祝你四十歲生日快樂

今日係佢正日40大壽

所以我決定收工煮飯啦

煮個韓式泡菜鍋同煎餅

仲有壽司同蛋糕添

食到好飽

夜晚唔係好記得做左咩添～

St John 生日飯

話說晌我唔晌度果時

佢同我d friend 混熟左

真係叻仔喎

咁我講左比大家知佢31生日

所以就book左枱食飯

而且係佢揀既餐廳黎

係好出名既St John

佢話有個牛骨髓好出名

book左枱

佢仲帶埋佢新識既朋友仔出黎添

厲害呀

早上先有個boiler師傅黎

搞到9點我頂唔住就訓先

由佢繼續

然後我訓到12點就醒左

唔係好記得做左咩喇

不過佢就出左去搞銀行野

一齊答巴士轉巴士用最平既方法去到餐廳

94同波波已到

然後就吹水食飯

好開心既一餐

忽然見到佢開朗既一面

其實真係點解唔一早係咁哩？

抑鬱係用一份工就可以解決？

食完飽飽就一齊番屋企

算唔錯啦～～

Night Shift

好早就扎醒左

而且訓唔番

真係煩喇

佢好早就出左去要搞銀行野

同埋約左kk食lunch

我就食下野又訓下

最後都唔係好訓到

下午佢番來後我繼續試下訓

最終一整日都係晌床感覺其實幾正

6點食完野沖個涼就出門口

見到d同事吹左陣水

今晚得我同呀Bob

真係由排煩喇。。。

Power Outage - Data Centre is Dead!!

今日係放假後既第一個shift

上天對我真不薄～

一番工就有單大獲野

system全死，死得七七八八～

尋晚已經開始死

係Data Centre無電搞到所有野死哂

今日一開始已經咩都唔work

所以我就負責monitor下咁

最後聯絡到d同事

佢地就全部一路做做做

最後終於7:30搞掂哂

8點前安心走人

番到去同佢吹左陣

有番野做係唔同d

多左野講，算係咁啦

仲一齊食左晚餐

佢食牛扒我食左d炸魚

睇左陣昨日的美食然後就各自入房喇

今晚要捱夜

我睇左假面NOISE既電影版

都ok啦

瑋聚

今日呀瑋話會4點幾來

日頭全日都落雨

搞到都無野好做

洗多左一機衫

又開始左日劇昨日的美食

下午佢去游水我就去左散下步同去左Asda

4點幾去左接呀瑋來屋企

睇下佢d文件呀咁

6點就落樓下食韓式野

吹下水食下飯

之後就散水咯

打掃日

今日係番倫敦既第一日

5點幾醒左

都應該ok啦

hea一陣飲咖啡之後佢都起身番工

話係last day喇喎

襯佢唔晌屋企就喪打掃

洗衫呀清潔廚房呀

終於搞掂哂

佢就好似9點幾番

然後傾左足足4個鐘

好似將半年來想講既野全部講哂咁

都ok既

起碼聽到d心聲

而且有左Amazon果單freelance後真係多野講左

真係要走都無辦法喇～

傾完就安心訓教

離開

5點幾起身

好快搞掂call左架好靚既的士

同Mimmy say goodbye後上的士

好快就到機場

晌機場食左個乾炒牛河做ending

都ok啦～

下年再番黎喇香港！

全程無訓到又係

勁辛苦

不過終於睇埋淪落人真係睇到喊哂

正呀～

落機後答地鐵

真係有d熱

番到屋企好快執左喼沖左涼

頂唔住9點就訓教喇

希望調到jetlag啦～

第五炮－襯家，大學

今日約左佢屋企人見一見面
點都要見既
晌將軍澳飲茶食lunch
吹下水咁

之後就出左搵金比快剪個髮
佢真係唔收我錢，多謝你呀～
仲去左飲喜茶其實都ok丫～哈哈
搞完一輪之後就出去旺角
再幫Mimmy買加拿大卡
然後答車去Jordan食澳洲燉奶
一樣係咁好食

晌尖咀行下咁
早左去餐廳等班八婆
最後一炮就係見大學依班
有Zena, Kaka同Wan
大家都各散東西
好難再約喇

吹完哂水食到飽哂我就答的士番將軍澳
係時候封行李聽日出發喇
一個長過一個月既旅程終於完結。。。。

第四炮－Ivan Cala 聚

本身約左YY
但佢媽咪要入院所以就無得見
去Kwun Tong搵Ivan同Cala
吹下水咁都無咩特別
請左佢地食好貴既lunch
真係好貴囉
食埋生日蛋糕之後就散水

出左去旺角買左部手提電話比佢當生日禮物
搞完之後就番將軍澳放低
再答巴士出Hung Hom搵Benny李伯
最後佢開工遲左無煮到飯
不過有湯同獅子頭都算係咁

好開心食飯吹水食手信
食飽飽就答的士番將軍澳喇

一家人 Part 2 新宿香港

今日係最後一日，驚險萬分
首先行程只有一個
就係貓頭鷹cafe
所以本身係大把時間
點知去貓頭鷹cafe果時姐夫見到有個超人展晌附近

所以我地玩完貓頭鷹佢就去睇下
貓頭鷹cafe係好得意，佢地好乖可以比人摸
但好似有d慘。。。。

睇完之後佢就去個展
原來要比錢入場
佢又唔知時間
終於搞到勁勁勁趕
跑住番酒店
結果趕唔切
唯有我同佢分開
佢地答的士去日墓里答sky
我就留晌新宿自己答NEX去

我全身都係汗
走左去一間好得意既web cafe capsule hotel沖涼
好想花多d時間晌度
不過我都開始要趕
我沖完涼抖左陣就走
去答NEX然後趕去Terminal
最後我竟然係完全無時間
連幫Wan買煙既時間都無就要上機
好在買左支水，仲有一個餐食
所以都算ok順利啦
23日既日本之旅終於完結
係好開心，但同時亦好累好濟，仲有好肥
日本真係不能多過20日
兩個星期應該岩岩好

番到香港立即答的士去Mimmy屋企
好靜咁沖左涼洗左頭然後就訓教喇。。。。

一家人 Part 2 新宿分開行

今日係last一日
我要去幫Benny搵禮物同買手信
所以同佢地食完個拉面就分開行
間拉面係新搵既
都好食，好似出名沾面
唔錯唔錯～

食完我就一條友行下
去左涉谷呀果d地方
仲發現左有好正既桃
所以決定買番香港

食完個拉面之後飽到好辛苦
所以今日全日都係行，希望可以消化下
家姐佢地行淺草
我就行涉谷潮店咁

無幾耐我都太累
同佢地會合左
夜晚大家都唔知食咩
我就完全食唔到
最後買左2件cake同食左d桃就算
今晚執行李
聽日就要走喇

一家人 Part 2 河口湖新宿

一訓醒屙完屎就發現今日竟然見到富士山～
我立即同佢地講
所以今日行程除左係番新宿
仲要上去cable car公園睇富士山～！

check左out後就上去
忽然多左好多人
因為大家都係想見佢～！
上到去其實係落雨
但唔知點解會見到
所以係咁影影影
但天氣的確係好難捉摸

影完哂就番去，順便買左d餅
落左去，渣車去左另外一面睇富士山仲經過埋一個花園
影d相好靚哩
雖然天氣麻麻地。。

睇完後就去左依個pizza
依個pizza係超正宗既意大利pizza
係幾好食
最後我地食左2個
明明飽到想死。。。

然後渣車去左西湖睇一條古村
依條村係假既因為真果條已被天災破壞
但做番一樣出來比人影下相
睇完哂渣車出番河口湖還車
終於結束左河口湖之旅
順利上火車之後休息喇

番到新宿再check in番同一間酒店
去左酒店樓下食漢堡扒
都幾好食
但真係濟到個人好唔舒服。。。。
然後就番酒店玩card game
點知有人發脾氣哩。。。。

一家人 Part 2 河口湖御殿場

起身我浸左陣溫泉
之後就渣車去御殿場outlet
同上次黎好唔同
今次真係買唔到野乜濟
連d衫都唔岩款
有d失望

行完之後渣車番去
家姐晌酒店附近一間好唔顯眼既食店搵到佢一路想搵既糖
原來係隻假啫哩糖
仲買左d好好食既桃
好滿足咁番去酒店等食夜晚
又係一個飽到想嘔既晚餐

食完又再玩card game之後訓教啦
已經完全係食濟既狀態。。。

一家人 Part 2 河口湖

今日好緊張
因為班火車係唔可以miss既
好彩無驚無險上到班火車
9:30出發去河口湖
11點到達去拎車
終於有車坐喇

然後就渣左去酒店放低d野
晌附近行下，食左好正既cheese cake同餅乾
但好可惜見唔到富士山哩
買左桃同巨峰提子做dessert
又買左奶呀果d

夜晚係食牛既shabu shabu
感覺上好少
但就飽到痴左線
我都唔記得係食前浸溫泉定食後喇
去左頂樓果個溫泉就好一般
要試下下層果個先

飽到上心口
玩左陣card game就訓教喇

一家人 Part 2 橫濱拉面館

今日係橫濱day trip
去noodle museum
唔洗太早去
輕鬆既一日

去到之後買飛入場
都幾得意唔太多人
不過又係好熱
行左一個圈整埋個杯面就番去

番去之前去左今日食早餐果間野
食好出名既pudding
不過感覺一般
我幫佢地放好d杯面
佢地就行街
我都去Tokyuhands會合佢地繼續買野
無幾耐搞掂好哂就出去食晚餐
去呀銀介紹晚燒肉店同佢地食燒肉

食完點知簽卡果度又有d問題
最後搞掂之後我地都分開左番酒店
聽日就出發去河口湖喇～

一家人 Part 2 新宿Amazing VR game

神早出去整喼但去錯地方
錯有錯著竟然搵到可以新喼同收埋舊喼
所以直接買左個新既掉左個舊既
可以shopping喇～

搞完番酒店之後仆出去會合家姐佢地食壽司
係幾好食既
好快食完就去玩VR game喇
第一個我玩先，係bungijump
都幾正
然後大家就陸續去玩
最正一個係玩行平衡木
真係驚到標尿囉
我都玩唔哂
得家姐玩到，勁

仲有好多正野，不過玩到最後一個賽車玩到想嘔
然後就唔太舒服
玩完VR game之後就去左台場
有一個Trick museum幾得意
但熱到痴線
影左d相留左陣就走

食左Gwen話好好食既烏冬
係幾好食既
我仲食埋雪糕添，太熱喇
食飽飽後hea一陣就去TeamLab另一個museum
依個專係睇野既
有d互動野玩下
玩完之後點知佢地就嗌交
又話落車唔嗌Philip
有時我都唔明點解可以去旅行完全唔知自己去邊都得
真係嘔血
住新宿就緊係晌新宿站落車架啦

行到去祭典睇左陣佢地都無mood番酒店
我就去左附近食餃子當夜晚
然後就番酒店沖涼訓教喇

一家人 Part 2 名古屋＋東京

今日終於check out番東京
不過竟然出現罕有既delay
唔通我將delay由London帶左去日本？

不過好在都搞得快
好快就可以出車
買左車站便當上車食
個幾兩個鐘就到東京
不過我地仲要轉去新宿

點知途中我個喼又爛左～！
上一次爛細既今次爛大既
但有左經驗我真係唔想再買喼
搵人求救呀銀搵到有地方整
唯有聽日搞

到左新宿之後發現間酒店都唔算太細
無東京果間咁慘
我地去左HARBS食蛋糕
都ok好食既
但pancake係開心d

之後去左樓下食串燒
食到飽佢地就番酒店
住新宿真係接受唔到7點就番酒店
所以我自己就出去行Tokyuhands呀咁
然後原來酒店下面有祭典
去到後日
都好熱鬧下

番酒店溫泉一陣就休息！

一家人 Part 2 名古屋犬山城明治村

今日係古城一日遊
因為原來有2個景點
犬山城同明治城
都係果d咁既古城野
睇下古跡咁

不過Gwen同Philip都唔鐘意
捱到去明治村已經要走
所以好多野都睇唔哂

番到去已經好累
唔覺意搵到間食漢堡扒
哇超超超好食呀～～～～～～
大家都超鐘意
仲要唔貴
真開心
食飽飽之後就走喇
又係時候番東京
最後既行程～！

一家人 Part 2 名古屋蓬萊軒

今日我同佢地分開行動
因為我要去食傳說中既鰻魚飯
我已經好早出門口
去到原來已經太遲
無計啦都要等
好在附近有個大神社
就當係行下

終於等到
到可以食到果一啖鰻魚已經係2點
但真係，真係好好食呀～～～～～～～
真係等幾耐都抵
鰻魚三食，我想再黎呀

食完飽飽就同佢地會合
佢地去左掃街
會合完我又再食一個custard魚
勁好食喎唔知點解

之後我地又再番食上次一個甜品
家姐講到明要自己享用一個
所以又再去買
買完我又去左Tokyuhands行街
買左支可以擦得甩既原子筆同postcard

夜晚番去當然又係card game time喇～
仲寫左postcard聽日寄～

一家人 Part 2 名古屋 Legoland

每次一去outdoor就熱到仆街
今日係去Legoland
都幾得意既
不過比想像中細
同埋d野太細個，但叫做有d野行下玩下咁

玩完之後就去左名古屋既pokemon
又係無咩特別

夜晚去左食面豉烏冬
有d偏咸但ok好食既
然後就去左買甜品
買到唔想停好似有d過份哈哈
不過好開心哩

最後其實係食得哂既
所以我地真係好勁。。。。

一家人 Part 2 名古屋

出發名古屋
我都未去過
不過又無咩太大期待
可能已經麻木左喇

去到名古屋
經過左一條地下街一上就係酒店
今次係Dormy Inn Premium
真係正好多喎
間房又正，個溫泉又正～！

一check左in就立即去醫肚
搵左間附近既mall既樓上餐廳
食雞既
名古屋好似係出名食雞同食蛋
間野係幾正，唔錯
然後就周圍行下咁
依兩個mall樓下d dessert好吸引
一定要再來～！

行到差不多時間就去食預先book左既幸福pancake
佢地都鐘意，好野
真係正～好好食
食到飽飽之後決定去mall樓下買炸豬扒當夜晚
可以食拉面做送
哈哈
然後又係溫泉同card game既時間喇

一家人 Part 2 大阪 Outlet

今日無咩行程
最後決定去outlet因為Philip要買鞋
去左個outlet但其實唔太多野行
都好過無既，佢買左對鞋舒服哂

行完之後就去番酒店果頭掃街
食左和牛飯同面
發現左間hedgehog cafe
送左Gwen同Philp去
我就同家姐行下街
佢去番黑門市場食蟹棒

之後就番酒店等食拉面宵夜同card game喇
聽日就走，去名古屋～！

一家人 Part 2 大阪－大阪城

今日係大阪遊
家姐想去大阪城行下
先去黑門市場食野掃街
食左好多正野
仲經過左好出名既Glico景點

行完大阪城仲行左d 細mall食左d甜品野
就起程去甲子園喇
好快速咁去左個博物館
仲拎左件衫添
見到有Touch既漫畫好正呀

睇完個museum就睇左場棒球
不過好悶又無分數同上次唔同
Gwen頂唔住所以我地睇左5個inning倒就要走
走時去左食附近既壽司
都ok好食既
但食完就遇到人地岩岩完場
點知又要再等到無咁多人先走咯

番到去又係食桃溫泉card game既時間喇～

一家人 Part 2 大阪 Universal Studio

今日係去Universal既日子
我都有少少興奮因為未去過日本依個
但天氣就熱到死，都好過落雨既

因為買左fast pass所以Harry Potter有時間入唔洗排
但都去左行下d店
佢地覺得同美國一樣所以就無咩點買野
玩左Harry Potter其實無咩特別因為講日文

食埋個lunch之後就去玩Spiderman
我就覺得好玩好多
我幫呀網友Will買左個eva popcorn樽
然後又去左玩Minion同Backdraft
都幾特別
排埋Eva之後就差不多要走喇
超爆累

走之前仲食左Gwen最愛既pizza
番酒店沖涼玩card game例牌動作～
仲見到呀Will比左個禮物佢添～
換來一個好好食pudding！

一家人 Part 2 大阪

今日係去大阪既日子
check in後就去火車站
好順利就上左新幹線直去大阪

落左車後就行去酒店check in
搞定哂佢地就揀左間食牛既餐廳
原來好出名既
我都食左個世界第二好味蜜瓜包
我唔知原來第d地方都有
上一次係金澤食，正呀～

食完然後就出發去左大阪既Pokemon Centre
係晌個大mall入面既
不過因為佢地已經慣哂Pokemon Centre
所以無咩驚喜

玩完一輪就去左樓上食烏冬不過一般
依間Dormy Inn因為有夜鳴拉面所以姐夫好開心
而且仲有communal area添
可以夜晚玩 card games
又有溫泉浸，好正呀～
我地一邊食雪糕一邊食拉面一邊玩card game
真係爽～～

一家人 Part 2 東京 TeamLab

今日行程係去築地同TeamLab

不過家姐姐夫都唔太鐘意築地

而我都覺得係退步左

食完之後就答巴士去TeamLab

點知早左好多

TeamLab好靚，好多野玩

不過姐夫就唔鐘意

玩完玩罷就去左附近食佢既最愛CoCo咖哩

買左d桃之後番酒店

發現原來銀座大街係會封路

叫步行者天國

好型哩

雖然已經累到痴

但我都去左行Muji

原來酒店就係果頭

唔知貴唔貴哩。。。好想試下

行完出來步行者天國已經完左

之後就會合佢地

無印象有食過夜晚

可能大家都太飽

食生果就當夜晚？

聽日起程去大阪～

一家人 Part 2 博多＋東京

今日要check out喇
同佢地say左good bye之後就去機場
點知一離開佢地就晌機場仆街
真係慘

搞完一輪之後買左飯團慢慢晌機場食
然後就上飛機
答左個幾鐘就落機
去到東京就答NEX去東京
先去左酒店放低行李然後就去池袋無敵家搵家姐佢地
一黎就排，好在排得好快
佢地都話好食
沾面真係好好食

食飽之後佢地就要番酒店啦
晌地鐵買左個小pancake食
間酒店房細到痴線haha
快快搞掂就休息喇
Part 2正式開始！

一家人 Part 1 由布院＋博多

今日6點起身
見到李伯係完全未醒既狀態好搞笑
行左去一個佢地話最靚既湖
點知冬天同夏天係完全唔一樣
不過都影左好多相

行完番去食早餐
無耐就要check out喇
check out放左行李晌酒店繼續再行街
行到遲哂到仆去酒店拎行李再番火車站
不過都夠時間買左d炸雞好好食

上火車食埋個卷蛋就休息喇
終於番出博多
去番間酒店，只訓一晚咋
不過今日天氣爆好
我就去左配眼鏡
再行下Tokyuhands
即拎眼鏡後，大家有d餓又唔可以食太多野
所以去左間食面包多士既
超正呀～～～～

食完之後繼續hea下
最後夜晚食左間燒肉
都好食既
食完就番酒店啦
聽日就要check out囉。。。

一家人 Part 1 由布院

今日一早就答火車去由布院
去之前當然要買火車便當啦
我就買左豬扒包
同飯團
不過食完飯團就覺得濟濟地

沿路真係好靚仲見到瀑布添～
架火車都好正，好多姐姐同我地影相
終於都到達
我地好興奮咁周圍睇手信
不過上次好好食既朱古力味奶樽無左
變左奶味
都要買架喇

搞完一輪就去左食果間佢地話好好食既炭雞飯
食完周圍行下之後就去左拎卷蛋啦～
去左check in
間酒店好撚正呀～～好開心
真係邊撚個訂架間酒店！

放低行李我地再出去行，買野
好多野行，好正呀d小街
之後又發現酒店有間AEON好近，好開心
而且仲有隻貓添
最後行番出大街食cremia雪糕
買埋手信呀之後就番酒店食溫泉大餐喇
好開心好飽
夜晚仲有卷蛋同桃做dessert添
真係飽到嘔呀。。。。

一家人 Part 1 博多－shopping日

今日係舒服d既 shopping日
去左天神既muji啦～
好大好正
買左好多野，好多凍茶
行左好耐，之後我同佢地分開左
我去左JINS睇眼鏡同埋有間EVA店
都幾正不過我好忍手好多野都無買
叻叻
睇完之後就差不多去食我既最愛幸福pancake
仲有桃既期間限定添呀
嗚呀～
我地食左三款
不過都係紅茶最好食

食完之後就去tokyuhands痴線地買野喇
因為要幫Mimmy買遮所以搞左好耐
然後買呀買～～好開心
又好矛盾
搞完之後就去左食拉面
間拉面有臭腳味但都好食既
然後又去左買蜜瓜
真係甜到哩。。。

聽日行程係去由布院，好期待呀～！

一家人 Part 1 長崎－軍艦島

今日係成個trip一個最大既主打節目
上軍艦島
由尋晚開始已經mon住天氣
好驚上唔到
因為尋日d人都上唔到
而且講到福岡好撚大雨呀咁

起身果時website都仲係講照起程
所以我地就去食早餐
Benny本身定左一間
點知佢又無check真原來9點先開呵呵

最後求其入左間都ok好食既
食完飽飽就答巴士出發
仲買埋雨褸
搞掂終於confirm係開船既
好野～～～好開心呀～～～～
佢地更開心，因為係第二次喇

晌船聽下d講解呀然後狂影相呀
終於上到去
其實有d爛地feel
但就好型
睇完哂落番船
開始好餓我地就去左間食魚生飯既地方
食飽飽之後就行左長崎美術館
好寧靜好舒服
依個小鎮好似無tourist咁好正

行完行罷就番酒店買長崎蛋糕
然後就答火車番博多喇
落車後行去酒店
勁近又好大
搞掂無耐就行左陣Tokyuhands
然後就去搵燒肉食
依間燒似係好好食
最正係個飯團。。。七輪燒肉，記住你

食完唔算太飽
竟然見到有拉面車
最後我地又再食
三個人share一個拉面同埋d小食
好正呀好飽呀好開心好滿足
最後仲食埋桃做dessert添
真係飽死喇。。。。