Placebo

今日係大日子，Placebo演唱會
買左飛成超過半年，終於都黎喇～
可惜偏偏撞正Christmas部門lunch同埋全公司既聖誕party
搞到無得去。。唉～
Lunch，就真係唔想，因為只係部門同事搞
但party，係公司搞，野食野飲都係免費既
不過無法啦

今日個lunch其實爭扎好耐
葡萄牙人Diogo本身無唸住去
因為佢放假，點知佢番OT就隨口應承左
後來佢先發現原來連我咁social既人都唔去
佢就話屌～你地原來個個都唔去知得我都唔去啦～
佢去完番黎就黑哂口面話勁悶哈哈

做到6點幾，Jeremy就話我走得喇～佢知我一心想早走去睇concert
所以佢就比我早走
走之前去左christmas market
忍唔住買左隻熱狗食
我發現少左食肉之後
我最最最最卦住既
唔係牛肉，亦唔係雞
而係大肉腸
依樣係幾出乎我意料之外既
因為我一直以為我最愛既係牛嘛

哇太耐無食大肉腸，真係堅正呀～
但又唔係好夠咁
之後就答地鐵去concert既場地叫Wembley Arena
係上次睇rugby既隔離，好似Asia Expo咁既
點知佢都有d food market
我豁出去，都反正破左戒就食多d啦
再嗌左個腸加薯蓉
哇正到痴線啊～～～～～～～～～～～
只係£5～～～～～

食到飽飽就入會場
好快Placebo就開始唱啦
好開心好high呀
不過
如果你晌度就更加好啦
係你介紹依隊band比我識
越聽越鐘意
好想同你睇呀～
佢地唱Without you I'm nothing仲出埋Bowie添晌個screen度～
最後encore左兩次
encore完第一次我果行d人走哂哈哈
但見到有人仆番番黎
但encore第二次只係一隻歌
仲要係唔識既。。。。真失敗
成場concert就係最後依隻唔識，激死～

睇完就番屋企喇
成11點40先番到去
沖埋涼即訓囉～

最近愛上依個yoghurt早餐
係用greek yoghurt，本身係無糖既yoghurt黎
再加依d唔知咩黎，叫granola
係d oat呀seed呀，但甜甜地
然後再加少少honey，好好食
終於搵到樣代替面包做早餐既野喇～

真係睇唔到有黑，唔知點解。。。。

佢地走左之後encore第一次之前
個個都著左手機torch晌度fing
好靚呀～