亦係非常忙碌既一日
一起身食左媽咪整既蘿蔔糕之後就出去中環見律師
簽左份文件受權老豆賣樓
然後就仆去民政署宣誓
咁就可以攞番d mpf
搞完就去北角食祥發
仲嗌左d晌附近番工既中學同學
兩個政府工，一個係晌北角開中醫店正正晌雞比隔離
吹下水食下雞比就散水
轉陣去銅鑼灣剪個髮
因為金比下星期去旅行所以要快快手做
整完去左muji行個圈
好想瘋狂買零食。。。
兜完就去番salon搵mabel
因為佢約左6點剪哈哈
吹下水之後就去炮台山
今晚係要同小布果班宅仔食飯
依餐名義上係我贏番黎既
話說我地有個習俗係每年估下英超，or世界杯，or歐聯，或者歐洲國家杯既冠軍
輸家要請贏家食飯
我今次已經係第二次贏哈哈
因為上年我估中左葡萄牙冠軍
但歐聯就係一個叫Alex既人贏
所以兩個請兩個食飯唔洗比錢～
去左私房蔡食
無退步不過一樣咁貴。。。
食完仲要去埋食甜品，之後就番屋企喇。。。。
聽日就要去日本啦～
非常唔真實，因為咩野都無預備。。。
依度就係宣誓既民政署，都無咩特別，好簡單
香港地鐵好闊呀～
佢地要我扮好好食既樣。。。。
剪完，清爽～
剪髮果度咁岩有本介紹聽日去既鳥取，講蟹，好期待！
我答住膊頭既就係小布，識左廿年，由網上到真實世界
一個從來唔洗打工，靜係炒股既人，宅仔終於有拖拍，拍左兩年喇～
女友係大陸人
依個就係alex....同佢其實唔算熟
No comments:
Post a Comment