同上次睇motogp果個地方係一樣所以我記得點去
不過今次因為要出國
所以晌個站要check埋in，要攞boarding pass既
上車，原來我架車總站係Amsterdam
不過第一站就係我既目的地Bruges
其實Belgium離London真係非常之近
5個車鐘車程算唔錯
而且因為我早買車飛
來回都只係£18
本身可以£16，但我星期五出發所以貴左少少
平時如果要答飛機，去飛機場既火車都已經£15-20
所以答巴士係超值～！
好可惜架巴士有個死land仔好嘈
但我已經番左一日夜更
所以都好眼訓
竟然都訓得著
不過去到邊境本身要過海
晌果度全人類都要落車過關
有個好似商場咁既物體
有少少加拿大feel
但係一個好簡單既過關程序黎
過完就上番車繼續
而我又一路訓
不過好彩我訓得唔係好冧
因為原來好～～～易miss左落車個站
個車長只係好細聲嗌Bruge~~Bruge~~
我就即刻落車
又只得我一個落
真係好彩咋～唔係就會去左Ghent喇
我成個旅程係咁既
先晌Bruge住兩晚
再由Bruge答火車去Ghent，住4晚
晌Ghent再daytrip去Brussels同Antwerp
靜番果晚先玩Ghent total7日6夜
去到Bruges真係唔好彩天氣唔好，落雨
落左車答左架巴士就去到Airbnb
其實Bruges係一個非常非常非常細既小鎮
但係非常靚
如果係夏天黎就正咯
因為佢有條河圍住好正
冬天就麻麻啦哈哈，有d淒美
Airbnb係兩層，屋主住樓上
我係樓下
間房算係我有史而來住咁多間Airbnb最最最乾淨既一間
真係訓地下我都無所謂
個廁所好似新既一樣哈哈
唔錯
叉下電就出發求其搵d野食，勁餓
點知出門口天氣差到痴線，勁大雨又大風
我著住雨褸都濕哂
又好多鋪頭都唔開唔知仲咩事
終於搵到間pub既物體
衝入去問佢有咩野食
佢就話佢係pub黎，得小食架咋
我想食正餐
但我又昅到佢個menu有個spaghetti
咁就問佢，依個係咪意粉
佢話係呀，係肉醬意粉
我即刻心入面唸，扯又話無野食，係咪吹水架
咁我就點左依個黎食
因為太餓，求其啦。。。都無唸住係好食
只係想食熱野因為成日身濕哂
點知！！！！！！
佢一送上黎依個意粉
竟然。。。竟然超級好好好好食～！！！！！！！！
而且竟然係angel hair黎架～！！！！
向來angel hair都係非常難做意粉
又幼又易爛
但佢做得非常之好
仲送左成大盤芝士
我起初以為依個就係面黎
因為太大碗啦
最正係佢夠熱
個汁又唔酸
仲要多肉～！！！！
真係非常非常好食
實在係一大驚喜！！！！！
Anyways我食完已經非常飽
好感動
然後就再出去行
變番細雨，都ok啦
一行入個市中心就發現
依度真係超多朱古力店呀～～～～～～
仲多過銅鑼灣既莎莎呀哈哈哈
大概成個鎮，我估有7成店都係賣朱古力既
好開心～真係樣樣都想買
但其實我覺得應該差不多。。。。
行到咁上下
緊係要食waffle啦～
入左間店點左我最愛whipped cream加chocolate sauce
真係好正呀～～～～
6點開始好多店都收
咁就唯有番屋企聽日再食過咯
No comments:
Post a Comment