大出血日

今日約左Vivi食早餐
晨早起身就出發
約左佢9:45
又係去上次果間cafe
依間野認真唔錯
係貴左少少
但佢既早餐真係好好好好食
Vivi都話好鐘意
一定要迫老公黎排隊咁話
食平日就完全唔洗排
今餐佢請左我食哈哈
因為佢無工做時我都照顧下佢
所以當無數啦～～

食完吹完水
我就去驗眼
英國驗眼要錢既
不過又真係好pro既
佢話我隻眼好乾～
近視少左，不過散光多左唉
就係因為依個散光
搞到我無得用nikon隻鏡片
澈死我啊～～～～～～

去到Moscot
終於要買喇
真係好貴好貴好貴
我一定會好好珍惜依副眼鏡既
不過話時話
我用得既眼鏡
留得住既
都係貴
但真係耐用
睇下我副Jean Paul就知
足足睇左廿年
仲係咁鐘意～～～

配完落雨即仆番屋企唸住同你skype
但你就同人撐緊枱腳～
咁我唯有做住家務等啦～
洗下衫
煎左魚聽日帶
發下呆
終於見到面喇
傾左半個鐘你就眼訓～咁我都出發去睇戲咯

先去一間診所接呀Howard
佢條腰唔舒服去左睇骨科
之後就答uber去戲院
睇7點場Apes
不過都係第一同第二好睇d
今集平淡左少少
不過Caesar真係勁爆型
點解一隻猩猩都可以咁有型架～好man囉～哈哈
睇完我就番屋企訓教喇