夜晚就去聽朋友唱歌仔
訓到9點起身無幾耐就出門
今日想行下
所以就答車去公司附近再由果度行去市中心
行左一個鐘倒
天氣非常正，超舒服
去到發現市中心間KFC竟然執左
唯有先買戲飛
再由戲院行去另外一間KFC
好耐好耐無食KFC喇好開心～
之後都係吹水啦咁耐無見
佢原來有左第二胎
不過聽佢講都有唔開心野
畢竟佢住晌度都好多年
仲嫁埋過黎
佢話，有時同老公嗌交
就會好自動咁唸
「如果唔係你，我根本唔會住英國！」
依樣亦係我最擔心既野
佢話佢係因為老公，所以先要留晌度
好似困住左，而且又無得做自己想做既野
佢係designer，係畫家，鐘意畫野
但生左仔就好難
佢話宜家好少少因為會畫下野放晌gallery賣，都有人會買既
但賺得唔多。。。。
而且生完仔又無自由，哈哈
不過整體都幾開心既。。。佢話
宜家佢有左，好少出街，所以都應該係我去佢住果頭探佢多
第時番少d工，就可以見番多d朋友喇我。。。
睇左套戲，都ok啦，好誇張既wonderwoman
不過都幾索既
睇完我去左另一個區叫Vauxhall
就係之前發生事故既地方
flatmate話想試一間既葡撻
咁岩我又得閒，所以我就去左食，食完買左外賣
不過一般啦，無咩特別
食完番屋企放低野又再出去
今日係Ana葡萄牙朋友既畢業展
佢學唱歌既，所以畢業展就係音樂會
d同學組成一隊band上台唱歌，d先生就會比分咁
之前去過一次，都幾開心幾好聽既
依度叻既人實在太多
個個都好似歌手咁，但原來只係學緊唱歌。。。真係勁
聽完就吹下水
吹到10點幾我就走先喇
番到屋企食左少少野就唸住捱下
咁就可以順便調番d時間。。。
經過番發生事故既london bridge
原來放左好多花
依個就係Ana喇，唱歌幾好聽架～
No comments:
Post a Comment