓，好開心～

Tom生日

訓到2點起身

本來想做家務不過都係放棄左

太累喇

her一陣同flatmate share左個日本蛋糕之後

我就出發去Tom既生日party

佢約左d真心朋友去佢屋企玩

同去佢屋企樓上（因為佢住地牢）既pizza店食晚飯

食下野吹下水

但我因為眼訓就做最早走果個

番到屋企沖涼即訓～

最後一晚

訓到5點幾6點又再開工啦

今日係last一晚

而且仲係自己單拖

堅開心～

睇左套叫Definitely Maybe有Ryan Renolds既小品戲

都唔錯，其實佢都幾cute～

之後再睇左套關於gay既戲叫The 10 Year Plan有少少無聊

不過夜更都係浪費下時間就算

輕鬆完左5晚夜，可以放假喇～

Last 2

今日又係訓到6點

起身餵野沖個涼就出門口

今晚有Pablo同我一齊番工

所以都ok，吹下水咁

今晚慢慢做

只係夠時間睇一套戲

睇左套有Samuel Jackson同Ryan Renolds既

The Hitman’s Bodyguard

都幾搞笑既

睇完就收工喇

Solo Night again

訓到5點幾6點好眼訓唔願起身～

不過要預備煮完既湯又要餵貓同煮蝦

好鬼忙不過最後都無遲到

今晚意外地得自己

因為Nick忽然有要事番唔到工

咁我就自己輕鬆做

睇左兩套半既戲

睇番尋晚未完既Thor

真係有d on 9 哈哈

然後睇左套笑片講貓既叫Keanu

做多陣野決定睇多套溫情野叫 The Last Word

夜班真開心

搞掂就收工番屋企休息訓教～

Thor 2

訓到4點要起身

因為超市會送野黎

自番左黎後一直無去超市

有好多野都唔夠用

flatmate又無去買。。。

醒左後4:30就送黎

想訓又訓唔番唯有起身

飲下咖啡整下野食比佢地

早左少少出門因為想買個晚餐番公司食

食左個越南河不過唔記得影

今晚有Nick同我兩個

都ok既

做下野又做下自己野

睇左幾分鐘 Murder on Orient Express不過有d悶

有d眼訓就停左

然後又做下野，最後開左套Thor黎睇

點知原來係笑片～！！！

睇唔哂就要收工

收工去左Asda買送

唔掂啦一定要煮番個湯

唔想日日都食雞呀～

Supreme Sled

訓到5點起身

餵下佢地，沖涼煮野食然後就番工

一番工見到好多同事好興奮

吹左一陣水我就開工喇

今晚係自己solo night

所以好輕鬆

headphone都唔用係咁嘈～哈哈

睇左套舊戲叫The Break Up

係講一對情侶分手既

唔通老左會眼淺左

唔知點解又喊左出黎

明明以前我從來都唔會為愛情戲喊既

之後好似再睇多左套戲但唔記得係咩。。

收工去左攞塊野

真係好大不過好輕

拆出黎發現爛既～！手功好差

不過無法啦，退又退唔到

好無奈

眼訓到爆炸

成程機完全唔係好訓到

好辛苦。。。仲有個BB喪喊幾個鐘唉

落機係5點

book左架的士

7點終於番到屋企

放低野，沖涼，餵佢地，安撫佢地一陣就訓教喇～

可以訓到安樂醒啦終於。。。。

最後7點夜晚起身

因為聽日番夜可以順便調埋時間

我既planning認真好～

起身flatmate都出房喇

佢都無出街所以我地係咁吹水

仲一齊食晚飯求其焗左d野算

食完unpack野，再洗多兩機衫就入房

我就一路搞我地d相，以前去過旅行既機票

搞下搞下竟然到左6點幾早上。。。。

等flatmate起身番工我就食野沖涼訓教喇

香港之旅 Day 10 - 打開心窗

今日係一個幾期待既日子

因為終於可以見到Benny既另一半

一早答左天星小輪出尖咀

Anita幫我車左d行李

然後仲車我去埋Benny屋企

佢屋企都幾正呀，而且我終於見到佢男友喇～

佢人好好，同Benny一樣好搞笑

所以成個果程超開心

雞啄唔斷

不過佢地d貓就唔太歡迎我

有隻仲係咁fee我想打我添呀哈哈

大概4點幾，係時候要走喇

佢送我去黃埔

中途終於傾左好多心事

我好感動亦好高興佢終於真正打開心窗

同我講關於屋企既野。。。出櫃既野。。。

其實晌香港真係慘d，同外國好唔同哩

希望佢屋企人可以接受佢啦

佢問我幾時覺得佢係gay

我心唸，其實好早就覺得啦～哈哈哈哈

去到Anita屋企

邊吹水邊等齊人

齊人就開機打Overcooked

原來真係好好好好玩～！！！！

真係好岩一大班白痴玩既game黎

笑到肚痛哈哈

打完一陣就打邊爐

食到無耐我又要求打多陣

最後打到9點幾我就要走喇

真係好開心好唔捨得

上機鐵真係好快就到機場

好難怪要咁貴既

不過今程係Anita請既哈哈

check in後等上機

依個話短唔短話長唔長既香港日本之旅終於黎到尾聲

真係好開心好開心呀～

香港之旅 Day 9 - 大坑西的故事

本身今日係要買野既，但個喼已經無位所以唔洗買

一早就上左13H

去Farewell一下我屋企

一入到去吉哂

感覺好空虛

依度帶比我既歡樂

好多都有你

我成日都唸，如果間屋唔係咁遠

可能我地既生活會好唔同

唔會搬出去住，一路住晌度唔洗走

再見喇13H

我永遠都唔會忘記你的～！

去埋agent到搞埋d手尾就走人

先去搵Benny比手信佢

差d撞到d唔想見到既人

然後答車去搵呀Roger吹水

佢講左好多心事我知

因為跟佢最耐既剪接師走左

仲係有d不和既

真係慘

anyways同佢吹完之後就去銅鑼灣搵金比剪髮

今次同佢吹左好多水

因為意外發現原來佢都係Supreme fans！

搞到佢唔係太專心

不過算啦，我都係最愛佢剪～

仲染得好好

Ryan同細基上左黎搵我

我地影下相就去食南記喇

金比死都唔肯同我地食哈哈

食南記吹左好耐好耐水

最後終於吹到11點去搵呀西

去左大坑Seesaw，吹吹下竟然撞到呀甜同Bowie

佢地飲完酒，所以都join左陣

佢地走左之後呀西終於黎料

講左樣好大件事我知～！

就係佢地搞緊離婚～！！！

嚇到我嗌左出黎

不過經了解後其實佢地都唔想離

但最後唔知點啦，唉。。。

由中學開始一齊，20年既感情真係會咁就無左？

好驚囉。。。

傾到1點幾，細基車我到碼頭答2點船

好累呀仲要執行李。。。