本來就想休息既
因為黎緊七月好忙
得果兩日假，全部要OT
請左半個月假如果唔OT就得好少錢
但天氣實在太好啦
最後忍唔住
先出去買少少野，途中仲玩左個samsung VR
好搞笑幾得意
之後番屋企打掃
打完掃洗完衫煮個烏冬就去左屋企附近一個公園唸住哂太陽
依個公園叫Holland Park
晌依個Park入面竟然有個日式庭園喎，好搞笑
行下玩下
終於搵到個地方可以攤
好好天好好陽光
差d訓著左
點知忽然覺得陰風陣陣
一望下個天，忽然成個藍天變左烏雲密佈，唉又黎料
唯有執野走囉
行到出公園已經落大雨
好彩住得晌度耐就知一定要日日帶遮
即使你果日係去哂太陽。。。
但最奇怪既係
只係我頭頂落雨，望左望右係藍天黎
我d friend開始晌電話大家傾開依個奇怪情況
因為有個女仔佢send左張相出黎
佢屋企望左面係有落雨又有彩虹
右面就係藍天白雲。。。
真係好奇怪
落左十分鐘
又變番藍天白雲啦真係頂佢
不過算啦，都玩夠，番屋企休息
我決定宜家每日煮多d野
放工番屋企唔洗再煮慳d時間
中午我煮左一大兜菜，好好食
夜晚就煮左一大兜意粉
兩個都係無肉架～都ok好食喎～
最後就睇埋場波啦
真係笑死人啦
德國對意大利
大家要射十二碼
就快射到龍門都要出黎射
因為每次意大利miss左
德國只要入就贏
但就每次都射失
搞到射左十六輪先搞掂。。。
No comments:
Post a Comment