clothes killer?

今日晨早發生左件令我非常唔開心既事
不過都只怪自己on99
唔小心將大半杯熱既咖啡倒左晌個身度
成件衫同個袋都。。。。。。。係咖啡
搞到成個早上都無心機
好在個袋同件衫都係深色

唸住拿拿林拎個袋去乾洗實無死
幾貴都唸住洗架喇
點知問左兩間，兩間洗衣店既答案都唔同
一間就話肯洗不過唔sure會唔會有事
另一間直頭唔幫我洗。。。。。
噢～乜原來有野係洗唔到架咩？

之後另謀高就
問下成日用貴袋既公主cala
點知佢答左我三個字 say bye bye~!
下～乜d貴袋污joe左，就只可以講拜拜？
佢話，皮既就一定無，布都還可以救
乜呀？？皮係滑面架喎，stain左suppose應該可以一抹就掂架啵
原來唔係既。。。。。。雖然我唔知點解
佢話一係你送番去間店度洗
我心唸，我果個唔係十幾萬既hermes or LV or GUCCI
應該無依d服務卦～

唯有放工問下間shop點算啦
一入到去y3
個sales姐姐都好用心咁話我知
其實都係無救架喇，一係去d貴店既洗衫鋪問下啦

原來真係有野係洗唔到
點解哩？咁污joe左點算呀
以前我都唔係d咁輪盡既人
自從有次去茶餐廳食野
對面個肥妹唔小心將一舊肉跌左落碗湯度
比佢濺到我成面成身都係湯之後
我就變左佢咁。。。食野好輪盡
依個一定係咀咒來的

總之以後，我都一定唔會再用d白色，同名牌既野。。。。。。。
污joe左只會令人心傷