人去，樓空

今日真係史上咁悶。。。。
本來係同事center last day
可惜cyrus病左，同事唔係出去拍野就開會
老細亦現一現身就走左～
結果，竟然得番我同center
仲有另外一位part time karen。。。
三個人
我真係好難想像日後晌依間公司會悶成點
最熟既全部走哂
唉～

本來今日六點就走得
好想剪髮
但竟然原來連神都要放大假
唸住算啦，早d番屋企睇籃球
點知老豆一個長途電話打來
竟然要我去接機？！
喂你去旅行玩咋啵～仲要係去台灣依d咁熱門既地方
懷住有d失落既心情去機場
原來買左兩大箱手信加一個大喼做手信
接佢機時見到佢d團友＋朋友
佢地異口同聲都問
「點解你要個女來接你機呀？？？」
大概，其實跟團去旅行，都應該suppose唔洗親人接機。。。。
「我拎唔哂d野丫嘛～！！！」
不過算啦，見佢玩得好似幾開心
d手信又聲稱係買比哥同我同家姐

拎到番屋企已經係十點半
仲要叮波仔飯食。。。。嗚
食完拆禮物玩下貓
入房online時嘉嘉少有地求救
原來係要幫佢位實力派老細做少少汁相既工作
搞完，已經係點半

睇番日記
先醒起原來咁岩係一年前我地台灣不遂
一年後，我又要去機場接去完台灣既爸爸
d時間真係岩～
不過晌一個極度想去旅行之下既心情去機場
真係有dd難頂
又令我唸番起前年一個漫長既旅行
如果時光可倒流番去果刻，真係幾好

其實好多野想講
但係點解個感覺好似越來越陌生咁。。。。。
係咪你同我都開始懶了。。。。
心情唔好時
唔知點解好想用口語打。。。。
當自己同自己講完野
心情就會好番dd。。。。
依十年，我都係用依個方法令自己開心。。。
十年都可以係咁過
應該無咩野難到我吧。。。。