終於平日放假啦
等左好耐
因為可以去去清理一直堆積落黎既事情
最緊要係今日係約左舊房東
交收鎖匙同攞deposit
再去剪髮
一早去到westfield食個早餐
之後就去舊屋
個痴線房東妹晌度訓啦
成間屋都係煙味
不過唔關我事，我仲著鞋入屋添！
等左成粒鐘，房東終於黎
咁一黎就計數
我同佢講你留左10 日
點知痴線妹係咁話你留左13 日！
佢應該係上過黎
不過房東無理佢，照計左10 日
然後個痴線妹仲係咁問果樣野去左邊，依樣野去左邊
佢問廁所張地粉紅地占哩？
我話我既，當然搬左
佢話乜係你架咩！
我話係呀！晌Primark買！£6 ！
屌佢
之後又話房入面好烏糟
其實係房梳化後面我無吸塵
我就用掃把將d塵推哂入床下底等佢睇唔到哈哈
又問個花樽晌邊
我話我無攞到
佢話唔係喎個花樽放晌度架喎，晌度嗌
之後房東就叫佢咪嘈！個花樽佢收埋左
怕小朋友撞到
之後房東見我好無奈，就話ok啦你走得
多謝我住晌度
然後話我同佢仲有野傾
就送我出門口
似乎房東係企我果面既，哈
都好啦，終於完左第一個屋企。
希望新屋住得開心！！！
搞完間屋就出去剪髮
終於終於可以剪短喇
忍左實在太耐
即叫佢幫我產哂佢
但電同漂之中我揀左漂
因為依度無人識電我想要果款，就係金比成日幫我電果款
我d頭髮太軟gel唔起唯有漂下佢易gel d
唉～雖然都勉強ok但係始終都係香港剪髮好
剪完，太遲趕唔切去銀行
就去左muji唸住買野
醒起Mimmy過幾星期又會黎business trip決定叫佢幫我買，哈
因為依度貴少少
最後求其晌Wasabi食左野
就去左一直好期待既Suicide Squad
因為就快落畫，所以就趕去睇
第一次真正晌戲院睇戲（之前睇過十年，但係係特別場）
我晌舊公司有個戲院會藉有4張 free ticket
所以就走去睇唔洗錢
其實套戲都ok既
我鐘意佢多過batman v superman囉
哇新果個joker....你都係自己睇啦～
睇完就番屋企喇～
No comments:
Post a Comment