火都黎!!!!

今日真係,有d燥
話說尋晚部macbook pro死左
但係個license key晌入面
我番工後當然好想知部mbp既情況
落去16樓..PA小姐唔晌度
打電話...唔聽..部電腦,亦唔見
因為如果証實無左license
我係需要將我部主機既CS3產走..再裝番第D CS...
打左成粒幾鐘,都係唔聽...點解D人咁架~
producer小豪話,佢係咁既..好鐘意玩失蹤
真係唔係好明宜家時下d年青人點唸~
終於無幾耐佢覆左我
「你搵我牙?」(廢話)
「部電腦點?」
「我唔知喎..我無再開啦。」
「咁部電腦哩?」
「好似晌我台面...」
「唔見喎。」
「呀..其實尋晚我落左去5樓做野果陣都仲晌度架,但番上來就唔見左啦..」
「下?咁邊個裸左?」
「我唔知呀...」
之後大家死搵爛搵~終於發現原來晌一個好神秘既櫃桶上面
「你擺上去架???」
「呀...好似係呀....」

唉.......我見部電腦無事,都安樂d
但係我一直超愛鍚既macbook pro比佢地搞一搞...
個面花哂不在話下
又凸然斷電
雖然部腦唔係我既,但係老細買得來比我用,我都好愛惜佢...
算啦......老細唔怒,我都無得好怒
只係不斷叫自己...「冷靜..冷靜...」
明明自己都唔係好老
點解同年青人溝通唔到哩???

工作完畢時八點半
要幫哥去灣仔買d野
打比佢時問....
「你星期六接唔接老豆出院?」
「唔啦。」
「咁幾時食飯...你要裸番d野喎」
一如以往的「遲d啦」「得閒先」「睇下點」
其實,食餐飯有幾難?
得閒見下面,都唔係好過份姐
之後越唸就越嬲....
講真,仲有幾多年可以咁哩
有時真係覺得
一路都唔長大,一路都維持晌以前一家人開開心心住埋一齊既狀況係最好
大家都細個,咩都唔洗理,咩都唔洗唸
一家人住埋,先係理所當然....
宜家五個人...成日都分開五個唔同既地方
都覺得唔係咁開心
不過,又有幾何可以好似「真情」果d節目咁
我唔覺得我孝順
我一向都係最任性脾氣最差果個
只係,當一路見住朋友們既至親至愛逐一離開
好自然就會唸
其實,時間真係唔等人
對得幾耐?好命咪十年,廿年
唔好既講句,真係可以仆親就咁去左
係咪應該對屋企人好d哩?
無佢地,又點會有今日既我地???
雖然我都唔係對好好
但我都會慢慢學
畢竟...我實在做得太多年不孝女
好在,宜家意外地發現原來有兩隻小貓晌屋企
生活得開心左
長久之後,生活又點哩?
有時,都唔鐘意做聯繫果個角色
但唔想咁..又可以點哩??

ps:銀,唉,岩岩講完,又發生咁既事...真係,好灰爆!!!!