重遊巴塞第五日－答錯車唔見車飛

今日好早起身
就叫醒佢地
因為佢地要沖涼同執行李
我地班機係13:50其實好多時間既
不過都費事

最後我地想11點去到機場食野
一定夠時間啦
我地唸住沿路番去實無死
因為我地係行左十幾分鐘答一個直達機場既train
正當我地想行之際忽然有個人走埋黎問我地想去邊
佢就叫我地唔洗行架，你由依個地鐵站入去就可以去到下一個站轉train
咁我地就信佢
就買左metro既一種叫aeroport既飛，特別貴既
要4.5歐
去到下一個站就落車搵果架火車
發現屌唔入得去既
原來根本依張車飛唔係for果架火車既
我地買既metro aeroport車飛只可答metro去地鐵
唔可以答train去地鐵
但佢地好慳唔想再比錢
就決定答metro要多好多時間
不過都岩岩好11:50去到
但我一出閘發現唔見左車飛
搵左好耐都唔見
我平時一定攝晌porter袋果一格
唔知點解無左
可能岩岩兜黎兜去果陣跌左
即刻唸起晌New York果陣既事哈哈
買張pass用左一程就唔見左lu～～
不過我平d，最後買多張就ok囉算啦

去到機場都12點
搞下搞下食左個早餐
就要上機
好彩我地預早好多好多去機場
唔係就賴野

上到機以為好ok啦
點不知竟然坐正晌個小朋友隔離
個小朋友痴左線
佢唔肯坐低，唔肯帶安全帶
所有空姐都走埋黎叫屋企人搞搞佢
屋企人都搞唔掂
個死land仔係出盡力在嗌
嗌到成飛機既人都聽到
除左我，前面幾行既人都不斷望過去
再喊我真係會殺左佢
好彩起左飛無耐佢就訓左
如果唔係可能會做殺人犯

落左機陪左佢地買車飛我就自己答火車走
因為我曾經晌依個機場答過express
而express係用電子飛唔check既
我就博大霧用同一張電子飛
點知真係得左
慳左成£19呀～哈哈

番到屋企之前好餓食左個雞
決定聽日開始一星期全齋先
實在食左太多肉喇

一番屋企執好野洗好衫
姿整仔佢番左Macau三星期
所以我一個人住哂
收到封信話1月要去出庭喇
聽日可能要去搵d免費律司
睇下到時點先