鳥取最出名就係食松葉同紅楚蟹
所以都幾期待佢既魚市場
我地決定行過去，行30分鐘倒
行過去既時候又小雨，又大雨，又落雹，又落雪哈哈
最後終於去到
雖然比我想像中細，但係所有野都幾平
我地買左隻大蟹一齊分
仲有魚生呀，鯖魚呀，生蝦呀咁
個鯖魚係意炓之外地好食
係超爆好食
生蝦我就唔識分好唔好
佢地話好鮮，我覺得差不多
但最可怕既係佢地係生既，然後要即場剝殼
係有d驚，佢地就完全無問題哈哈
可惜三個人分一隻蟹實在係有d唔夠皮
所以我決定再去一間餐廳，自己食一個蟹飯，哈哈哈哈
真係飽到想食，大滿足
而我就係今日食濟左。。。。
食完買埋手信就行番酒店
因為Dikky差不多要走喇。。。。
只有佢係由米子番屋企
我同銀就去東京，哈
送走左Dikky
我地就決定行下鬼太郎條街
入左去個鬼太郎博物館
遇著今日3月8日係作家生忌
所以入場費唔洗，哈哈又會咁岩既
行完一圈
時間就差不多，要番去酒店攞行李上火車去米子答夜晚巴士喇
先去Aeon買左d糧食上車
點知買左炸雞，一開好大陣味搞到我地唔敢食哈哈哈哈
而我都因為食濟左無咩點食野
最後d野食就原封不動拎左去新宿。。。。
上左巴士，架巴士好搞笑有個蓋笠住
唔知點解今次竟然訓得著，都ok
訓下醒下，好快就可以見到你啦～
依個就係寄比未來自己既postcard
其實又驚又喜
五年好長喎，唔知會點哩
最後寄左比呀銀屋企地址哈哈
希望無搬屋啦～
No comments:
Post a Comment