煩躁 厭悶 痴呆

上晝好地地
下晝收到嚇人既comment
客戶永遠都係好似食神咁...「你估我唔到既~」
以為唔鐘意既,又鐘意
以為已經ok既,又要再改~
改既野仲要無理得可憐
天呀....天呀.....
聽到同事jill狂烈地暴粗
哎也..點解咁煩架...依個job...好想快d做完呀...

想約我食生日飯既朋友們
不斷問我,聽日得唔得?今日得唔得?
我真係,真係今日唔知聽日事架....
到我得既時候
「你唔早d打比我?」「咁遲架!宜家唔得啦。」
所以首領曾經同我講
做依行,做耐左,漸漸你身邊既朋友..都係依個行業
因為只有依個行業既人,先會明白

既然無得食飯
就走去買新貓糧
試下比較有益既
買完答地鐵番去
再答巴士....
就晌落巴士果一刻
老細打左比我,同我講番果d comment
唉........我覺得好似做左producer咁...
我想講,其實我唔係好熟悉animation
我對好多野都無感覺
顏色,郁動既物件,立體既野
我只會覺得,好神奇,好靚,因為我唔識做
而你地,唔識做,唔識拍不凸至
仲要唔識得appreciate同respect我地做既野
實在係非常之唔開心
一路同老細傾,一路行
收左線後就慢慢行番屋企...行番屋企..唸下兩隻小魔怪
唸唸下凸然驚醒夢中人
「依?點解咁輕鬆既?!」
仆街!漏左袋貓糧晌架巴士度!!!!!!!!!!!!!!!
唉...................
雖然愉景灣治安良好
我亦深信唔會無左
但都係唔安心
即刻半跑半行咁飛番去碼頭
巴士司機話...你都幾鍚你d貓貓喎..咁樣都行番落來裸貓糧
行到身水身汗
已經唔想再行多次
等巴士....仲有廿分鐘先開下一班....真係頂...
唯有買外賣番屋企食啦....

千辛萬苦番到去
安撫完佢地
食野,沖涼,玩
又一日
最近真係極度無記性
會唔會有一日
我唔記得自己係邊個