終於....遇見神!!!!!!!!!!!!!!!!!!

哇~今日真係超級期待
比平時早左十分鐘起身set好個頭~
唸住著好d見eason
呵呵
其實...做左咁多年
對明星物體都無咩感覺
比起幕前
我更尊重幕後既人...
所以我會好期待見到出名既導演..攝影
亦都同過超型既張叔平影相
但明星,真係第一次
可能我真係鐘意eason
所以今次真係破天荒影相...!!
終於成功!!!

佢今日心情超好
講左好多野,搞左好多笑...
一如好多同佢合作過既朋友所講
好玩得,好開心
不過,當佢一路玩野扮鬼扮馬既時候...
我地一向認真拍攝既零分J...無咩點理佢
eason玩玩下既時候...「哇哈哈~~依...導演唔理我既...導演..(扮中毒)點解呀..點解你要咁做..」
笑到我地死
但零分J只係好認真咁講「咩呀,哦,拍喇!」
eason好無奈...

拍完...全日處於好hyper
無咩mood做野
亦都係,無咩野好做
吹吹水扮下勤力就放工
去左timesquare foodcourt食左個快飯
不過當中發生左件小事

話說一條友入左foodcourt
搵左個位坐
對面坐左個男人,佢係同佢女人來既
不過佢女人去左買野食
佢就坐晌度等食,一邊等,一邊睇緊張音響設備既單張
加上佢帶左副疑似係ic berlin既眼鏡
所以我覺得佢一定係個有,錢,人!
但係,佢竟然係做霸位等野食果個
我一邊食..一邊偷睇佢
我食到咁上下
佢女人就買左個拉面拎比佢,拎到佢面前!
然後佢女人又行開左了
佢起初都等埋個女人既...點知我見佢等等下就等唔切
自己開始食先....
食到個面得番一半,佢女人又番來,今次係拎住自己既野食
男人見到,話「哇~你買咁多點食得哂..」
女人「唸住一齊食丫嘛~」
之後佢地無咩點出聲,男人繼續食

唔知點解睇到依刻
覺得,有無搞錯!
食軟飯食到咁無風度,女人拎野食比佢連唔該都無聲...
真係好想打佢
雖然依一刻好可能只係每一星期發生一次,or每個月...or幾個月
其他野...唔知
但我睇到既依刻
真係覺得.....唉....男人......
我有偷睇佢,係咪整親腳哩?定係受左傷哩?
又無喎.......
唔怪得佢從來都唔會比我咁做
因為,原來真係有好似我依d咁八卦既人留意依d咁既野...哈
又,原來男人既細心同風度,係好緊要
好多謝你成日幫我拎野
我知道既

番屋企
繼續the book~!
今晚一定要完成