等完得個吉

今日一出門口果刻心情大好
因為天氣超正
好涼，有風，舒服
秋天係咪終於都來啦？
一定要好好珍惜
因為，香港既秋天得幾個星期。。。。

番到公司上午無咩野
下晝開始忙
因為條片原來要聽日出台帶～
但好多野都未firm
改,send,改,send
到左最後一次話唔會再改架喇...既時候
叫我等confirm
晌公司一路等呀等
最後八點半 producer打來話，唔洗等啦～！佢地下星期先出台帶喎。。。。。
真係吹你個啤呀。。。。
本來今日想剪頭髮架嘛～！！！
等到最後條片未完成之餘又破壞左我心目中既計劃
討厭

不過今日其實。。。幾開心
有少少感動
而依個感動竟然來自果位我一向都唔太信任既producer
基本上，我一直都無向佢交心
因為佢晌行內係一個有前科既人，唔係一個好人
所以，我從來都唔信佢
不過我佩服佢
佢有佢既優點
工作能力亦不錯
今日佢竟然fwd左一個email比我
內容係佢幫我向老細爭取果條搭膊頭老板娘片既人工！！！
果條片，我係做得唔開心
因為無錢之餘仲比人當老馮
話明係老板娘，老細盡可能都唔會deal
因為番到屋企d錢咪又係佢地兩個既
但係producer竟然真係出email話，應該charge佢地～
而如果真係的話，我就會有commission了
以前既producer，又點會幫我地依d小職員爭取哩
所以我真係有dd感動
雖然，我唔知佢幫我爭取會唔會有其他原因
不過我真係感動～多謝你

八點半收工去左食個面就番屋企
兩日都開ot都無陪貓貓玩
感覺佢地好似嗲左
今晚玩左陣我就入房了
整理以前去旅行d相
我真係
好想好想
去旅行
仲要係好長果隻
兩年為一個樽頸位
我既旅行病又發作。。。。。。