憎的不單是job nature
還有某些員工的態度
沒錯，老板娘是食住我老細的
無論在公在私都是
老板娘是客，所以是大哂
明明個job完了3－4個月
竟然有野要改？
「係呀，香港果面做完research，宜家到台灣，台灣果面有野要改。」
改的野不是少
永遠次次都懶好人的問我們schedule如何
但每次我答
她都只會回應「咁唔得喎，不如幾多幾多號交啦。我地都趕趕地架。」
屌，咁你問來仲乜？
手頭上已經有你們的project仲要新年前交
已經請多了三個freelance
又加插一個已經完了的project
都是新年時要的
趕，趕條毛～趕都得，態度好的或者有幫助
真係屌。。。。
放工去了剪髮會一會神的剪髮師
現在真的比較熟了
他時常都會向我吐苦水
他人很好，但朋友運卻奇差
先前已經被朋友放了一個計劃長達一年之旅行的飛機
朋友在臨買機票時對他說交了女友想和女友去旅行多一點
真悲哀
今次則是兩次相約看阿凡達被朋友重色輕友和「唔記得買埋你飛添」而沒得看這套偉大的電影
他說，重色輕友都不是問題，人之常情
但他三個好朋友的女友都是廿多歲的港女～！最正宗的那種
他說：「我個朋友月入都唔錯，但月頭已經同我講份糧差不多用哂，買哂野比女朋友。
上星期佢女朋友同佢講「你送比我既護膚品好得呀，我個妹用左都好鐘意，
你可唔可以送多套比我呀妹？」佢地拍左兩個月拖咋～！！！！」
港。女。
他繼續說：「有次搞遊船河，我唸住叫個舊同事去，普通朋友來，到約好哂，
知道左人數後，我打比佢同佢講大約遊船河既budget係幾多，你知唔知佢同我講左句咩呀～
佢話「乜唔係你出錢咩？」我真係唔知點答佢～！！」
我大笑：「咁你點答佢？」
佢話：「我咪話唔係架，人人都要比錢架～不過到左第日我再同佢confirm時，佢話唔得閒，唔去了。。。
從此，無再搵過佢～」
港。女。
然後「乜唔係你出錢咩」這一句就立即成為了我們這次剪髮的口頭禪
到了我剪完髮要比錢時
我好認真的對他說「乜唔係你比錢咩？」
如果我剪髮，剪髮師可以幫我比錢
那就真的太幸福了吧？
不過每次和他吹水都好好笑
其實他是非常好的人，希望你快點找到女友啦～
等不到他，唯有回家去了
回家後老爸老媽也從澳門回來
從加拿大回來只六日
已經去了澳門兩日
呵呵呵
只有這個，我才真的覺得
我有他們的血統
p.s.
奇境
回家去到lift lobby
見到兩隻襪
什麼人會在lift lobby掉了一對襪？
No comments:
Post a Comment