第一，緊係朱古力喇
第二，係青口Mussels
第三，係啤酒
第四，係Waffles
最後，係薯條
唔講我都唔知
原來薯條係比利時人發明架～！！！
上司呀Sean係薯條fans
佢任何薯仔類既野都極度熱愛
佢一聽我話去Bruges就話一定要去薯條博物館
所以就變左係行程之一
本身我都唸住去朱古力博物館既
一去到發現原來朱古力博物館同薯條博物館好似係朋友黎
因為直頭晌隔離，買飛都可以一齊買～！
起身行去朱古力博物館只係短短20幾分鐘
但已經經過幾十間朱古力店哈哈
各色各樣都有
真係太多根本影唔哂
去到朱古力博物館
買埋薯條博物館飛～
早餐都未食
一買飛就送朱古力，好食～
依個博物館晌Tripadvisor排名都幾高
可能Bruges係一個小鎖無咩景點而又最出名係朱古力
所以依個館都做得幾好
勁詳細
我就簡單講下我學左咩
首先一開始大家愛上既係可可
可可豆係由墨西哥唔知點樣興起上黎
係由馬雅人開始既
佢地會將可可豆壓碎沖水變熱飲
而且會加辣椒～！！！！
無錯～一開始盤古初開之時
可可係辣既飲品
後來傳左去歐洲
因為大受歡迎而且非常罕有
只有貴族先可以飲得起，仲貴過酒架～
而且可可豆仲係貨幣黎，可以用黎買野既
所以非常非常值錢
將可可豆熱飲變做甜既人係西班牙人
甜飲當然大家個個都鐘意啦～所以更加受歡迎
後來，瑞士人就發明左，加牛奶落去
再後來就不斷改良，又試下凝固佢
就變左我既最愛牛奶朱古力喇
去到幾百年前
唔知邊個高層國王之類既人話
吾～～朱古力實在太好味啦，而且係一樣咁美好既野
我決定將佢個錢降低～咁樣平民百姓都可以食得到～！
結果，朱古力就唔再係貴族先食得
變左家家戶戶都食得既正野喇
但，點解比利時會出名？
原來比利時發明左將朱古力入面加涵！！！！
第一個發明朱古力入面加野既係一個叫Neuhaus既人
佢發明左Pralines
而且仲申請左專利，將朱古力放入硬盒到變成禮盒裝
再後來更加多人研究朱古力
漸漸就出左好多名朱古力師，比利時仍變左好出名做朱古力既國家囉！！！
睇完朱古力
就去睇薯條啦
不過相比之下薯條博物館就無咩特別
係學左點解比利時發明薯條
但英文名叫French Fries哩？？
原來係一次世界大戰果時
美國佬見到比利時佬晌度食薯條
比利時佬請左美國佬食
佢地話哇～！！！！！好好食呀～～～係咩黎架？
比利時人就話，係Fries呀～～～
但果陣時比利時人係講法文既
（比利時曾經有段時間覺得識法文既人係威d，所以大家盡量學法文）
美國人以為佢地講法文就一定係法國人
所以就當左Fries係French Fries
比利時人到宜家都覺得非常唔開心
自己發明既野變左第個名
所以晌比利時係絕對唔可以order French Fries
一係就叫fries...或者belgium fries
唔係佢地會嬲的
睇完仲去左樓下個canteen食薯條不過感覺一般又唔係特別好食
食完就去左參加一個Free Walking Tour
晌歐洲好似非常興依類Walking Tour
話就話係free既
你可以唔比錢
但最後你都可以tip既tour guide既
通常£5-10啦
個tour guide會帶你行個城市一圈
講下d history咁
非常正架，因為唔洗做功課就有人教你
會學到好多野
行左2個鐘
途中又好天又落雨又落雪又落雹真係好正呀哈哈
最後我坐低食左個salad飲左杯熱朱
再行下食左個叫waffle on the stick既野
我一睇就覺得晌香港一定有得做
超簡單又好食
之後再行
但已經唔再餓
番左去屋企又一定唔會再出黎
唯有買個杯面夜晚食啦～
聽日就起行去第個城市Ghent咯～
早d訓～
有間中餐不過串錯Chinese哈哈仲係上海野黎啵～
No comments:
Post a Comment