德國人

今日其實無咩特別事
最特別就係原來我地公司有部過膠機
Sean都有些少姿整既基因
又有d OCD
所以佢就將我地之前上Fire Marshal既堂既証書
走去過膠表起佢
哈哈
我果張係自己過架
都幾好玩

下午無咩特別
有d開心因為有個隔離部門既經理同我傾計
話好多謝我好幫得手
我雖然從來未同佢講過野
但我都幾鐘意佢
佢係一個女人黎
著衫同我以前一樣，非常男仔頭
永遠係tee shirt加牛仔褲，唔化妝，好似les咁
不過長頭髮扎辮既，感覺好cool好型
事實佢係一個唔多講野又唔係成日笑既人
可能因為佢係德國人啦，德國人感覺好嚴肅
佢個部門就係負責德國電視台既
有時佢地會有d特別request，會email我地
咁岩通常都係我接手
所以我同佢成日有email既交流
但從來無傾計
自從入左依間國際公司我就發現左一樣野係好正
就係唔同國家既人，係真係有唔同性格
德國人，做野非常非常好
勤力，聰明，知道自己要乜
所以我最鐘意係幫德國電視台做野
西班牙，就最蠢
永遠做錯野，唔知自己做d乜，同埋學極都唔識
懶，同埋，都係蠢
而原來希臘人，係非常無禮貌
尤其係email，講野好mean
d同事話希臘人不嬲都係咁。。。。。
所以呀德國經理忽然同我講野我都好意外
唔錯～

今日飲左自己整既smoothie
有些少結
後尾加番d水就幾好飲
我加左青瓜，Kale（好似係鬼佬菜黎，鬼佬介蘭）
少少菠菜，一個蘋果，同些少honey
都ok啦～好青呀哈哈

夜晚番屋企食左上次party靜既水餃
再睇下Trust me I'm a Doctor
真係好好睇～學到好多野～！