血,再次熱?

今日一番去收到五盒帶
加一張分左shot既紙,有埋good take
拍既片仲有slate添
剪咁耐野第一次咁清楚
都有一下好感動
不過cap cap下帶
發現唔多對路
果然一如thomas既作風
無經驗真係無經驗
一個兩分鐘既interview竟然唔拍cut away shot比我剪
開會講到明要拍...點解又唔拍哩?
兩分鐘齋睇住兩條友講野
你叫我點做哩?
以今時今日既科技
動畫可以係萬能
但剪片,係唔得架
無footage我真係無辦法架
點解成日都會有人覺得
亂拍,就可以剪到片?
「你幫我剪到好好睇睇就得架喇。」
剪頭髮咩家陣?

不過我依刻仍然可以平心靜氣
因為我已經開始覺得無咩感覺
只係有丁點既感概
然後,凸然唸番起好多野......

晌唔知幾時開始,我愛上剪片
大二果年,因為發夢去搵工
結果,真係的起心肝搵intern做
竟然搵到間剪片公司肯比我做summer job,仲有6000蚊
雖然做既野係雞到無可再雞
出來社會做野,第一份工係做casting
輾轉之下又做下production
終於,都係決定去實現夢想,正式搵份剪片既工作
第一個請我既係首領
係佢令我既夢想實現
其實唸番轉頭
果陣番工係最最最最開心
雖然工作時間好長,又辛苦
做既野又流又細
但果陣我最熱血
而且,我有個全世界最好既老細
宜家?間公司係出名係大,咁又點哩?
要做既野,同舊公司真係差唔多
垃圾documentary,無聊making of
入左來依間公司,除左果條得左獎既intel
真係一條reel都無
我係唔上進,亦無唸過要去做d咩
但當我今日剪緊依條爛鬼惠康documentary
遇著個唔係好識拍野既同事做所謂既導演
我真係覺得,有d唔甘心
我清楚知道無論我要做既係咩job都好
都要盡力去做
但唔代表我可以好開心咁去做
我唔會認叻,因為我唔叻
但係我覺得我既能力可以做更大既事
而絕對唔會係剪埋哂依d爛鬼job
曾經何時我覺得熱血係皇道
做我地依行咁辛苦,唔熱血d點得哩
然後,熱血慢慢流失
我開始追求更高既層次
我只要生活平平淡淡就可以
我唔再需要出名,亦唔想太多OT
我想做平凡人
但係,原來去到某d關口
係真係會唔甘心
好唔鐘意剪依d爛片
點算好?