已經約定呀銀去日本
因為同佢去日本係一個夢想
一直好想同識日文既人去日本
但佢話唔會去東京大阪
我就叫佢決定地點，天腳底我都會陪佢去
結果佢揀左個叫米子既地方
我當然聽都未聽過啦
之後查下原來果度出名鬼太郎
因為個作家晌果度長大
米子位於鳥取縣
咁鳥取縣有幾個城市既
我地就決定玩幾個城市喇
約左晌機場等
最後我早到，入左去翠華食個早餐
之後銀斬黎埋
最遲係Dikky
搞掂哂就上飛機
架飛機都幾吉下，可能米子仲未出名喇
到左之後發現個機場真係細到不得之了哈哈
而且果度係非常鄉下既地方
d火車係一個鐘先一班
搞掂哂行李就出發去境港，我地book左間酒店晌果度住
亦係base晌果度
去到火車站，下一班車係15分鐘後
之後就要再隔一個鐘
所以要快快買飛
好死唔死架賣火車飛既機好似壞壞地
搞左好耐都唔掂
最後問左唯一一個日子乘客
佢話架機可能唔夠散銀找錢
所以我地就入多左錢
個日本人仲好好心
話可以同佢交換，佢比番20yen我地
上左火車佢開始搵呀銀吹水
問我地係咪住果間酒店
又問我地晌邊度黎
果刻覺得識日文真係好幸福。。。。
上車傾到落車
去到check in當然係呀銀搞
點知有個staff姐姐走黎講左堆日文，唔知佢up乜
後來先知道竟然係幫我地個喼抹碌～～～～！！！！！
原來因為成間酒店係ta ta mi
所以要抹左碌先可以推
而d鞋亦要lock晌lobby既locker既
真係大開眼界呀～～好乾淨呀～！！
check完in原來日本叔叔晌度等我地
仲約我地食晚飯
咁我地緊係無所謂啦反正我唔明佢講咩
都係呀銀做翻譯
最後約左6:30食晚飯晌酒店對面
約好就入房，間房真係唔錯
好開心間酒店咁正
仲要唔貴，可能鄉下地方
離6:30仲有一個鐘
咁就晌附近行個圈
果然依度充滿鬼太郎
連街燈都係好搞笑
行完就番酒店會合日本叔叔
嗌左兩隻蟹
一隻sashimi，一隻燒
再嗌第d野食
原來日本叔叔叫Charlie
佢係做飛行模擬器既
亦成日出trip
佢本身係住晌鐮倉，即係我地上次去江之島果度
佢會同好多外國同事合作，亦會成日去美國英國
所以份人可能open d
佢已經有個十幾歲既女
吹吹下發現原來聽日都係答同一班巴士去松江
所以聽日仲會見到佢哈哈
食完吹完水
番酒店抖陣就緊係去浸溫泉啦
真係爽到痴線呀～～好鐘意食度呀～～～
No comments:
Post a Comment