因為終於告別緩慢既talktalk wifi
迎接光纖既世界
訓到9點半
打去光纖公司問下究竟條友幾點黎
佢就話其實佢尋晚應該要打比我
但佢無打
不過佢都confirm左我係有個appointment既
咁都安心
只係一路等等等
等到11點半都無消息
個appointment係9-12pm既
搞到個心好唔安落
又做唔到家務因為條友黎一定整到污糟哂
終於11點40分打黎
佢話40分鐘後到
都好過無啦
又再等等等
終於12點45分有人噤樓下大閘門鐘
我開門比佢
點知勁耐都上唔到黎
有d奇怪
最後聽到防火門推出黎
係果條友
但佢話原來我地大廈個lift壞左～！！！！
所以佢推唔到架車d工具上黎
我心唸唔L係咁邪呀？
佢就話放心今日一定會整
但無lift要多d時間所以要去左之後d appointment地方先
我話我5點要出門口你一定要幫我呀～
佢都好好人話一定會番黎
而佢亦同我講原來管理處唔會理大廈入面既野
要住戶自己打去lift maintenance公司
真係奇怪
我唯有打去
佢地就話兩個鐘內派人黎。。。
3點倒呀engineer哥哥仔就番黎
佢解釋左要點整router
初初佢講到好得人驚要鑽隆要痴野
我以為會好大陣象
點知又幾好手勢喎
只係我無通知房東會鑽隆希望佢唔mind啦～～～哈哈
終於駁好
4點45pm黎料～
哇果然係快左好多
但最可以試到既當然係搵你啦
晌我依面我覺得好順
終於唔洗聽到話「咩呀？聽唔到呀？好窒呀？！」咁啦 yeah
收左你線就沖涼換衫
今日約左姿整仔既朋友呀Ian叔叔
就係之前幫我地搬屋果個好人
唔知你記唔記得佢既小故事
Ian係退休軍人
結左婚，有兩女一仔
但佢係結左婚好多好多年先發現原來自己係gay既
同老婆出櫃之後就離婚但出奇地佢地仲係好朋友
Ian係一個心地好好好好既人
因為佢宜家退左休後
去左做義工同埋d防自殺協會度幫人
開解人地，好似社工咁
又會做唔洗錢既工作，去派餐比homeless既人
佢係好虔誠既基督徒黎。。。
所以可能係咁，即使佢老左見出櫃離埋婚都仲係一個好老公好爸爸
正在係佢竟然同ex wife既老公都好friend
外國人真係心胸廣闊
我成日同姿整仔講，依個根本就係一個劇本黎
拍得出電影。。。
我地去左食日本野
事緣係本身已經好想食鰻魚
比你果篇文再激一激就更加想食
所以今日同Ian去食日本野
依間野叫好平，係連鎖既
叫左個饅魚飯都係£13好大碗仲有兩大塊饅魚算係咁囉～
好好食
食完就繼續吹水去左隔離starbucks飲左杯coffee
不過因為Ian住雷丁
所以玩到10點都要走喇
好開心呀～
No comments:
Post a Comment