好早就起左身
pack埋枕頭同被
出左去飲杯咖啡先
之後又食埋早餐
番去無幾耐Keith哥仔就黎左
佢租左架van仔
將佢晌Reading既貨倉既野拎埋黎
佢搵左佢個朋友Ian幫手
話說Keith哥仔佢晌Reading同一個鬼仔住既本身
間房既房東，就係鬼仔既爸媽
所以鬼仔係太子爺
佢本身亦係好dirty
所以Keith三年以黎都住得唔開心
去到最後一個月佢終於爆發
但又因為買左一張£5000既火車飛無得即刻搬去London
所以就投靠左一個住晌Reading既朋友，佢就係Ian喇
Ian係一個54定58既叔叔
佢好傳奇，起碼我覺得佢既人生好峰迴路轉
佢係一個軍人，但佢晌軍隊係玩音樂，吹喇叭同彈琴
但當然都有軍訓啦
不過已經retire左，有pension食長糧
佢有三個仔女，一個大仔，兩個女，有個老婆。。。
但，其實佢係gay既
佢係等d仔女大哂先真正出櫃
但世事係好奇妙
佢雖然因為咁離左婚
但佢同佢老婆仲係好好好好既朋友
佢老婆亦已經有另一半
我覺得，佢一定係一個好好既爸爸，同好好既老公
先可以keep到，出櫃離婚都仲同到一家人相處得好好
比著好多人，個老婆一定會崩潰
但Keith哥仔話，原來佢以前唔知自己係gay的
佢係結哂婚生哂仔女，後來遇到個男人
佢先知道佢係
Keith話，老一代既人其實唔知being a gay係點
所以佢都係去到年紀大先知道自己係gay
而Ian既大仔，亦係gay的
佢地會兩父子去gay bar溝仔
你話神唔神奇呀哈哈
我覺得好amazing，可以拍戲添
Ian本身個人超超超好
佢幫我地搬屋不特止
佢本身退左休，有間屋，有時會收留d有家庭問題既小朋友，叫foster home
佢亦會去撒瑪利亞會聽電話，去幫助想自殺既人
每星期日就會由Reading去London一間church彈琴
無錯，佢係一個虔誠基督徒
而作為gay既人，做基督徒係會有阻礙
但佢去既係一間 gay既church
我真係唔知church都有gay既
連牧師都係gay
所以真係倫敦乜都有。。。。
Ian佢真係超好人
佢一把年紀仲來來回回渣車去Reading
幫Keith手搬野運野，成60歲咁濟
真係好多謝佢
所以我地搞掂就去左Big Easy食Lobster！哈哈
佢話第一次食，好開心好好食～
唔知仲有無機會見哩？
搞完就去左Ikea買野
第一次去London Ikea
哇大到痴線
行到佢收檔
買左好多野
拎到死下死下
最後仲答錯車，因為太重要答車去地鐵站，本身係可以行
點知答左回頭車，不過好快發現，落車過對面再答
最後成12點先番到屋企
累到痴線，不過我都砌左個clothes rack同整哂d收納箱
聽日就可以開工喇～
No comments:
Post a Comment