仆街希臘人

今日本身都無咩野既
但就發生左d事

話說公司有個隔離部門既經理係希臘人黎
我地全部門都勁憎佢
佢係懶係巴巴閉成日要爭取好多野既人
當然係為佢自己部門爭取啦
而且佢係一個離左婚既中年男人
仲要唔鐘意放假無乜朋友
所以佢係一個workaholic黎
亦同時成日迫我地幫佢做好多野

上年有次佢要我地做一d唔係我地部門份內事
做唔到佢竟然走去投訴我地
佢真人講野成日笑笑口
但晌email就mean到爆勁無禮貌
我問Jeremy點解佢份人咁仆街？
佢話希臘人係咁樣
去到希臘個個都係咁，直腸直肚
佢地晌email係無語氣，而且一句起兩句止
非常無禮貌，但佢地話係正常

咁佢今日又有單野要求我地幫
咁我就幫佢set左一個transcoding既job去run
點知原來單job係好趕
我地system又好忙
我set左run之後個job排緊隊晌server入面
遲遲都未開始到
咁我就話，不如我停左你個job，幫你set做priority 1
咁就可以打尖
我email打，佢reply有無搞錯我地等左一個鐘原來係運吉？
我唸住回佢email都未打完佢就衝入黎間房
就問點解唔一開始咁做。。點解要等。。點解blah blah blah
我話其實如果你個job係趕，你可以自己晌個ticket度變佢做priority 1
之後佢話唔知有依個選擇
又話應該係我地幫佢整而唔係佢自己整
d同事都幫我口話我地唔會知邊d緊要邊d唔緊要
應該係佢地果面set priority

之後佢就走左
我都知心知不妙架喇
如無意外幾分鐘後部門呀頭就入黎同Jeremy傾
之後Jeremy就send左個email黎
話以後每次如果係果個仆街希臘經理既job
都一定要set priority 1去做
我心唸屌佢真係好撚煩
最賤格既係佢成日搞埋依d野
但入黎房又笑口口咁同我講野
比你sin完一獲之後佢又話其實你既我既favourite operator黎架～因為你做野夠快
屌你真係好撚假呀～下次唔幫你做

搞完之後成日都無咩心機不過都算
番屋企自己煮左d野食就休息
姿整仔同94出左去玩
成班gay既去左SoHo d gay bar
其實我都好想去體驗一次gay bar
下次我又去下先哈哈