萬眾期待MotoGP銀石之旅

等左咁耐

由買飛到今日都有接近半年

終於都到正賽啦～

行程非常緊密

因為要7:30出市中心答coach去

由屋企去Victoria Coach Station答Megabus（即係由Toronto去New York果程既公司）

首先要答巴士，再轉紅色Central Line night tube

再轉Victoria Line night tube先到

晨早5:45am落街等車

見到有個人晌巴士站

應該岩喇

點知一行去望下條路線圖

佢就問我

Are you Chinese?

我抬頭一望發現原來佢好似係一個mix黎

我就話我係Hong Kong架

佢話佢係mix Malaysian

然後就竟然吹開水喇

其實我仍然未習慣晌外國依種隨街搭訕既文化

總會即時唸，哇條友乜水，仲咩係咁講野，係咪賊黎？有無危險？

但可能真係文化唔同

我地比較保守，唔會同陌生人講野。。。

佢話佢係番夜既，同我一樣係番日更夜更

佢話以前番過Discovery所以知道我公司果類性質既野

到上左巴士都繼續傾

但佢上巴士竟然唔洗比錢

就咁揚下張證就入得

我就問，點解你答車唔洗錢既？

佢話，哦，因為我係disable架

哦？（因為佢行得走得好正常）

然後佢再話，我係有Austitic既

Austitic，即係自閉症，晌依度都幾common

但自閉症，唔一定係等於果d困係房唔同人傾計既人

自閉症，有好多唔同既病徵

最明顯既係，佢地做野要有一定既routine

如果routine唔同左，佢地會depress,會癲

不過佢都話自己叫唔算嚴重

但對前途係一定有影響，因為佢有依個病，係唔可以做manager級既職位

佢話如果佢做左manager級

會因為咁而迫死下屬，因為佢一定會push下屬直至佢做到佢既要求為止

然後佢又同我講佢有個拍左6年拖既fiance

係馬拉妹，搵好多錢，做會計

12月會番去見家長

但佢未婚妻係好聽屋企話既人

佢老豆好嚴，好大機會唔比佢地結婚

成程車係咁吹

竟然吹到我落車

之後先話  nice talking to you...I am Dave

哈

外國人有時都幾正

一面之緣但可以咁好傾～

去到Victoria站

同Toronto果個比真係無得比喎～

正好多，而且有哂水牌好清楚

不過其實唔洗水牌都知道跟住咩人排隊架喇

個個都黃噤噤既～～

上車行左成三個鐘

坐我隔離果個係個日本仔，得10歲左右

真好，屋企人又會比佢山長水遠睇賽車既

去到好興奮好多個booth賣野呀

本身都忍住唔想買

點知一幫你買左野就打開左個缺口

一不做二不休，買啦～～～～

然後又買左d野比Cala公主

佢平時幫你買野帶貨

當送比佢既禮物喇～～～～～

去到坐底先發現原來1點係moto3

都唔知點解會改左

可能同左F1撞。。。

不過anyways都好，多d時間行

每睇完一場就周圍行

但好明顯到左MotoGP d人就衝哂去廁所

屙清哂先睇賽車哈哈

一黎開波Rossi唔錯，但比人爬左頭

然後無一個圈竟然又～～～～～！！！！！炒車～！！！！！

紅旗～！！！

果下好想爆粗呀，唔係魔咒咁黑仔呀？！

重播覺得撞得好金

好驚

不過好彩無事繼續

我覺得今次好好彩

成場車都非常非常刺激！

最正係咩呀，最正係臨尾仆街仔無得上頒獎台丫嘛～！

同埋99成場唔見影，真係開心死我啦

我決定每年都要睇

不過下次唔會再買坐位

周圍企都幾好

完左其實好想睇頒獎但實在趕唔切

巴士會開唯有走啦

好多人都好乖，結果我地架巴士好早就full左可以開車

然後避過最可怕既人潮

最後兩個鐘番到市中心

但其實答左5個幾鐘車真係好累囉

番到屋企散哂啦

本來都好想跟次序但太多相啦haha

最正係有架VR46電單車仔

唔知係咪用黎車佢架哩？