窮遊意大利 Day 1 － 窮遊的原因

一向都計劃得唔錯既我
今次算叫無planning
原因係，其實我一直都無咩期待依個旅行
一來完全唔係我想去既地方，所以無心機plan
二來我其實唔想做伴娘
因為已經做過太多次
如果係香港，我一定推左
但Vikki係我英國叫唯一既好朋友
咁岩佢又無女仔朋友，所以我就應承左
今次真係最後一次啦

因為地點唔係我揀，但又難得黎到
唯有stay behind 4日
去下晌果頭好出名既景點五漁村 Cinque Terre啦～
以為好多野睇，所以唸住婚禮後留4日
雖然我知自己會去，其實都無細心plan
一來因為主力plan你既行程
都無時間搞我果個行程喇哈哈
靜係求其知道自己住邊間airbnb
結婚地點晌邊就算

一早預好多時間去機場
叫London Stansted機場
因為人人都話依個機場非常差
要預好多時間
買左來回express火車飛，又唔覺好耐，45分鐘就到
但要晌Liverpool Street上車

不過我出左門先發現原來自己無帶個print out既excel 行程，哈哈
之後就check in
原來print左boarding pass就唔洗排隊
都幾好
passport都係求其check哈哈

一落機，終於到意大利喇
但因為無做research唸住全程google map算
佢叫我答架巴士去市中心，再晌市中心上火車
就係惡夢既開始。。。

轉黎轉去
終於由市中心既火車站 Genoa Brignole
答去我既bnb目的地Rapallo
成個旅客樣既我
一落火車就發現唔見左銀包喇
個下真係覺得，下？原來真係會發生架？
好彩你叫我將d錢分開放，我先有euro100靜，哈哈
靜刻晌腦海brainstorm一下，應該點算
雖然個下個心有d慌，但好在唔見既唔係電話而係銀包
果下忽然覺得電話好緊要
首先search警察局晌邊，報個警先
果度d人又唔識英文真係好無奈
明知你唔明，佢地仲repeat幾次，就以為人明？
講大聲d，又以為會明，好奇怪
終於搵到警察，佢又唔識英文，大家用個手機用translate app推黎推去
好似係聾啞人士咁。。。。
手指指然後打字
其實都幾搞笑。。。

終於報完警，就去搵airbnb個屋主
佢本身話佢老婆會晌屋企等我
點知佢又唔晌屋企，激死我
晌門口等左十五分鐘佢先黎
仲要唔識英文
唉
不過間屋係幾正，同相係一樣樣，又唔係貴，around £25一晚
算係唯一安慰
冷靜落黎就唸下究竟100蚊可以點用
查下火車飛，大概計左之後果幾日點
之後落左樓下買左一條面包，一包芝士，兩包火腿
同埋6支水
其實唸唸下，應該ok喎，依度d野唔係貴
應該ok既，而且我有朋友晌度，真係唔掂先靠人
不過我覺得今次我一定要靠自己完成依個100蚊旅程
係為左懲罰自己唔小心
咁我就永遠都會記得今次既教訓

搞掂好哂野之後就早d訓，聽日十一點要見Vikki做wedding rehearsal！