今日要番工,係OT黎
懶到其實有d後悔點解會申請左OT
如果唔係就連放4日
但唔OT又無錢,唉~
今個月去哂旅行已經無OT
下個月又無就慘
今日出奇地忙到痴線
因為要train一個新人叫呀Nick
佢都係之前做deluxe但唔同branch
佢係supreme soho隔離果間
又係做transcoding
所以佢好醒目
好多野一點就明
而且都幾吹得下
應該大有前途
仲有另外一個叫Chris係freelancer
佢番埋今日下星期開始只番夜班
所以一定要快快手train好佢
但依兩個新人進度不一樣
所以好多野都要講兩次
好在兩個都係醒目仔
除左要train人又要做下自己野
唔係d number太低又好似唔多好
做做下,Jeremy又比左第d野我做
話說我地部門要制作一本書名叫Bible
其實就係將所有workflow,同埋我地既task
解釋哂做一本好似書明說咁既野
內容我只負責少少,主要係Steve同Howard兩個senior做
因為我都升左職所以最後我都幫手寫左d
但我唔係native英文人,寫完都係要佢地改
咁依本書已經寫左一年
老細已經吹左好多次
咁Jeremy就負責將所有內容合拼為一本書
用一個software叫Publisher
但Jeremy下星期起會番紐西蘭一個月
佢比我做即係應該要負責往後果d
不過都ok既,我都幾鐘意做admin文職野
所以砌下砌下又要train下人,今日真係忙到痴線
放工發現size原來關8:30應該趕唔切
就決定打去,點知今次終於有人聽
問左,佢地話in store cancel左
咁就直接去Foot Locker
點知我地都係太天真
d人已經排緊隊啦哈哈
咁就番屋企囉
番屋企遲左,求其買左d ready meal
印度雞,叮左黎食
聽日要預備打仗好緊張呀~