Shopping Assistant

聽日Howard大哥飛瑞士過聖誕
佢個瑞士女友就早d飛走左陪下屋企人先
佢話今晚想去Uniqlo買件羽絨
所以放工就約左去我地既中間點 - Stratford果個商場見

放工前喪做野今日做左好多
夠哂quota可以早d收工
放工去到Stratford就去Uniqlo
可能我本身真係太唔鐘意shopping
好多衫我都無咩感覺
但最後都幫佢揀左
其實我覺得瘦同高既人，真係著咩都會好睇d。。。。

買完外套就去左John Lewis百貨公司幫佢買送比媽咪既聖誕禮物
外國人真係好重視聖誕節
佢話因為搬左同媽咪住所以打搞左佢好耐
要買好多野送比佢
最後佢買左4份
有支好貴既蠟燭，人手做，有香味organic既
一盒朱古力
一個garlic press（其實係佢自己想用）
同埋一支organic hand cream
之後再去左marks and spencer買d heat tech野
本身我晌Uniqlo已經問佢你需唔需要
佢話買定去雪山都好
但Uniqlo果d佢睇唔上眼
話係人工既物料，唔鐘意果d化學野貼住皮膚...(!!?)
我心唸乜咁煩哈哈
佢問知唔知有無wool類既野
我就話marks and spencer有
咁就去睇啦
揀左好耐，又有medium又有maximum warmth
摸黎摸去佢話好似唔夠滑
點知比佢昅到個物料
竟然係50% wool 但有25%係polyester
佢就好嬲（因為包裝係寫wool only）
我問其實有咩分別呀？？？？？人工野唔著得？？？？
佢話唔舒服
最後揀左件cotton既頂住先咁話。。。

買完買罷就坐低飲左杯咖啡吹下水咁
佢話如果下年仲同緊呀瑞士女友一齊就可以帶我去瑞士～～～哈哈
瑞士係我心目中既第一位，一定要夏天去
但2017年家姐又話加拿大為左慶祝150生日
所有國家公園全部free我又好想去
2018到爸爸佢地settle down我又好想去
世界太大啦～～～～好多地方都好想去～！！！！！

Anyways吹完水就番屋企
同左姿整仔傾左好耐計
佢好好好唔開心
因為終於同左HR同佢大佬既上司傾
最後都無得加人工
佢決定下年2017就走

其實我覺得Deluxe依間公司最衰過我宜家依間
Deluxe平時吹到自己係世界第一
無錯，佢的確係
但佢對員工就好差
大公司始終都係仆街
傾到咁上下大概1:30就訓喇～

最近愛上依個意大利雲吞
好食又方便～