所以就決定今日打掃
反正堂妹走左可以一次過
訓到安樂醒食埋個好豪既芝士早餐就開工
做呀做～
好正好high呀～
好乾淨好開心
仲洗埋衫
之後就同你skype左陣
然後我就睇戲
因為成日都唔用netflix太唔抵喇
所以就晌netflix揀左d documentary黎睇
netflix既docu真係好有水準
今日一口氣睇左套叫Icarus同Pet Fooled
Icarus係講俄羅斯既禁藥故事
原來俄羅斯一直都晌奧運作弊
一路都有政府支持運動員食禁藥既風氣
咁岩有個電影人無意之中拍到一d好堅既footage
造就左成套電影，都幾峰迴路轉既
因為拍果個導演本身個題材唔係依樣野
佢原本只係想做一套好似食麥記果條友
日日食麥記去紀錄自己既身體狀況
咁拍電影果個人係一個熱愛單車既人
佢就想日日都食禁藥睇下會唔會踩得快d
咁佢要搵一個幫佢plan食禁藥時間表既人
咁岩佢就搵到個俄羅斯科學家幫佢design
原來～～～依個俄羅斯科學家好有來頭
就係幫俄羅斯奧運選手設計禁藥療程既人
晌導演拍拍下依個紀錄片果時個科學家比人arrest
咁導演就幫依個科學家
將佢由俄羅斯運左去美國（因為有人想殺左依個科學家）
順便揭發左俄羅斯禁藥原來係一路都有政府去sponsor之類
另外一套就叫Pet Fooled
係講原來市面上既寵物食物都係無監管既
亂黎都得
2007年曾經有好多狗因為一隻零食，食死左
最後發現d零食係中國做既，哈哈哈
但因為無監管最後都不了了之。。。
睇完食埋飯就休息喇
係時候轉下夜更生活，晏少少訓先～
Jamal話，咬死你個姣婆～～
2 comments:
好pro呀妳睇的docu.....
其實真係好好睇架～～～
Post a Comment