依個日本節其實我一直想去
佢大概每半年搞一次
次次都撞正係番工
今日咁岩放假
就決定去玩下
尋日睇完d日本野搞到我想睇下食下日本野～！
依個地點好近我屋企既
我就先跑左個靚步
沖完涼就去
唸住去果度食野
今日天氣非常非常咁好
跑得勁舒服
我就係沿住條河咁跑架喇
跑完沖好涼就出去
個日本節係晌一個叫Tobacco Dock既地方舉行
入左去之後勁快兜左個圈就lock死要食乜
因為實在太餓
好在我堅持到都係食齋
食左個日式炒面同菜餃子
一般般啦，有d失望
但其實有一檔好想好想好想食
係果d魚型既燒餅，入面仲放左我最愛既吉士，同可以加綠茶雪糕
由我入去果一刻，依檔野已經準備開檔
到我行左兩個鐘要走
佢先開始煎第一個魚餅仲要雞手鴨腳到痴線
成檔野全部係land仔land妹
雖然見佢好努力咁煎我亦好想食
但最後都無無幫襯，因為佢地太論盡啦～！！！！！！
就係依檔。。。。條女幾cute既不過
食到飽飽就周圍行啦
佢地玩既野比較多
d booth係賣公仔呀賣衫呀賣figure多
都有d特別野例如賣刀呀咁哈哈
野食就唔算多，我都係死忍口無食，其實好想食雪糕。。。。
又有d畫家表演書法呀咁
其實幾有趣
最有趣莫過於係見到d老外晌度cosplay啦哈哈
我唔敢影咋
有d真係好激～！
見到d好似平時會渣harley電單車果d大叔晌度cosplay～～
d日本妹又好kawaii咁扮學生，好正
日本文化真係好特別，世界各地都一定會有人迷上！！！
d鬼仔晌度扮d好似銀狐既角色
同埋d學生妹（偷影哈哈）
依度有個sake free tasting
飲左d柚子味既超超超好飲～～～
但勁貴所以無買
係似汽水多。。。。
依檔又係正
佢賣自動壽司機同埋白米
仲有得試食
超好食呀日本米真係～～～～～
架機會自動卷d青瓜卷咁，好搞笑
依個係女書法家，幾靚，d畫都幾有型既
一個愛字賣成幾千£
真係唔係好識。。。。
佢有一part係叫Hyper Live!
係d妹妹仔上台唱歌
依隊係乜我當然唔知
但佢地超爆笑
因為我完全聽唔到佢地唱咩
只係聽到結他同打鼓
然後佢地口up up又笑得好甜
睇到班鬼仔流哂口水咁hahahhahahaha
行完睇完我就離開左會場
約左呀火腿比d手信佢
同埋吹下水咁
因為好耐無見啦
佢宜家無番工
主打晌屋企自己做organic野
因為佢份人好天然
佢之前有做牙膏，有做洗潔精，洗頭水
宜家佢做番梘
仲比左兩舊我
因為我近來都愛上用番梘哈哈
吹左陣水就番屋企自己煮野食喇～
No comments:
Post a Comment