不速之客

今日早上就留晌屋企打掃
食左個早餐就開始
洗完貓廁就同你吹左陣
之後就打掃同預備今晚既飯
因為想整埋靜番既聖子
所以起左殼切好先
然後就出去西面搵火腿同家家（Anita家姐）
見面佢地買左隻燒雞就大家一齊扯黎食，哈哈
食飽飽就落左d picnic野
落左去樓下個公園訓草地
依個公園係私家既
只有住果個屋苑既人先可以用
所以超正
一邊訓，一邊同火腿吹水
吹吹下，唔知點解有隻好寸既貓走左過黎
仲一句唔該咁「得」左過黎
坐左晌我地果度
真係大支爺。。。
摸下佢，佢都爽既
但摸摸下好神經質地佢會一野想抓你
唔知佢想點哈

坐左陣佢就走左去隔離
又係無啦啦抓人
嚇到隔離果邊d人大叫哈

吹到5點幾我就走喇
要番去睇賽車加煮野食
但我以為係7點所以6點半就番到屋企
先發現原來係8點
所以拿拿林煮好哂野食埋洗埋先開始睇
今場好心涼好開心好高興
點解依d事情唔係上一年or再上一年發生哩？？？？？？

睇完仲食左個甜品
之後就訓咯