執屋日

完結左日本之旅就要開始面對執屋既煩惱
對我黎講，其實唔算太煩
因為我可以捨棄好多野
只係覺得，真係好浪費
我有好多其實睇唔哂既書
都決定要掉
因為空間係好寶貴
到萬一他日想再睇番既書，買番就可以
我最後只決定留番一d買唔番既野
例如人地比我既信，照片，等等
所以留番既野唔算多
反正，果d都只係物質黎
而經過今次既執屋
我決定以後唔會再買無聊野
只買用得著既野
而你亦唔可以再買野比我
因為果堆物質，最後只會化為烏有
我寧願要錢好過。。。。

執下執下你決定今日進行換喼行動
所以我就拎左個喼去尖沙咀比你
而你屋企人亦渣左架車出去
晌街開喼放野都係第一次，哈哈

搞完哂你就繼續同你條女女去玩
我就獨個兒番屋企
今日老豆有事入左醫院所以得番我自己
夜晚我媽就煮左米粉我食
聽日要帶貓貓做最後既bodycheck
希望順利啦～

依個係以前呀Jill整比我既公仔，仲做左namecard
你果時話依隻好似乙一本書既Blue
不過唔知你記唔記得啦。。。