今日係萬眾期待既開大會
係全部門都一齊開既
我入職以來都未開過會
因為我呀頭係一個經常唔想面對問題既人
你都知我部門幾多怪人架喇
所以佢好少會開會
今次因為有新workflow同新更表要宣佈
所以就分兩次開會
冒求可以有多d人一齊開。。。
11點半開
所以11點就要趕住食個快lunch
食完就開始喇
今次改左既更表
有好,又唔好
以前,8星期裡面有4日係放6點既
宜家無左,變相全部係12 hours shift
但亦番少左工
夜班果度就有d問題
宜家仲傾緊。。。
Jeremy話,有research講
連續番夜,仲要係12 hours shift係非常唔健康既
所以佢想由本身番4日,放7日,再番3日夜班
變番番2日,放2日,番多2日,再放3日,再番4日(遲d面對面同你解釋)
簡單黎講就係將連續番4日既夜班夾硬斷開佢
變左番2日,放2日
類似啦
咁我,連埋其他人都極力反對
原因係,你要我番2日夜班,但又要我放2日假
咁依2日假,究竟係依然night mode,要我夜晚留留長晌屋企唔知仲乜好
定係改為day mode,變番正常人?
變番正常人,但2日後又要我switch番去夜更既生活
其實更痛苦
但如果保持夜更既時間
成個day time就無左
根本唔make sense
當大家都反對時
Jeremy就話連番4日唔健康呀盛
我就好直接講出黎
Research係research
無錯research可能係岩既
你就依個更表出黎
但你又唔係番夜果個
我地先係番夜既operator
我地覺得咁樣斷開係唔work
比較辛苦囉
之後大家都覺得我好型哈哈
連David都話,you made the point hahaha....
Jeremy係從來都唔洗番夜,at least依兩年佢係supervisor佢唔洗
David同Steve係由operator升上去
所以我見過佢地番夜
連Steve都話斷開2日2日咁係仲衰
有人撑,最後好似改左但要研究一下
除左更表會改,仲有其他野
咁既然有機會就乜都講啦
我超湧躍乜都講一餐因為一路都無機會呻
然後我話想要多d會
想大家表達多d
開完依個部門大會
David就開埋個team meeting
講下有咩想發表
我就講左我唔滿意人工
唔係因為低,而係因為Tom比我高
而我入職先過佢,升職先過佢
唔明點解我低過佢
我講笑話,maybe because i am an Asian?!
佢話你夠膽咁同HR講佢地應該會即刻調整。。。哈哈
全日開會搞到無咩野做過咁
放工之後番屋企整三文魚
因為聽聞我個面既問題食三文魚好有幫助既~
所以要食多d~