一起身發現哇～～～好大雪呀～有積雪呀～～好正呀～～哈哈
今日行程係去鳥取唯一亦係最出名既景點，鳥取沙丘
走之前緊係食番個溫泉早餐先啦
哇個早餐真係超正
可惜佢兩個唔係好開胃哈哈
我就清哂
食完飽飽就check out
先去郵局寄個postcard
然後就去答巴士去沙丘
其實原本我覺得依個景點唔特別
但佢地promote度係好正既景點
有個沙丘美術館，好可惜依排佢準備下年既節目唔開
只可以去個沙丘
聽說日本只有依個地方有咁大片沙
係沙漠黎
但去到超級勁大風
簡直係行都行唔到～！！
仲要勁大沙
一mark大口就食哂d沙
根本就留唔到幾分鐘哈哈
最後求其影左幾張相就收工哈哈
我連行都行唔到。。。。。
等番巴士落番山
就去左個叫仁風閣既地方，係另一個景點
晌依度拍過劍心套電影架～
係古代既有錢人既屋企黎
行左個圈就走咯
因為沙丘比想想中留得少時間
多左時間就晌車站附近行下
原來有個大丸百貨
都幾多野行，仲有超市
我發現原來我漏左我心愛既Y3手套晌沙丘，非常唔開心
但太凍，就即刻晌大丸muji買番對新手套，哈
行埋超市就上火車
番去米子
我地今晚係食燒肉
間野有d遠，加上又落雪，決定答的士去
去到發現間野原來好high class
係食本地牛既
d牛肉真係勁爆好食
而且人好少
食到飽飽都係大概每人$300港紙真係平到笑呀～～～
食完就番去答火車，番酒店
再浸個溫泉先訓～爽皮呀～
依間酒店有個服務係深夜有拉面做宵夜
佢地話今晚要食
最後一人一個。。。不過個面係好細既。。。
No comments:
Post a Comment