國泰redeye班機既野食認真難食
我咁鐘意飛機餐都頂唔順
不過也罷，反正我第一餐係去築地
都唔想個飛機餐浪費我既quota！
一到步買哂d pass之後就上NEX去東京站
去到check in放行李就出發～～～～
第一站築地～！
好緊張因為從來未黎過
一到就食左個海鮮飯
去左間好出名既叫大江戶
但唔知點解乜人都無，仲以為去錯
食到飽飽之後就搵 Dikky
佢咁岩都係今日晌度食早餐
我離開果時忽然有條好長既龍
Dikky都話其實係我好彩，大江戶係成日都要排架～
同佢一齊後又食左少少野
好飽
佢走左之後我自己又買左d野食
真係原來一個人黎日本係有唔好處
就係無人同我share野食～！
飽到想死之後就離開築地
第二站係去表參道買野比同事
同事生左個B，表參道有間幾正既BB野
買完我就行下涉谷
去睇你最愛既店
買左少少野，就行埋TokyuHands
其實個backpack已經重到爆炸
好累呀～
之後去左一個新地方叫自由之丘
都幾得意幾年青既，好文青咁
食左個pancake
買左d蛋糕仔呀之類
本身行程係去食無敵家
但真係太太太累了
搞唔掂
去左房放低野，決定去左酒店附近
蔡蘭介紹過既一間鰻魚飯
點知原來係太郎隔離喎哈
依間鰻魚飯都有米芝連食架
不過係好耐好耐之前。。。
食落都ok好食，不過無我地以前去築地邊皮果間宮川咁好食
食飽飽就番酒店早d訓喇
No comments:
Post a Comment